Kata Lom 1:13 - Jola-Kasa

¹³ Kutuyom, lifañe min jihaas kaanaku lilobeene ñameeŋe ebil booluul, bale boot yok muñeˈe bajebaj wah wáhilewommuu ibilum. Lifañe min bulokabu búmbaam bújiwuul li jank li káyinenaku kooluul li Yéesu Kilisita, loon foof bújimuu bukan kaabuku kaletumuu kusuwif li kúyinen li akila.

Kata Lom 1:13 Referencias Cruzadas

Hulimahu Hásuumaahu loon Saŋ akiic homuu 12:24

Li mal̥egenamu fan ilobuul: hukool hata edenfeteŋ hulowutumuu li etaam min hukajen, fan hulako to bale ho. Bale hukajenumuu min hul̥iilahu hata ho húyawul, fan hubukoo kukool kameeŋe.

Hulimahu Hásuumaahu loon Saŋ akiic homuu 15:16

Let bukuluul jil̥usom, bale ínje il̥usuul. Ban ínje ikaanuul to, mata min jijow min jibaj ebukoolum, ebukoolum yáami li efiyo to, bájum wahoowah wan jommuu li jil̥aw Atuubawom li kajawaku kúmbaam, li asenuul wo.

Hulimahu Hásuumaahu loon Saŋ akiic homuu 4:36

Anawu ammuu li ecacayi layaane ayab bacaamool aban, ban li awoogen káhanjiinaku boot li buloŋabu bábaneliitumuu. Mo emmuu, anawu al̥ukemuu li anawu acacemuu fan kubaj ésuumahukow li mano.

Bakaanelabu 1:15

Li kunakaku unkumaa, bukanabuku káyinenumuu li Yéesu li kuwoog. Kalako tomuu kuyilo kúliiŋ téemeel li áyii. Muñeˈe Fiyeel li ayito li tutiil min aaniil:

Bakaanelabu 14:27

Nan kúliiŋumuu Antiyok, Fool buko li Balunabaas li kuwoogen ejanguwayi, min kukitteniil wahawu feh wan Ateemit ákaanummuu li buko, li buu lasenumuu bútin kákaanumutumuu li okila balewool min buko foof kúyinen.

Bakaanelabu 15:12

Muñeˈe ésukayi feh li elu min ejanten Balunabaas buko li Fool min kukitten wahawu feh wájaahalenimuu, li wajuulelutimuu wan Ateemit ákaanummuu li buko hákil bukanabuku kákaanumutumuu li Ateemit balewool.

Bakaanelabu 19:21

Nan wahawu unwu ubajumuu jow fú’ tó, Fool li ajok min ájowum li etaamayi yata Maseduwaan li yata Akaay, ajow boot Yeelusalem. Li anaak aan: — Nan emmuu íliiŋ bo, fan foof ijow boot Lom.

Bakaanelabu 21:19

Fool li asaafiil aban, li akitteniil jak wahawu feh wan Ateemit ákaanummuu li bulokabu boola, hákil bukanabuku kákaanumutumuu li Ateemit balewool.

Bakaanelabu 28:14

Nan jíliiŋumuu li ésukayi inyu, li jitook bo kútuyoli li káyinenaku. Li kóonoli jijow jilako booliil esimen. To untu jíjowummuu boot Lom.

Kata Lom 1:12

Wahawu wan ifañumuu ilob, wo wommuu ibilumuu booluul, li uyiliyaal úwankulenoolumaal li káyinenaku kan ubajaalumuu foofolaal.

Kata Lom 11:25

Kutuyom, lifañe min ikaanuul min jihaas wahawu wayolomuu wan Ateemit afañumuu min akaan, jakum bil jijokoolo loon bukan kájallowe: bugeb bakee bata kata Isilayeel fan buhoy kale báyinen li Ateemit boot yok nan bukanabuku feh kaletumuu kusuwif kóotimuu kufak.

Kata Lom 7:1

Kutuyom, manooman jihaase waa léemi li ilobuul, mata jihaase waa eluwaayi elobe. Eluwaayi ebabbaj sembe li an akila li buloŋ.

1 Kata Koolent 1:10

Kutuyom, lil̥awuul li kajaw kata Amaaŋenawu eenuul: jibaj kajamoo ban jakum baj bugiiloo li bukuluul. Jijokoo lit li mal̥egen, ban li jibaj buyinum bano li kayinoo kano.

1 Kata Koolent 10:1

Kutuyom, lifañe min jiwayil̥o kaanaku li taŋayi yata Móyiis, situubawolaal sihaan sinaanaak sijow sinab li kafaal kanaake kufooyiilumuu, ban buko foofiil feh li kújowum li husamuwahu Hájunkaahu kúfu’ baaba.

1 Kata Koolent 12:1

Muñeˈe ulobaal mata újiyawu wata Buyinumabu Banabaabu: Kutuyom, lifañe min jihaas mata mal̥egenamu mata újiyawu unwu.

1 Kata Koolent 14:20

Kutuyom, jakum jinokoo li bañiil li mayinelamu mooluul. Nokoomuu loon mata kakaan majakut, jilako bañiil, bale loon mata kayinoo, jilako kunahaan.

1 Kata Koolent 14:26

Kutuyom, kama muñeˈe boot min een buu? Nan jiwoogemuu, an li bukuluul abajumuu kakijen, layilo akijen ko. An li abaj wah wan áami li aliiken bukanabuku, li alob wo. An li abaj wah wan Ateemit áhiisool boot li bukanabuku, li alob wo. An foof li abaj hulim han áami li asen bukanabuku li elob yahaasuti, li alob ho. Li bil nokoo loon an ayilo átiiw hulim halobi li elob yahaasuti min bukanabuku kuhaas ho, li átiiw hó. Wahawu unwumaa feh, woote ukaani boot kalamben Ejanguwayi min yank.

1 Kata Koolent 9:2

Maayeet min kite eeni baje kukee kaane ilet afootal, bale bukuluul joote jihaas joon ínje afootal leem, mata bukuluul jammuu li Amaaŋenawu, bukuluul jíhiisumuu jak kaanaku ínje afootal.

2 Kata Koolent 1:8

Kútuyoli, jifañe min jikaanuul min jihaas mata sílaamasu san áloli jibajumuu li etaamayi yata Aasi. Sílaamasu unsu silulluuk sijow síhaŋoli sembe, gay li jíyeko min joon let jiloŋ.

2 Kata Koolent 2:14

Ateemit ajow asali, okila aŋalewolaamuu nanoonan unabaal li húmimahu hata kaheekaku kata Kilisita. Ban li ájowum li alolaal min akaan bukanabuku kuhaas Kilisita tanootan, loon eheeñ yan kaciiŋaku kata yo kuyiisi kuban tanootan.

Kata Galasi 3:15

Kutuyom, boot min iŋa’ bukittenoolum bata makaane mata an. An alobumuu kasen an wah ban li átuk tó, anoowan let ayili áfulen kulimaku koola mantee foof li afamen to wah ukee.

Kata Galasi 6:18

Kutuyom, kájiyaku kata Amaaŋenawu oololaal Yéesu Kilisita, kujow kulako li buyinumuul. Aameen.

Kata Fílib 1:22

Bale nokoomuu loon iloŋumuu fan iyili ilaañen ikaan bulok babaje jáliŋ, kama let ihaas waa léemi li iman.

Kata Fílib 4:17

Inti eeniseen huŋes bacah léemi li ho, bale wahawu wan iŋesemuu li wo, wo wommuu min buuña efameni to li huhahenahu hooluul.

Kata Kolos 1:10

Alóli jil̥awel̥aw loon muñaˈa mantee bukuluul li jiloŋ loon Amaaŋenawu afañumuu, ban li jinaak jikaan nanoonan wahawu wásuumoolumuu. Bakaane banooban bajake bujow bujuki li buloŋabu booluul, ban li jinaak jihaŋ mahaas Ateemit jiyinno bo.

Kata Kolos 1:6

Hulimahu unhu Hásuumaahu hunhu min huyiisoolemuu, ban li húŋalul kásooniyen li adunaayi feh, loon foof hukaanumuu li bukuluul yaan li hunakahu hútinaalahu, nan jijamumuu li kulobuul mata kájiyaku kata Ateemit li mal̥egenamu mata ko feh ban li jiliitiken ko jak.

1 Kata Tesalonik 2:18

Wahawu unwu újimuu li jifañeen min jibil boot booluul. Injé humumom Fool liŋeseene ñameeŋe mata min ibil, bale Sayitaane li áhiloli jibilum.

1 Kata Tesalonik 4:13

Kutuyom, jifañut min bukuluul jilako to loon muñaˈa bahaasut mata bukanabuku kaketemuu, jakum bil jíyiyenoo loon bukan kaabuku kan emmuu buko kubajut húkangum.

2 Kata Tesalonik 2:7

Mata sembaasu sata anawu ummu átuulutumuu Ateemit sítoŋe kakaan bulok ban an ayilaat ajuk jak. Bale anawu ummu átuulutumuu Ateemit let áfulul boot yok nan anawu ajokoolumuu ammuu li ayinneni li bútinabu.

2 Tímote 4:17

Bale Amaaŋenawu okila abetutom búsol, lalitenonliten, min jíwom li iyili iwaale hulimahu hoola, ban li ikaan ho kaletumuu kusuwif feh kalako tomuu kujam. Li butum éŋaŋ láfakenumulom!