Kata Efées 5:18 - Jola-Kasa

¹⁸ Jakum jinaak jíkallenoo: kákallenoo lakaanekaan an min ákaan dó maayiiñ. Bale jikat Buyinumabu Banabaabu min bulako li bukuluul li sembaasu sata bo.

Kata Efées 5:18 Referencias Cruzadas

Máciya 23:25

«Katek kujow kulako li bukuluul, jaliikenemuu ésukayi Eluwaayi yata Móyiis li bukuluul Kufaaliisiyeŋaku jáhoolo muñowu! Mata bukuluul fan jítil̥ ejunkayi, li buyinjaayabu kata búsol, ban kata láala ummu min meeŋ dó wah wákuuti, li wah wábajumi li maweelo.

Máciya 24:49

min átoŋ kútek kufaalool kuloka, li atiñ ban li anaak ajow ahob li kákaliyenoolemuu,

Hulimahu Hásuumaahu loon Lík akiic homuu 1:15

Mata fan alako an áamak hákil Amaaŋenawu. Let ahob bunuk, li ehob yanooyan yayilo ékaliyen. Buyinumabu Banabaabu fan bulako li akila ŋáa’ átowum abuki.

Hulimahu Hásuumaahu loon Lík akiic homuu 11:13

Fan bukuluul jajakut muñowu, jiyilo jisen wah wajake bañooluul, kama háŋum Atuubawuul ata haatiya? Okila fan asen Buyinumabu Banabaabu bukanabuku kammuu li kul̥awool bo!»

Hulimahu Hásuumaahu loon Lík akiic homuu 12:45

Bale nokoomuu loon alokaawu ummu lanaanaak aan li buyinumool: «Anahaanawu úmbaam let álaañul muñeˈe.» Alokaawu ummu li ajok kulokaaku kaabuku kánayinaabuku li kaalaabuku atek, ban li abah min atiñ, li ahob ákaliyenoo.

Hulimahu Hásuumaahu loon Lík akiic homuu 21:34

— Jíkaanum! Jakum jiŋa’ buyinumuul feh jikaan li kagaan li ehob, mantee foof li buyinaabu bata buloŋabu umbe. Jikaan momuu, hunakahu nan Añool-An ammuu li álaañul fan huyaan hugoobuul.

Hulimahu Hásuumaahu loon Saŋ akiic homuu 2:10

min aanool: — Esúkayi feh ejandejand esen bukanabuku bunukabu bahaŋumuu másuum kuhob. Ban, nan kommuu kujow kuhob kufooñ, li ukit úkal̥ul bal̥aal̥umuu useniil. Bale awu, li ujow uhahen bunukabu bahaŋumuu másuum boot kit muñeˈe!

Bakaanelabu 11:24

Balunabaas lakankaan ánayine ásuume, an ata káyinen an Buyinumabu Banabaabu bulakowe li akila. Bukan kameeŋe li kubil kufamen káyinenumuu li Amaaŋenawu.

Kata Lom 13:13

Uloŋaal buloŋ bacole loon loŋemuu tihunak. Jakum unaak utiñaal ujow uwuuhenaal, jakum unaak úkaliyenoolaal, jakum unaak uhintowaal li aletalet, jakum úkaanikoolaal, jakum unaak úmuyutenoolaal, jakum baj batahaay li ololaal.

1 Kata Koolent 11:21

Li mal̥egenamu, jijowumuu jiwoog boot hutiñ, anoowan li bukuluul li ayaan asommen atiñ hutiñahu hoola, min lako kukee kucaalete, kaabuku li kúkali.

1 Kata Koolent 5:11

Bale likiiculuukiic min eenuul jitey an aani láyinenyinen li Kilisita, ban li anaak ahinto li aletalet, li aweelo li sídalam, li amanen kuteemit kalet mal̥egen, li anaak áloboo bukan, li anaak ákaliyenoo mantee foof li anaak ákuwet. An loon muñowu jakum jitiñum dín dáno li akila.

1 Kata Koolent 6:10

kákuuwetemuu, kaweelomuu li sídalam, kákaliyenoolemuu, káloboolemuu bukan, kabotemuu wah wata bukan, let kunoken li Jáyiiyaju jata Ateemit.

1 Kata Tesalonik 5:7

Mata bukanabuku kámooliyemuu, li huk kúmooliye; kákaliyenoolemuu li huk kúkaliyenoole.

Eleetalayi yan Fool akiicumuu Tit 1:6

Anahaan ata ejangu, an aatut ajuk majakut li akila, ban laate ayab anaale ano bale. Bañoolool boote bulako bukan káyinene li Yéesu, ban jakum an ayili awatateniil li wahoowah, mantee foof li lako kútuulut sibukoolayiil.