Kata Lom 10:10 - Jola-Kasa

¹⁰ Li mal̥egenamu, an áyinenumuu li buyinumool feh, Ateemit fan akaanool alako an acole hákilool, an li álobul li butumool hákil ésukayi feh aan láyinenyinen li Yéesu, Ateemit fan afakenool.

Kata Lom 10:10 Referencias Cruzadas

Maak 9:23

Yéesu li aanool: — Wáa újiye li oon: «Nokoomuu loon luyilo ukaan to wah ukee?» Bajut wah wan an áyinene ayilaat akaan.

Hulimahu Hásuumaahu loon Lík akiic homuu 8:15

Etaamayi yajakumuu, yo yommuu bukanabuku kajamumuu Hulimahu hata Ateemit kuban, li kuyab ho li buyinum bajake ban li kul̥egen. Li kuhanken min kútuk káyinenaku kooliil lit yok kubaj ebukoolum.

Bakaanelabu 8:37

Fílib li aanool: — Uyínenumuu li buyinumi feh, luyilo úbatiiseyi. Anáyinaawu li aanool: — Líyinene een Yéesu Kilisita ammuu Añiilawu ata Ateemit.]

Kata Lom 10:11

Li mal̥egenamu, Bakiicelabu bonsoon: «Anoowan ammuu li áyinen li akila, let abil ajok li ehaaseen.»

Kata Lom 10:9

Ulobumuu li butumi hákil ésukayi kaanaku Yéesu ammuu Amaaŋenawu, ban li úyinen li buyinumi feh kaanaku Ateemit layitenumulooyitenul li eketayi, fan ufak.

Kata Galasi 2:16

Ban luhaasaale oonaal, an káyinenool li Yéesu Kilisita bale kújimuu leeni lakankaan an acole hákil Ateemit, inti mata min ahankene min akaan loon eluwaayi yata Móyiis elobumuu. Mó mújimuu, alolaal foof lúyinenaayinen li Yéesu Kilisita bájum Ateemit li ajokolaal bukan kacole, mata káyinenaku koololaal li Kilisita kúji, bale inti mata min uhankenaale min ukaanaal loon eluwaayi inyu elobumuu. Li mal̥egenamu, bajut an aani lakankaan an acole hákil Ateemit, mata waa lahankenhanken min akaan loon eluwaayi elobumuu.

Kata Fílib 3:9

min ibaj hujokoo li mal̥egen li akila. Muñeˈe ilaañut iyinoo li een likankaan an acole mata min ikaanemuu loon eluwaayi elobumuu. Li káyinenaku kúmbaam li Kilisita léemummuu an acole. Ateemit akaanemuu an acol, ban káyinenumuu lakaanemuu bukan kacole.

Eébulo 10:22

Ulohaal kama Ateemit li buyinum bal̥egene, ban li káyinen ló káliiŋe, li ésigil yaseteni li kahoofoo kanookan kabilumulo li kayinoo kajakut, ban eniilayi li efosi li mal masete.

Eébulo 3:12

Kutuyom, jijuke to jakum bil an li bukuluul abaj buyinum baŋooto, báyinenut, baate bukaanool min abet búsol Ateemit aloŋumuu.

1 Saŋ 4:15

An aanumuu Yéesu ammuu Añiilawu ata Ateemit, Ateemit ummu nanoonan li anawu ummu, ban akila foof ummu nanoonan li Ateemit.

Búhiisenumabu 2:13

Lihaase tay lukine: to efenjeŋayi yata jáyiiyaju jata Sayitaane yommuu. Lútuutuk to lit lí ínje, ban ukatut bo káyinenaku kan ubajumuu lí ínje, maayeet nan Antifaas alobemuu bukanabuku múmbaam li mal̥egen, kumukoolumuu booluul tan Sayitaane akinumuu.