Kata Kolos 1:3 - Jola-Kasa

³ Alóli jumbuku min jisalemuu Ateemit Atuubaawu ata Amaaŋenawu, nan jil̥awemuu nanoonan boot li bukuluul.

Kata Kolos 1:3 Referencias Cruzadas

Kata Lom 15:6

mantee li jísalum Ateemit, Atuubaawu ata Amaaŋenawu oololaal Yéesu Kilisita, li buyinum bano li hulim hano.

1 Kata Koolent 1:4

Ikatut kasal Ateemit úmbaam boot li bukuluul, humum hata kájiyaku kan asenumuulumuu li Yéesu Kilisita.

2 Kata Koolent 1:3

Kasal kujow kulako li Ateemit ammuu Atuubaawu ata Amaaŋenawu, Atuubaawu áyiyenemuu bukan. Okila ammuu Ateemit átintimbenemuu bukan li wahoowah feh.

Kata Efées 1:15

Mó mújimuu, ínje foof nan ijamumuu li kulob mata káyinenaku kooluul li Amaaŋenawu Yéesu, li mata húbooliyahu han jíboolimuu bukanabuku feh kata Ateemit,

Kata Efées 6:18

Jil̥aw nanoonan li búlambenum bata Buyinumabu Banabaabu. Jil̥aw Ateemit min alambenuul li wahoowah feh. Jíkaanum min jijooŋoo to li kal̥awaku, ban li jinaak jil̥aw boot li bukanabuku feh kata Ateemit.

Kata Fílib 4:6

Jakum jiyina wahoowah, bale li wahoowah feh, jíjowum li kal̥aw, li kayaakoo li kasal ló, min jíhiis Ateemit wahawu wan jokuulumuu li wo.

Kata Kolos 1:13

Li mal̥egenamu, labotumulolaabot li sembaasu sata élimayi, min ájowetumolaal li Jáyiiyaju jata Añoolool an aboolaatumuu.

Kata Kolos 1:9

Wahawu unwu újimuu, áloli hunakahu nan jijamumuu li kulob mooluul, jikatut kal̥aw Ateemit boot li bukuluul. Alóli jil̥awe Ateemit min akaanuul jihaas jak húnongumahu hoola, naboo li bújallo li butuuko banooban ban Buyinumabu boola busenemuu.

1 Kata Tesalonik 1:2

Alóli jumbuku min jisalemuu nanoonan Ateemit mata bukuluul foofuul feh, ban jikatut kál̥imenuul áloli li kal̥aw.

2 Tímote 1:3

Nanoonan nan ilakowe kal̥aw etihunaka iban ehuka, fan iwayil̥oyi ban li isal Ateemit an ilokemuu boot li akila li buyinum basete, loon situubawom sihaan sinaake sikaanumuu.