Kata Efées 6:23 - Jola-Kasa

²³ Ateemit Atuubaawu li Amaaŋenawu Yéesu Kilisita, kujow kusen kutuyolaal feh kásuumaay, húbooli, li káyinen.

Kata Efées 6:23 Referencias Cruzadas

Hulimahu Hásuumaahu loon Saŋ akiic homuu 14:27

«Boot min ikatuul li kásuumaay. Kásuumaayaku kúmbaam léemi li ikatuul. Let isenuul ko loon adunaayi esene komuu. Jakum jiyina, ban jakum jíkoli.

Kata Lom 1:7

Likiiculuukiic bukuluul foofuul feh jammuu Lom, bukuluul jan Ateemit afañumuu ban li ahooñuul min jilako bukan koola. Ateemit Atuubawolaal li Amaaŋenawu oololaal Yéesu Kilisita, kujow kusenuul káji li kásuumaay.

Kata Lom 15:33

Ateemit an kásuumaay kubilummuu li akila, ajow alako li bukuluul foofuul feh. Aameen.

1 Kata Koolent 1:3

Ateemit Atuubawolaal li Amaaŋenawu Yéesu Kilisita kujow kusenuul káji li kásuumaay.

2 Kata Koolent 13:11

Kutuyom, muñeˈe ésuumansuum elako li bukuluul. Jiŋes min jihaŋ malako bukan kajake. Jinaak jiwankulenoo ban li jikaan kulimuul dín dáno. Jibaj buloŋ bata kásuumaay. Jikaan momuu, Ateemit ata húbooli li ata kásuumaay fan alako li bukuluul.

Kata Galasi 5:6

Li mal̥egenamu, an áamimuu li Yéesu Kilisita, atey búkutoo, ateyut búkutoo, bajut jáliŋ yanooyan. Wahawu wabajumuu jáliŋ, wo wommuu káyinen li Yéesu Kilisita, ban li úhiisen ko li húbooli bukan.

Kata Galasi 6:16

Ateemit ajow asen kásuumaay ban li áyiyen bukanabuku kanabumuu li hulimahu unhu han ilobumuu, li foof bukanabuku feh kammuu Isilayeel yata Ateemit.

Kata Efées 6:24

Ateemit ásooniyen bukanabuku feh káboolimuu Amaaŋenawu oololaal Yéesu Kilisita, húbooli hayilaat huban.

1 Kata Tesalonik 5:8

Bale alolaal bañiil bata etihunaka loomaal, ban ootut uwuuhenaal li wahoowah. Lootaale uŋalaal káyinenaku li húbooliyahu kulako ebangalayi yoololaal yaŋali kaan kájufo. Kákangumaku kata fan ufakaal ko kommuu li kulako káhandolaal kata mañ.

2 Kata Tesalonik 1:3

Kutuyom, óloli joote jisal nanoonan Ateemit mata bukuluul jíji. Jaajak min óloli jikaan mo, mata káyinenaku kooluul li Yéesu Kilisita kunku min kuhaŋemuu malit, ban húbooliyahu han anoowan li bukuluul abajumuu li kaabuku hunhu foof min huhaŋemuu maluuk.

2 Kata Tesalonik 3:16

Amaaŋenawu asenemuu kásuumaay, ajow asenuul akila humumool kásuumaay kanookan ban nanoonan. Amaaŋenawu ajow alako li bukuluul foofuul feh.

1 Tímote 1:14

Bale Amaaŋenawu oololaal li áhiisom másuumamu moola ŋáa’, ban li asenom káyinen li húbooliyahu hammuu li Yéesu Kilisita.

1 Tímote 1:3

Lifañe min ulako li ésukayi yata Efées loon ilobimuu nan ilakomuu li ijow boot Maseduwaan. Baj to bukan kaliikene ésukayi kulim kanaboolut li káyinenaku koololaal. Oon bukanabuku umbuku kukat.

1 Tímote 5:8

Nokoomuu loon an acookoolut bukanool, háŋum bukanabuku kata butoŋabu boola, anawu ummu lakaakat bo káyinenaku koola, ban lahaŋe májakaati an áyinenut.

1 Fiyeel 5:14

Jisaafoo kasaafoo kata húbooli. Kásuumaay kulako li bukuluul foofuul feh jabajumuu hujokoo li Kilisita.

3 Saŋ 1:14

Lenseen let fiyo ujukooluma min uloba bújooŋoo.

Búhiisenumabu 1:4

Injé Saŋ ikiiculo sijanguwasu hutok li síl̥ubaasu sata etaamayi yata Aasi: Ateemit asenuul káji li kásuumaay, akila áami tomuu, alako to nomuu, áamimuu li abil. Uyinumawu hutok li úl̥ubaawu wammuu hákil efenjeŋayi yoola yata jáyiiyaju usenuul foof káji li kásuumaay.