Kata Lom 1:20 - Jola-Kasa

²⁰ Li mal̥egenamu, kábilum nan Ateemit ajuul̥umuu adunaayi, majakamu moola májukoliitimuu, sembaasu soola saano tomuu boot nanoonan, li min aanomuu Ateemit, wahawu unwu feh ujukijuk set. Bukanabuku kuyilo kuŋa’ bújallowiil min kúnaanum wo li wahawu feh wan Ateemit akaanumuu. Wahawu unwu újimuu, kuyilaat kubaj bakooŋ li wahawu wan kukaanumuu.

Kata Lom 1:20 Referencias Cruzadas

Máciya 5:45

Bájum li jilako bañiil bata Atuubawuul ata haatiya. Mata lakaanekaan banakabu bulumul li kál̥afutumuu, loon foof lakaane bomuu bulumul li kajakumuu. Li akaan emitayi élaalul li mata kajakumuu, li mata foof bukanabuku kal̥afutumuu.

Maak 10:6

Bale li húkitumahu, nan Ateemit ajuul̥umuu wahawu feh, «láwuwenwuwen ánayine li anaale.»

Hulimahu Hásuumaahu loon Saŋ akiic homuu 1:18

Bajut an abile ajuk Ateemit. Bale Añiilawu anolawu sih, ammuu Ateemit ban li kujokoo li Atuubaawu loon an ano, okila akaanolaamuu uhaasaalool.

Hulimahu Hásuumaahu loon Saŋ akiic homuu 15:22

Ibileenutumuu min ilob li buko, let kubajeen butila mata uhoofoolawu wooliil úji. Bale muñeˈe kubajut wah wáami li ukooŋeniil li uhoofoolawu wooliil.

Bakaanelabu 17:29

«Emmuu ololaal kuñool Ateemit loomaal, ootut uyinoolaal kaanaku Ateemit lanokoonokoo li ebaaŋoot yata éwulus, mantee yata ehaaliis, mantee yata kugisa, yajoki loon ateemit, yan bukan kuyinoole min kukaan li eseeleyiil.

Bakaanelabu 22:1

— Kutuyom li situubawom, muñeˈe jijanten wahawu wan emmuu li ilobuul min icahenoolo.

Kata Lom 1:19

Wahawu wan bukanabuku kuyilimuu kuhaas mata Ateemit, usetiiset. Ateemit humumool láhiisiihiis wo set.

Kata Lom 16:26

Bale muñeˈe mal̥egenamu ummu múhiisihiis li síliibalasu sata kufulofetaku. Wahawu unwu Ateemit aano tomuu boot nanoonan, alobe min ubaj mantee bukanabuku feh li kuhaas mal̥egenamu ummu, min kúyinen li Yéesu ban li kútuulool.

Kata Lom 2:1

Awu jatiibemuu li bukanabuku, oono min oono, ubajut bakooŋ banooban. Li mal̥egenamu, nan utiibumuu kaabuku awu humumi utiiboolowe, mata lukaanekaan wahawu wan buko kukaanemuu.

Kata Lom 2:15

Fan kúhiisum to kaanaku bakaanelabu ban eluwaayi efañumuu, bukiicikiic li uyinumawu wooliil. Uyinumawu wooliil ulollob wahawu wanolawu, ban uyinoolawu wooliil li unaak wooniil nakee kukaanut jak, naanu li wooniil kukankaan jak.

1 Kata Koolent 1:20

Kama anawu ájallomuu ummay? Anawu aliikenemuu ésukayi eluwaayi yata Móyiis ummay? Anawu ata muñeˈe ayiliyaawu búwonnoo ummay? Inti Ateemit lalaañenlaañen bújallowabu bata adunaayi inye bulako bul̥uuhoo?

Kata Kolos 1:15

Kilisita ammuu kambuwaku kata Ateemit ájukeliitimuu, okila ammuu añiilawu anolawu ata Ateemit, ban to lalakowe tówum wahoowah feh úwuweni, ban foof lahaŋ wo feh.

Kata Kolos 2:9

Li mal̥egenamu, bóonowabu feh bata Ateemit, bumbu li eniilayi yata Kilisita.

1 Tímote 1:17

Awu ammuu Ayíi boot nanoonan, Awu áketeliitumuu ban újukeliiti, Awu bale ommuu Ateemit, kábinkenaku li máyiineniyamu, mujow mulako mooli boot nanoonan! Aameen.

1 Tímote 6:16

Akila bale ayilaatumuu aket, akinumuu li mawuŋe dán an ayilaat ajow. Bajut an abile ajukool, ban an ayilaatool ajuk. Kábinkenaku li sembaasu sijow silako soola boot nanoonan! Aameen.

Eébulo 11:27

Káyinen kújimuu Móyiis li áfu’ li etaamayi yata Ejíf, bákoliwut etindihuuñayi yata áyiiyawu. Li átuk lit loon eenimuu lajuujuk Ateemit ájukeliitimuu.

Eébulo 9:14

Fan wahawu unwu usetene bukan kahoofoole kama háŋum húsimahu hata Kilisita! Li mal̥egenamu, Kilisita lájowunjowum li Buyinumabu baano tomuu boot nanoonan, min asenoolo okila humumool batilut tanootan loon esalah Ateemit. Húsimahu hoola li huseten uyinumawu woololaal li makaane manooman majakut, min uyiliyaal ulokaal boot li Ateemit aloŋumuu.