Kata Efées 5:25 - Jola-Kasa

²⁵ Káyinaabuku koote kúbooli kuseekiil, loon Kilisita áboolimuu Ejanguwayi ayok aket boot li yo,

Kata Efées 5:25 Referencias Cruzadas

Máciya 20:28

Mo foof Añool-An abilutumuu boot min abaj emiikeel, bale min alako amiikeel. Ban li asen buloŋool bulako búhal boot li bukan kameeŋe.

Hulimahu Hásuumaahu loon Saŋ akiic homuu 6:51

Injé emmuu húmbuuluwahu haloŋumuu, habilummuu li emitayi. An atokoñumuu húmbuuluwahu unhu, fan aloŋ boot nanoonan. Ban húmbuuluwahu han emmuu li isen bájum adunaayi li eloŋ, ho hommuu eniilayi yúmbaam.

Bakaanelabu 20:28

Jijuke to li bukuluul humumuul, li bumatabu feh ban Buyinumabu Banabaabu busenuulumuu jooken. Jicookoo Ejanguwayi yan Ateemit ábajummuu, li eketayi yata Añiilawu oola humumool.

Kata Galasi 1:4

Kilisita lasenoolosenoolo okila humumool boot kafakenolaal li uhoofoolawu woololaal, mantee li ábotulolaal li adunaayi inye yata muñeˈe yajakutumuu, nab li húnongumahu hata Ateemit ammuu Atuubawolaal.

Kata Galasi 2:20

Min lako muñeˈe inti ínje humumom éemi li buloŋ, bale Kilisita áami li buloŋ lí ínje. Mata buloŋom bata ál̥ahukowan bata muñeˈe, lilolloŋ bo li káyinenaku kan ibajumuu li Añiilawu ata Ateemit, ábooliwommuu ban li asen buloŋool boot lí ínje.

Kata Efées 5:2

Jiloŋ buloŋ bata húbooli loon Kilisita ábooliwolaamuu, ayok asen buloŋool boot li alolaal. Lasensen buloŋabu boola loon kasila, búsimen básuume Ateemit.

Kata Efées 5:24

Mó mújimuu, loon Ejanguwayi étuulumuu Kilisita, mo foof kaalaabuku kóotimuu kútuul kúyiniil li wahoowah feh.

Kata Efées 5:28

Muñowu foof ánayine áatimuu ábooli aseekool loon áboolimuu eniilayi yoola humum yo. Anáyine áboolimuu aseekool, akila humumool ábooliwoolowe.

Kata Efées 5:33

Bale kulimaku unke lilobumuu foof boot li bukuluul: ánayine anoowan laate ábooli aseekool loon ábooliwoolomuu akila humumool, ban anaale anoowan laate foof átuul áyinool.

Kata Kolos 3:19

Kánayinaabuke, jíbooli kuseekuul ban jakum jítaañi li buko.

1 Tímote 2:6

asenumuu buloŋool humum bo min acaam boot kafaken bukanabuku feh. Wahawu unwu Kilisita akaanumuu min áhiis, nan taŋayi yan Ateemit ajokumuu yommuu li éliiŋ, kaanaku Ateemit lafanfañ min bukanabuku feh kufak.

1 Fiyeel 3:7

Li manolamu, bukuluul kánayinaabuke, li buloŋabu booluul li kuseekuul, joote jijokiil jak min jihaas joon kuhaŋuuhaŋ mágooto. Jiluukeniil, mata buko foof fan kuyab loon bukuluul kájiyaku kata buloŋabu bata mal̥egen. Jikaan loon muñaˈa jakum bil wah ukajen ul̥awawu wooluul.

Búhiisenumabu 1:5

Yéesu Kilisita, alobemuu Hulimahu Hásuumaahu li mal̥egen, asenuul foof káji li kásuumaay. Akila áamimuu átinaa li kayitowulumuu li eketayi, ban li áami áyiiyawu ata kúyiiyaku kata etaamayi. Yéesu Kilisita lafañolaafañ, ban li húsimahu hoola láfakenumolaalumuu li uhoofoolawu woololaal.

Búhiisenumabu 5:9

Muñeˈe li kukijen kakijen kuwunkul koon: «Lutootook min uŋa’ éliibalayi. Lutootook foof min úfulen bálikaañabu. Mata awu umukimuu, ban li húsimahu hooli, lúfakenummuu bukanabuku boot li Ateemit, bukanabuku kata kaland kanookan, kata elob yanooyan, kata het yanooyan, li kata etaam yanooyan.