Kata Efées 5:5 - Jola-Kasa

⁵ Mata joote jihaas kaanaku an áfulowe bó muñaˈa, an ákaanikoole suuneni, li an afañe sídalam, let anoken li Jáyiiyaju jata Kilisita li Ateemit. Li mal̥egenamu, efañ sídalam láalu kamanen kuteemit kalet mal̥egen.

Kata Efées 5:5 Referencias Cruzadas

Bakaanelabu 20:32

«Ban muñeˈe boot min ikatuul li kuŋen kata Ateemit, li hulimahu hata kájiyaku koola. Ateemit layilo alitenuul ban li asenuul bútowaabu ban akat tomuu boot li bukanabuku feh kammuu koola.

Bakaanelabu 8:21

Ulet ló li bulokabu bóololi, ban ubajut to kakaañen kanookan, mata buyinumabu booli bucolut hákil Ateemit.

Kata Galasi 5:19

Luhaasaale jak wahawu wan eniilayi ekaanemuu. Wo wommuu: húfulo li alet alet, ékandomaayiiñ, bucagayet,

Kata Galasi 5:21

kásiibo wah, kákaliyenoo, kawuuhen, li wahawu feh wanokoomuu li wo. Boot min ilobuul ikat to, loon ilobeenuulumuu, bukanabuku kakaanemuu wahawu unwu, let kutowo Jáyiiyaju jata Ateemit.

Kata Efées 5:3

Bukuluul bukan kata Ateemit joom, mó mújimuu jakum baj li bukuluul húfulo bo muñaˈa, kákaanikoo kanookan kasuuneniye, li efañ sídalam.

Kata Kolos 1:13

Li mal̥egenamu, labotumulolaabot li sembaasu sata élimayi, min ájowetumolaal li Jáyiiyaju jata Añoolool an aboolaatumuu.

Kata Kolos 3:5

Kama muñeˈe jífulen wahawu wáamimuu li buloŋuul wata etaamaye loon: kahinto li aletalet, kákaanikoo, kamelo wah kajakut, kásiibo wah kajakut, li efañ sídalam yammuu kamanen ateemit alet mal̥egen.

1 Tímote 6:10

Li mal̥egenamu, efañ sídalam huhaa’ hata majakut manooman. Kukee síibiisiib kubaj sídalam bil gay, li kúloyi káyinenaku min kukaanoolo buko humumiil sílaam sameeŋe.

1 Tímote 6:17

Ulob bukanabuku kammuu kusaanum li adunaayi unye ooniil jakum kutebenoolo, ban jakum foof kúkangum li hubajahu unhu haatutumuu hufiyo, bale kúkangum li Ateemit asenewolaalumuu wahoowah feh ŋáa’ mantee li úbajumaal li wo kásuumaay.

Eébulo 13:4

Anoowan laate aluuken búyabo. Bukan kayabowe, anoowan li buko laate átij li afaalool. Ateemit fan atiib bukanabuku káfulowe bomuu muñaˈa, li kahintowemuu li bukan kan kuyabowut.

Búhiisenumabu 21:8

Bale bukanabuku kákol̥l̥imuu, kátukutumuu lit, kakaanemuu wah wasuuneniye, kamukemuu bukan, káfulowemuu li aletalet, kakaanemuu jángafayinde, kamanenemuu kuteemit kalet mal̥egen li kúmalamiñaku feh, buko fan kujow li buwokaayabu bata sambunasu li batolokabu básoyiyaabu. Bo bommuu eketayi yál̥ubutayi.

Búhiisenumabu 22:15

Bale bukanabuku kammuu li kulako tíyaŋ ésukayi, buko kommuu kakaanemuu wah wasuuneniye, kakaanemuu jángafayinde, sicagaasu, kamukemuu bukan, kamanenemuu kuteemit kalet mal̥egen, li bukanabuku feh kafañumuu émalimiñ ban li kunaak kúmal.