Kata Fílib 2:6 - Jola-Kasa

⁶ Okila lalele li Ateemit, mata okila afimmuu min aano Ateemit yan no boot nanoonan. Imban, min alemuu li Ateemit, aŋesut min átuk tó lit li kaleyaku koola li Ateemit.

Kata Fílib 2:6 Referencias Cruzadas

Máciya 1:23

«Asúngutaawu ahaasutumuu ánayine, fan ahalet ban fan abaj añiil áyine. Fan kuhooñool Emanuweel.» (Yo yommuu «Ateemit ummu li ololaal.»)

Hulimahu Hásuumaahu loon Saŋ akiic homuu 1:18

Bajut an abile ajuk Ateemit. Bale Añiilawu anolawu sih, ammuu Ateemit ban li kujokoo li Atuubaawu loon an ano, okila akaanolaamuu uhaasaalool.

Hulimahu Hásuumaahu loon Saŋ akiic homuu 10:30

Injé li Atuubaawu, an ano joom.

Hulimahu Hásuumaahu loon Saŋ akiic homuu 10:33

Kusuwifaku li koonool: — Inti mata bakaaneli bajake bújiye li jóomi li jiteki kuyitik jimuk, bale mata min ugelumuu Ateemit, li mata min awu jammuu an, ujokoolomuu Ateemit.

Hulimahu Hásuumaahu loon Saŋ akiic homuu 10:38

Bale ikaanumuu bulokabu, maayeet min jíyinenutumuu lí ínje, kama li jíyinen li bulokabu búmbaam, mantee li jihaas ban li jínaanum kaanaku ínje li Atuubaawu an ano joom, loon Atuubaawu lí ínje humumom jommuu an ano.»

Hulimahu Hásuumaahu loon Saŋ akiic homuu 14:28

Jijanjam min eenuulumuu: “Boot min ijow, ban fan ílaañul ilako li bukuluul.” Nokoomuu loon jifañonfañ, joote jibaj ésuumahukow mata min emmuu li ijow boot bata Atuubaawu, mata Atuubaawu lahaŋom.

Hulimahu Hásuumaahu loon Saŋ akiic homuu 14:9

Yéesu li aanool: — Fiyowe ŋáa’ nan éemi li bukuluul. Uhaasolutom boot muñeˈe, Fílib? An ajukommuu, Atuubaawu lajuke. Kama buu kaane li oon: «Uhíisoli Atuubaawu?»

Hulimahu Hásuumaahu loon Saŋ akiic homuu 17:5

Faafa, muñeˈe ukaan min ibaj máyiineni hákili, máyiineniyamu man ibajeenumuu hákili, tówum adunaayi ebaj.

Hulimahu Hásuumaahu loon Saŋ akiic homuu 20:28

Toma li aanool: — Amaaŋenawu úmbaam, li Ateemitawu úmbaam!

Hulimahu Hásuumaahu loon Saŋ akiic homuu 5:18

Kulimaku unku kan Yéesu alobumuu, li kúji kunahaanaku kata Kusuwifaku li kuhaŋ maŋes min kumukool, mata inti eluwaayi yata húyiiyaayahu hooliil bale lahuusulo, bale li amit aan foof Ateemit ammuu Atuubawool, min ajokoolo ale li Ateemit.

Hulimahu Hásuumaahu loon Saŋ akiic homuu 5:23

mantee bukanabuku feh li kuluuken Añiilawu loon kuluukenumuu Atuubaawu. An aluukenutumuu Añiilawu, aluukenut foof Atuubaawu áboñuloomuu.

Kata Lom 9:5

ban li kubaj situubayiil sihaan. Li buko kusuwifaku Kilisita abukumimuu loon ál̥ahukowan, akila ammuu Ateemit ahaŋumuu wahoowah feh. Kásooniyenaku kujow kulako li akila boot nanoonan. Aameen!

2 Kata Koolent 4:4

Bukanabuku umbuku kammuu li kájimaku kúyinenut, mata ateemitawu ata adunaayi inye, ammuu Sayitaane, lámimmib uyinumawu wooliil jakum bil kujuk kaleñaku kata Hulimahu Hásuumaahu hata máyiineniyamu mata Kilisita, ammuu kambuwaku kata Ateemit.

2 Kata Koolent 8:9

Li mal̥egenamu, bukuluul jihaase kájiyaku kata Amaaŋenawu oololaal Yéesu Kilisita. Akila ammuu an abaje, li akat bo hubajahu hoola feh min abil alako an agaye humum hooluul, mantee bugayabu boola li bújiwuul li jilako bukan kabaje.

1 Tímote 1:17

Awu ammuu Ayíi boot nanoonan, Awu áketeliitumuu ban újukeliiti, Awu bale ommuu Ateemit, kábinkenaku li máyiineniyamu, mujow mulako mooli boot nanoonan! Aameen.

1 Tímote 3:16

Mal̥egen, ban an ayilaat aceeŋ, Mahaasutimuu mata káyinenaku koololaal mululluuk! Kilisita láfuluufulul ajuki loon an, Buyinumabu Banabaabu búhihhiis kaanaku lacoccol, ban Kumalakaaku kujukoojuk. Li kulob foof moola bata kaletumuu kusuwif, li kúyinen li akila li adunaayi feh, ban li ájowetumi boot li emitayi li máyiineni ló.

Eleetalayi yan Fool akiicumuu Tit 2:13

Muñowu lóotumaalumuu ukobaal hunakahu hásuumaahu han úkangumaamuu li ho. Hunakahu nan máyiineniyamu mata Ateemitawu oololaal áamakawu ammuu Yéesu Kilisita Afakenaawu oololaal, mommuu li múlaŋul.

Eébulo 1:3

Kaleñaku kata máyiineniyamu mata Ateemit li Añiilawu ummu koom. Li akila bóonowabu bata Ateemit bujukimuu. Hulimahu hoola habajaahu sembe laŋale min afeb adunaayi. Nan ágiilenumuu bukanabuku li uhoofoolawu wooliil aban, li ajow abah haatiya tiya emitayi kaŋen kúli Ateemit abajaawu sembe.

Eébulo 1:6

Ban foof nan Ateemit áboñulumuu li adunaayi inye añoolool ajandumuu abuki, lansaan: «Kumalakaaku feh kata Ateemit, koote kumanenool.»

Eébulo 1:8

Bale li alob mata Añiilawu aan: «Awu ammuu Ateemit, efenjeŋayi yooli yata jáyiiyaju inyu to boot nanoonan. Fan ooken bukanabuku kata jáyiiyaju jooli li bakaane bacole.

Eébulo 13:8

Yéesu Kilisita, okila anolawu huken, síyaat ban boot nanoonan.

Búhiisenumabu 21:6

Li amit aan: — Muñeˈe bane! Injé emmuu átinaalawu li ábanumawu, húkitumahu li húbanumahu. An bahob bujokoolumuu, fan isenool malamu mata kábulenaku kata malamu mata buloŋabu ahob, ban let acaam.