Kata Efées 4:29 - Jola-Kasa

²⁹ Jakum kulim kajakut kúfulumul li utumawu wooluul, bale jinaak jilob kulim kásuume kata kawankulen bukan li káyinenaku kooliil. Koote kulako kulim kata kalamben anawu ajantenemuu li ko.

Kata Efées 4:29 Referencias Cruzadas

Máciya 5:16

Muñaˈa foof jóotimuu jiwuŋen loon ehiitum hákil bukanabuku feh. Bájum li kujuk makaanelamu mooluul majakaamu, min kusal Atuubawuul ammuu haatiya.

Hulimahu Hásuumaahu loon Lík akiic homuu 4:22

Bukanabuku feh li súumiil li Yéesu. Li kusego mata kulimaku kásuumaaku kan alobiilumuu. Li koon: — Kama kele inti okila ammuu añiilawu ata Suseef?

Hulimahu Hásuumaahu loon Saŋ akiic homuu 1:37

Kúgoomaku kúl̥uba kata Saŋ li kujamool li alob loon muñowu, li kujow kunab li Yéesu.

Kata Lom 14:19

Wahawu unwu újimuu, lootaale uŋesaal wahawu wayilimuu úŋalul kásuumaay, li wahawu wayilimuu ukaanolaal min ulitenoolaal li káyinenaku.

Kata Lom 15:2

Anoowan li alolaal laate aŋes min akaan afaalool súum boot li majake moola, min alitenool li káyinenaku.

1 Kata Koolent 14:19

Bale Ejanguwayi ewoogumuu, lihaŋe mafañ min ilob kulim hutok bale kan ésukayi ejame min iliikeniil to wah ukee, ínje balobe kulim koono sínjunne kuŋen li silob sahaasuti.

Kata Efées 4:12

Lakankaan loon muñaˈa min afale bukanabuku kata Ateemit boot bulok boot li akila, mantee ejanguwayi yammuu eniilayi yoola li eyili yank min ebaj sembe.

Kata Efées 4:16

Kilisita lakankaan bukanabuku koola feh kujokoo, loon kuŋaw kujokemuu síŋullum sata eniil yata an kukaan tin tano. Wahoowah li eniilayi ukaanumuu bulokabu bata wo loon wóotimuu ukaan bo, eniilayi foof yo feh fan yank min ebaj sembe. Muñowu nokoomuu li ejanguwayi. Anoowan áami ló áboolimuu afaalool, ban li akaan bulokabu boola, ejanguwayi fan yank jak li búlambenum bata sembaasu sata Kilisita.

Kata Kolos 4:6

Kulimaku kooluul kujow kulako nanoonan kulim kásuume. Jihaas buu jóotimuu jinaak jibag anoowan jak.

1 Kata Tesalonik 5:11

Mó mújimuu, jinaak jiwankulenoo ban li jítintimbenoo loon jifimmuu min jikaane.

1 Fiyeel 2:12

Jiloŋ buloŋ bajake hákil bukanabuku kákaanumutumuu li Ateemit balewool, mantee maayeet min kukite kúlobooluul min koon bukuluul bukan kajakut, li kujuk bakaanelabu booluul bajakaabu, min kújowum tó kusal Ateemit li hunakahu nan ammuu li abil.

1 Fiyeel 3:1

Li manolamu, bukuluul kaalaabuke joote jítuul kúyinuul, mantee nokoomuu loon baje kukee li buko kahoye báyinen li Hulimahu hata Ateemit, baloŋelabu booluul li bújiyiil li kúyinen, bukuluul balobutiil hulim hanoohan,

2 Fiyeel 2:18

Fan kunaak kulob kulim káamak kata bul̥uuhoo bale, ban li kunaak kuŋa’ kásiibowaku kooliil kajakutumuu li bakaanelabu booliil basuunenimuu, min kubuut bukanabuku kakitemuu li kúfakumul li tut bukanabuku kammuu li buloŋ balet li mal̥egen.