Kata Fílib 3:2 - Jola-Kasa

² Jijuke to bukanabuku kakaanemuu majakut, li kakaanemuu bulok bajakut, li kaluukenemuu ŋáa’ kateyen búkut.

Kata Fílib 3:2 Referencias Cruzadas

Máciya 24:10

Ban bukan kameeŋe fan kukat káyinen lí ínje. Fan kunaak kúhoolowoo, ban li kulatoo.

Máciya 7:15

— Jíkaanum bukanabuku kaanemuu efulofet koom ban let mal̥egen. Kúlohuluulumuu, li kukaan loon buko bukan kajake, ban káta láalayiil, sijangibujal salume.

Máciya 7:6

«Jakum jisen wah wañawo bukanabuku kajakutumuu, kanokoomuu loon sijangi, jakum bil kúlaañul kukaanuul majakut. Jakum foof jiŋa’ usisawu wooluul jitahen bukanabuku kanokoomuu loon sifulugunasu, jakum bil kúkakul wo.

Kata Lom 2:28

Li mal̥egenamu, let wahawu wajukeyimuu újiyemuu an li aani asuwif laam, let foof háakumahu hajukeyimuu li eniilayi hooneyimuu katey búkut.

2 Kata Koolent 11:13

Bukanabuku umbuku kúmammal koon kufootal koom. Kuloka káhoolowe koom, kakaane loon buko kufootal kata Kilisita koom.

Kata Galasi 5:13

Kutuyom, bukuluul Ateemit lahooñuuhooñ boot mata min jífu’ li humiikeeleto. Bale jakum káfulaku kooluul li emiikeeleto, kújiwuul li jinab li kásiibowaku kajakutumuu kata siniilasu sooluul. Bale húbooli hujow húji anoowan li bukuluul li anaak alok boot li afaalool li kawalenoolo ló.

Kata Galasi 5:15

Bale nokoomuu loon jilumoolelumoo ban li jinaak jimeloo, jíkaanum: fan ban di jiniilenoo.

Kata Galasi 5:6

Li mal̥egenamu, an áamimuu li Yéesu Kilisita, atey búkutoo, ateyut búkutoo, bajut jáliŋ yanooyan. Wahawu wabajumuu jáliŋ, wo wommuu káyinen li Yéesu Kilisita, ban li úhiisen ko li húbooli bukan.

Kata Fílib 3:19

Bukanabuku umbuku fan kubil kújim, mata kalaku kooliil kommuu ateemitawu ooliil. Kujoojok wahawu waateenumuu ukaaniil ñisuu loon kasal kooliil, ban li kunaak kuyinoo mata wahawu wata adunaaye bale.

Kata Fílib 3:3

Li mal̥egenamu, alolaal uteyaalumuu búkut li mal̥egen, inti buko, mata alolaal umanenaalemuu Ateemit li búlambenum bata Buyinumabu boola, li úsangoolumaal li Yéesu Kilisita, ban ubajutaal kákangum li wah wan an akaane,

1 Tímote 1:19

li káyinenaku ló ban li buyinum babahe. Bukan kukee kuhoohoy kujanten uyinumawu wooliil, mó lí múji káyinenaku kooliil li kújim.

Eleetalayi yan Fool akiicumuu Tit 1:16

Fan koon kuhaase Ateemit, bale bakaanelabu booliil bunaboolut li wahawu wan kulobumuu. Kujakut majak, kútuulut Ateemit maayeet ban kuyilaat kukaan wahoowah wajake.

2 Fiyeel 2:22

Muñeˈe wahawu wabajiilumuu wo húlobuwahu unhe hulobumuu: «Ejangiyayi elaañe ejow etiñ wahawu wan émaseenulumuu», mantee foof «Efulugunayi yafoseenimuu, elaañe ejow ebolohoo li él̥uufayi.»

Eleetalayi yan Súd akiicumuu 1:4

Mata babbaj bukan kákoliwut Ateemit kabuuyulo kúluul̥owolaal. Bukanabuku umbuku Bakiicelabu bulollob mata katekaku kooliil nan fiyo. Fan kunaak kutiigul hulimahu halobumuu mata kájiyaku kata Ateemit oololaal, min kújowum tó kukooŋen kákaanikoolaku kooliil, ban li kuceeŋ kaanaku Yéesu Kilisita balewool ammuu Anahaanawu li Amaaŋenawu oololaal.

Búhiisenumabu 2:9

“Lihaase sílaamasu sooli li bugayabu booli” — bale li mal̥egenamu lukankaan an abaje. Lihaase kulimaku kajakutumuu kan bukanabuku kaanemuu Kusuwif koom ban kulet Kusuwif, kulobemuu kuya li awu. Bale bukanabuku umbuku koonosoono huwoog hata Sayitaane!

Búhiisenumabu 21:8

Bale bukanabuku kákol̥l̥imuu, kátukutumuu lit, kakaanemuu wah wasuuneniye, kamukemuu bukan, káfulowemuu li aletalet, kakaanemuu jángafayinde, kamanenemuu kuteemit kalet mal̥egen li kúmalamiñaku feh, buko fan kujow li buwokaayabu bata sambunasu li batolokabu básoyiyaabu. Bo bommuu eketayi yál̥ubutayi.

Búhiisenumabu 22:15

Bale bukanabuku kammuu li kulako tíyaŋ ésukayi, buko kommuu kakaanemuu wah wasuuneniye, kakaanemuu jángafayinde, sicagaasu, kamukemuu bukan, kamanenemuu kuteemit kalet mal̥egen, li bukanabuku feh kafañumuu émalimiñ ban li kunaak kúmal.

Búhiisenumabu 3:9

Wahawu unwe léemimuu li ikaan bukanabuku kata huwoogahu hata Sayitaane, kámalemuu koon buko kusuwif koom ban kulet kusuwif. Fan ituuŋiil kubil kúkuntuŋ hákili, min kuhaas koon lifañifañ.