Kata Efées 4:5 - Jola-Kasa

⁵ Lubajaale Amaaŋen ano bale, káyinen kano bale li kábatiise foof kano bale;

Kata Efées 4:5 Referencias Cruzadas

Máciya 28:19

Jijow boot bata bukanabuku feh kammuu tanootan li etaamayi, min jikaaniil kulako kúgoom kúmbaam. Ban li jíbatiiseyiil li kajawaku kata Atuubaawu, li kata Añiilawu, li kata Buyinumabu Banabaabu.

Bakaanelabu 10:36

Jihaase hulimahu han Ateemit ásenulumuu kata Isilayeel: li Yéesu Kilisita ammuu Amaaŋenawu ata bukanabuku feh, lásenulumuu Hulimahu Hásuumaahu hata kásuumaayaku.

Bakaanelabu 2:36

«Muñeˈe bukanabuku feh kata Isilayeel, koote kuhaas li mal̥egen kaanaku: Yéesu an jibaaŋumuu li ekuluwaayi, akila humumool Ateemit akaanumuu alako Amaaŋen li Afakena.»

Kata Lom 3:30

Li mal̥egenamu, Ateemit ano bale abaje. Okila ammuu li akaan kusuwifaku kulako bukan kacole hákilool, humum hata káyinenaku kooliil, li akaan foof bukanabuku kaletumuu kusuwif kulako bukan kacole hákilool, humum hata káyinenaku kooliil.

1 Kata Koolent 1:13

Waa, jiyinooyinoo li joon Kilisita láwaatulooliwaatuloo? Mantee Fool aketumuu li ekuluwaayi boot li bukuluul? Mantee bukuluul jíbatiiseyibatiise li kajaw kata Fool?

1 Kata Koolent 1:2

Jikiiculokiic yo boot li bukanabuku kata ejanguwayi yata Ateemit yammuu li ésukayi yata Koolent, kabile kulakomuu bukan kata Ateemit li hujamoolahu hooliil li Yéesu Kilisita, ban li kuhooñi boot kalako bukan kanabe, li mano li bukanabuku feh kamanenemuu banooban kajawaku kata Amaaŋenawu oololaal Yéesu Kilisita, ammuu Amaaŋenawu ooliil li oololaal.

1 Kata Koolent 12:13

Li manolamu, alolaal foofolaal feh lúbatiisewaalibatiise li Buyinumabu banolabu min ukaanaal eniil yano, oono asuwif mantee ulet asuwif, oono amiikeel mantee foof ulet amiikeel. Foofolaal feh Ateemit lakaanolaakaan uhobaal li Buyinumabu banolabu.

1 Kata Koolent 12:5

Ulokawu boot li Amaaŋenawu umemmeeŋ ban li úbutoo, bale Amaaŋenawu anolawu ésukayi elokemuu boot li akila.

1 Kata Koolent 8:6

bale li alolaal, Ateemit ano bale abaje. Okila ammuu Atuubaawu, áwuwenumuu wahoowah feh, ban li uloŋaal boot li akila. Li baj foof Amaaŋen ano bale. Okila ammuu Yéesu Kilisita, an wahoowah feh úwuwenumimuu li akila, ban li úloŋumaal li akila.

2 Kata Koolent 11:4

Li mal̥egenamu, bukuluul jonsoon éehe’ min kukee kuyaan kubil kúliiŋul li kuwaalewuul mata Yéesu akee ábuto li an áloli jiwaalewuulumuu, mantee foof li jiyab buyinum bakee bábuto li ban jiyab nomuu, mantee foof li jíyinen li hulim hakee hásuume hábuto li han áloli jiwaalewuulumuu.

Kata Galasi 5:6

Li mal̥egenamu, an áamimuu li Yéesu Kilisita, atey búkutoo, ateyut búkutoo, bajut jáliŋ yanooyan. Wahawu wabajumuu jáliŋ, wo wommuu káyinen li Yéesu Kilisita, ban li úhiisen ko li húbooli bukan.

Kata Efées 4:13

Muñowu emmuu li kaan boot yok nan oomaalumuu li ujokoolaal jak foofolaal feh loon an ano, jówum li káyinenaku koololaal, li kahaasaku kan uhaasaalumuu Añiilawu ata Ateemit. Fan ulakowaal bukan kanke jak jow yok unokoolaal loon Kilisita anokoomuu.

Kata Fílib 2:11

imban anoowan feh li alob kaanaku, Yéesu Kilisita ammuu Amaaŋenawu, boot li máyiineniyamu mata Ateemit Atuubaawu.

Kata Fílib 3:8

Ban inti wahawu unwu bale lijoke loon kakaal̥o, bale wahawu foof wo feh, humum hata wahawu unwe wahaŋumuu feh maluuk: wo wommuu kahaas Yéesu Kilisita ammuu Amaaŋenawu úmbaam. Akila ájimuu li ibeten wahoowah feh wabajeene jáliŋ lí ínje. Wahawu unwumaa feh lijoojok wo loon wah wata kabeten li huwey, mantee li ibaj Kilisita,

Eleetalayi yan Fool akiicumuu Tit 1:1

Injé Fool ammuu aloka ata Ateemit li afootal ata Yéesu Kilisita, ikiiculi eleetalayi inye. Bulokabu ban Ateemit asenommuu, bo bommuu kakaan bukanabuku kan al̥usumuu kúyinen, li kakaaniil foof kuhaas mal̥egenamu máatimuu mukaaniil kútuulool.

Eleetalayi yan Fool akiicumuu Tit 1:4

Injé ikiiculi eleetalayi inye, awu Tit ammuu añoolom ata mal̥egen li káyinenaku kan ubajamuu foofola: Ateemit Atuubaawu buko li Yéesu Kilisita ammuu Afakenaawu oololaal, kujow kúsooniyeni ban li kuseni kásuumaay.

Eébulo 13:7

Jiwayil̥o kunahaanaku kooluul kata no, kalobuulumuu hulimahu hata Ateemit. Jiwayil̥o buu kuloŋumuu eeno li buu kuketumuu eeno, min jinab li káyinenaku kooliil.

Saak 2:18

Bale akee fan aan: «Awu lubaje káyinen, ínje li ibaj makaane majake. Muñeˈe kama úhiisom buu luyilo ubaj káyinen ko banaboolut li makaane majake, mín ínje íhiisi káyinenaku kúmbaam li makaanelom majake.»

1 Fiyeel 3:21

Laalu búhiisenum bata kábatiisaaku kafakenuulumuu muñeˈe. Kábatiisaaku unku kulet kata kúfulen ñikonañu ñata eniilayi, bale kata kasenoolo boot li Ateemit li buyinum bajake. Li kufakenuul humum hata kayitowulaku kata Yéesu Kilisita li eketayi.

2 Fiyeel 1:1

Injé Simoŋ Fiyeel ammuu aloka li afootal ata Yéesu Kilisita, ínje ikiice eleetalayi inye boot li bukuluul jabajumuu káyinen kabaje jáliŋ loon kóololi, humum hata macolamu mata Ateemitawu oololaal li Afakenaawu Yéesu Kilisita.

Eleetalayi yan Súd akiicumuu 1:20

Bale bukuluul jammuu kufaalom kan iboolaat, jiwankulenoo li káyinenaku kooluul kanabaaku. Jíl̥awum li Buyinumabu Banabaabu.

Eleetalayi yan Súd akiicumuu 1:3

Kufaalom kan iboolaat, lifañeene ŋáa’ min ikiiculuul mata kafakaku kammuu koololaal foofolaal feh. Bale muñeˈe lijuke een leete ikiiculuul kayitee li iwankulenuul min jitaj boot li káyinenaku kan Ateemit asenumuu bukanabuku koola ñano boot nanoonan.