Kata Lom 1:1 - Jola-Kasa

¹ Injé Fool ammuu aloka ata Yéesu Kilisita, ikiiculuul eleetalayi inye. Ateemit lahooñonhooñ ilako afootal, ban li al̥usom boot kawaale Hulimahu hoola Hásuumaahu.

Kata Lom 1:1 Referencias Cruzadas

Maak 1:14

Muñeˈe nan Elod ajokumuu Saŋ akul̥ fú’ tó, Yéesu li ajow boot li etaamayi yata Gálile, min awaale bo Hulimahu Hásuumaahu hata Ateemit.

Hulimahu Hásuumaahu loon Saŋ akiic homuu 12:26

An afañumuu min alok boot lí ínje, anawu ummu laate ánabul lí ínje, bájum tan emmuu li ilako, alokaawu úmbaam foof li alako to. An alokumuu boot lí ínje, fan abaj kasal hákil Atuubawom.

Hulimahu Hásuumaahu loon Saŋ akiic homuu 15:15

Let imit ihooñuul kuloka, mata aloka áhaaseliit wahawu wan anahaanawu oola akaanemuu. Lihooñuuhooñ kubukewom mata likaanuukaan min jihaas wahawu feh wan iliikenulomuu li Atuubawom.

Hulimahu Hásuumaahu loon Saŋ akiic homuu 15:20

Jiwayil̥o hulimahu han ilobuulumuu eenuul: «Aloka ahaŋut anahaanawu oola.» Kucoocommuu, fan kucoocuul foof. Kuŋa’muu hulimahu húmbaam kukaan li uyinumiil min kuloŋ loon hulobumuu, fan kuŋa’ hooluul foof kukaan li uyinumiil min kuloŋ loon hulobumuu.

Bakaanelabu 13:9

Muñeˈe Sóol an koonemuu foof Fool, Buyinumabu Banabaabu li bumeeŋenool, li ajuke Elimaas súy,

Bakaanelabu 20:24

Bale lenseen buloŋabu búmbaam, bubajut jáliŋ boot lí ínje. Samin iyili ihabel kúboñaku kúmbaam ikaan, li bulokabu ban Amaaŋenawu Yéesu asenommuu kakaan, bammuu: kawaale Hulimahu Hásuumaahu hata kájiyaku kata Ateemit.

Bakaanelabu 21:40

Mal̥egen anahaanawu ata esollaaliyayi li akatool min alob. Muñeˈe Fool li ayito li sikabilikabasu, min ateb kaŋenool áyiit búsukabu. Nan kulumuu, li alob li buko li elobayi yata Kusuwifaku aaniil:

Bakaanelabu 22:21

Muñeˈe Amaaŋenawu li aanom: «Ujow, mata boot min iboñi lóyi, bata bukanabuku kákaanumutumuu li Ateemit balewool.»

Bakaanelabu 22:7

Li ilo teetaam, ban li ijam hulim li hoonom: «Sóol, Sóol, wáa újiye li oono li jálaatenom?»

Bakaanelabu 26:1

Agilifa li aan Fool: — Luyilo ulob min ucahenoolo. Muñeˈe Fool li ateb kaŋenool min acahenoolo li kulimaku unke:

Bakaanelabu 26:14

Alóli fóofoli feh li jilo teetaam. Li ijam hulim li hoonom li elobayi yóololi: «Sóol, Sóol wáa újiye li óomi li jálaatenom? Fan ban li séngiyi ŋáa’ awu bahoye bakaan wahawu wan anahaanawu ooli afañumuu.»

Bakaanelabu 27:23

Mata li mal̥egenamu li ehukaayi yakatenumee síyaat, amalakaawu ata Ateemitawu akilommuu an ilokemuu boot li akila, láfulonfu’

Bakaanelabu 9:15

Bale Amaaŋenawu li aanool: — Ujow, mata lil̥ul̥l̥us ánayinaawu ummu, ban fan íjowum li okila min ikaan kajawaku kúmbaam kuhaasi li bukanabuku kákaanumutumuu lí ínje Ateemit balewom, li kúyiiyaku kooliil, li foof bukanabuku kata Isilayeel.

Kata Lom 1:16

Li mal̥egenamu, isuuwut kawaale Hulimahu Hásuumaahu. Ho hommuu sembaasu sata Ateemit boot kafaken anoowan áyinene, kítum li kusuwifaku ban kit kuletumuu kusuwif.

Kata Lom 1:5

Li okila Ateemit ásenumommuu kájiyaku kata kalako afootal, boot kakaan bukanabuku kata sihetasu feh kúyinen li akila ban li kútuulool, boot li kasal kata kajawaku koola.

Kata Lom 1:9

Ateemit an éemimuu li bulok boot li akila li buyinumom feh, min inaak iwaale Hulimahu Hásuumaahu hata Añoolool, lahaase aan ímalut. Lahaase aan ikatut kayinooluul

Kata Lom 11:13

Muñeˈe boot min ilob li bukuluul jaletumuu kusuwif. Emmuu ínje afootal leem ata bukanabuku kaletumuu kusuwif, kama boot min íhiis máyiineniyamu mata bulokabu búmbaam.

Kata Lom 15:16

min ilako aloka ata Yéesu Kilisita boot li bukanabuku kaletumuu kusuwif. Lisenoolosenoolo boot kawaale Hulimahu Hásuumaahu hata Ateemit, mantee bukanabuku kaletumuu kusuwif li kulako loon esalah yásuume Ateemit, yan Buyinumabu Banabaabu bukaane enab.

Kata Lom 15:29

Lihaase een nan emmuu li ibil booluul, fan ibil li kásooniyenaku foof ko feh kata Kilisita.

Kata Lom 16:18

Bukan loon buko kulet li bulok boot li Kilisita ammuu Amaaŋenawu oololaal, bale boot li kalaku kooliil. Fan kunaak kuŋa’ kulim katiñowe, li balobe básuume min kubunt bukanabuku kahaasutumuu wahoowah.

Kata Lom 16:25

Usalaal Ateemit! Layilo alitenum káyinenaku kooluul li Hulimahu Hásuumaahu han iyiiŋenemuu. Ho hommuu hulimahu han iwaaleyemuu mata Yéesu Kilisita. Fan aliten káyinenaku kooluul naboo foof li kahaasaku kata mal̥egenamu mahaaseenutimuu, mayolimuu naanaŋ fiyo ŋáa’.

1 Kata Koolent 1:1

Injé Fool ahooñimuu boot kalako afootal ata Yéesu Kilisita li húnongumahu hata Ateemit, li atuyolaal Sosuten, áloli jikiiculo eleetalayi inye.

1 Kata Koolent 9:1

Waa iyilaat ikaan wah wásuumom? Waa ilet afootal? Kama inti Yéesu lijukumuu ammuu Amaaŋenawu oololaal? Kama inti bukuluul jommuu bulokabu búmbaam li Amaaŋenawu?

2 Kata Koolent 1:1

Injé Fool ammuu afootal ata Yéesu Kilisita li húnongum hata Ateemit, ínje li atuyolaal Tímote jikiiculo eleetalayi inye boot li ejanguwayi yata Ateemit yammuu li ésukayi yata Koolent. Jikikkiic yo foof boot li bukanabuku feh kata Ateemit kammuu li etaamayi feh yata Akaay.

2 Kata Koolent 11:5

Lenseen kufootalaku umbuku káamakaku kuhaŋutom li wahoowah.

2 Kata Koolent 11:7

Nan iwaalewuulumuu Hulimahu Hásuumaahu hata Ateemit, igel̥l̥enutuul bacaam banooban. Liwalenoolowalenoolo ínje humumom min itebenuul. Wáa fíle, min ikaanumuu loon muñaˈa, likankaan kahoofoo?

2 Kata Koolent 12:11

Lilollobumuu loon an awele leem, ban bukuluul jituuŋom ilob mo. Li mal̥egenamu, bukuluul jooteenumuu jisalom, mata maayeet min iletumuu wahoowah, kufootalaku umbuku káamakaku kuhaŋutom li wahoowah.

2 Kata Koolent 2:12

Nan íliiŋumuu li ésukayi yata Tulowaas boot kawaale Hulimahu Hásuumaahu hata Kilisita, li ijuk kaanaku Amaaŋenawu lábabuubabul bútin boot lí ínje,

2 Kata Koolent 4:5

Li mal̥egenamu, li kawaaleyaku kan áloli jiwaaleˈemuu, let kúkowoli jiyiiŋene, bale Yéesu Kilisita ammuu Amaaŋenawu jiyiiŋene. Alóli kuloka kooluul joom, humum hata Yéesu.

Kata Galasi 1:1

Injé Fool áamimuu afootal ata Yéesu Kilisita ikiiculo eleetalayi inye, ban inti li búkaanum bata bukan, inti foof bata an léemum afootal, bale li búkaanum bata Yéesu Kilisita li bata Ateemit Atuubaawu ayitenumuloomuu li eketayi.

Kata Efées 1:1

Injé Fool, ammuu afootal ata Yéesu Kilisita li húnongum hata Ateemit, ínje ikiiculo eleetalayi inye boot li bukanabuku kata Ateemit [kammuu Efées] ban li kúyinen li Yéesu Kilisita.

Kata Efées 1:13

Bukuluul foof jibabbaj hujokoo li Kilisita nan jijamumuu ban li jíyinen hulimahu hata mal̥egenamu, hammuu Hulimahu Hásuumaahu hafakenuulumuu. Muñeˈe Ateemit lasenuusen Buyinumabu Banabaabu ban alobumuu kasen, min lako húlangumaasowahu hoola li bukuluul.

Kata Efées 4:11

Akila Kilisita humumool akaanumuu kukee kulako kufootal, kukee foof li kulako kuwaaleya kata Hulimahu Hásuumaahu, kaabuku li kulako kumata kata bukanabuku kata Ateemit, ban li kunaak foof kuliikeniil Hulimahu hata Ateemit.

Kata Fílib 1:1

Eleetalayi inye ínje Fool li Tímote jikiiculo yo, áloli jammuu kuloka kata Yéesu Kilisita. Jikiiculokiic yo boot li bukanabuku káamimuu kata Ateemit humum hata Yéesu Kilisita, kata ésukayi yata Fílib, boot li kunahaanaku ló kata Ejanguwayi li kujaakulaku.

Kata Fílib 2:11

imban anoowan feh li alob kaanaku, Yéesu Kilisita ammuu Amaaŋenawu, boot li máyiineniyamu mata Ateemit Atuubaawu.

Kata Kolos 1:1

Injé Fool ammuu afootal ata Yéesu Kilisita li húnongumahu hata Ateemit, li atuyolaal Tímote, áloli jikiiculo eleetalayi inye,

Kata Kolos 1:25

Leenoseeno muñeˈe aloka ata Ejanguwayi, naboo li bulokabu ban Ateemit asenommuu kakaan boot li bukuluul: bo bommuu kawaale hulimahu hoola foof ho feh.

1 Kata Tesalonik 2:2

Jihaase foof buu kúlaamenoli nomuu ban li kúgeloli li ésukayi yata Fílib. Bale Ateemit láwankulenoliwankulen min jiwaalewuul Hulimahu Hásuumaahu hoola, maayeet min kúhilolimuu.

1 Kata Tesalonik 2:8

Jíbooliwuubooli ŋáa’ gay mó lí múji li jifañeen min jisenuul Hulimahu Hásuumaahu hata Ateemit, li foof buloŋabu bóololi humum bo, mata jikankaan bukan kan áloli jiboolaat.

1 Kata Tesalonik 2:9

Kutuyom, manooman jiwayil̥owe min áloli jilokumuu súf li buyokabu ban jiyokumuu. Jiloolok etihunaka jiban ehuka, jakum bil an li bukuluul ákiloli hutiñ áloli li kawaaleyaku kooluul kata Hulimahu Hásuumaahu hata Ateemit.

1 Tímote 1:1

Injé Fool ammuu afootal ata Yéesu Kilisita li búlobum bata Ateemit humumool, ammuu Afakenaawu oololaal li Yéesu Kilisita an úkangumaalumuu li akila,

1 Tímote 2:7

Mó mújimuu Ateemit li al̥usom min akaanom ayiiŋena li afootal, boot kaliiken bukanabuku kaletumuu kusuwif mata káyinenaku li Yéesu Kilisita li mal̥egenamu. Imálut, mal̥egen lilobe.

2 Tímote 1:11

Ateemit lal̥usonl̥us ilako afootal li aliikena boot kawaale Hulimahu Hásuumaahu.

Eleetalayi yan Fool akiicumuu Tit 1:1

Injé Fool ammuu aloka ata Ateemit li afootal ata Yéesu Kilisita, ikiiculi eleetalayi inye. Bulokabu ban Ateemit asenommuu, bo bommuu kakaan bukanabuku kan al̥usumuu kúyinen, li kakaaniil foof kuhaas mal̥egenamu máatimuu mukaaniil kútuulool.

Eébulo 5:4

Ban, an ayilaat asenoolo kasalaku unku kata kalako álamba áamak. Ateemit akila ahooñemuu an boot li bulokabu umbu, loon ahooñumuu Aaloŋ.

Eébulo 7:26

Yéesu okila ammuu kama álambaawu áamakawu ajakumuu boot li alolaal. Lakankaan an anabe, akaanut majakut ban abajut kahoofoo kanookan. Lagiilooligiiloo li kuhoofoolabuku, ban Ateemit li atebenool boot haatiya ajow akaay emitayi.

Saak 1:1

Injé Saak, ammuu aloka ata Ateemit li ata Amaaŋenawu, ikiice eleetalayi inye. Injé ummu li kasaaf bukanabuku feh kata Ateemit, kayiisoomuu kujow koono tanootan li adunaayi feh.

1 Fiyeel 4:17

Taŋayi éliiŋe nan batiibabu bata Ateemit bommuu li bútoŋ, ban bukanabuku kata Ateemit kommuu li kujand kutiibi. Ban nokoomuu loon li Batiibabu bata Ateemit li alolaal búkitume, buu bukanabuku kahoyumuu báyinen Hulimahu Hásuumaahu hata Ateemit kóomi li kúbanum eeno?

2 Fiyeel 1:1

Injé Simoŋ Fiyeel ammuu aloka li afootal ata Yéesu Kilisita, ínje ikiice eleetalayi inye boot li bukuluul jabajumuu káyinen kabaje jáliŋ loon kóololi, humum hata macolamu mata Ateemitawu oololaal li Afakenaawu Yéesu Kilisita.

Eleetalayi yan Súd akiicumuu 1:1

Injé Súd ammuu aloka ata Yéesu Kilisita li atuy ata Saak ikiiculo eleetalayi inye. Likikkiic yo boot li bukuluul kan Ateemit Atuubaawu ahooñumuu, li bukuluul kan afañumuu ban li afooyuul boot bil li Yéesu Kilisita.

Búhiisenumabu 1:1

Li éliibalayi inye, ló wahawu wahaasutimuu wommuu, wan Ateemit áhiisumuu Yéesu Kilisita. Ateemit láhiisoohiis wó mantee li alob wo kulokaabuku kammuu koola, min kuyili kuhaas wahawu wáatimuu ubaj, ban let fiyo. Wahawu unwu újimuu, Kilisita li aboñ amalakaawu oola bata alokaawu oola Saŋ min ajow áhiisool wahawu unwu.

Búhiisenumabu 22:6

Fúlum tó, amalakaawu li aanom: — Kulimaku unke kulim káwooluwe ban kata mal̥egen. Amaaŋenawu, láboñuuboñul amalakaawu oola abil alob kulokaabuku koola wahawu wammuu li ubaj ban let fiyo.

Búhiisenumabu 22:9

Amalakaawu li aanom: — A’aa’! Jakum ukaan mo! Injé aloka leem loon awu, loon kutuyi kammuu kufulofet, li loon foof bukanabuku feh kátukumuu jak kulimaku kata éliibalayi inyu. Ateemit bale lóotimuu umanen!