Kata Efées 4:25 - Jola-Kasa

²⁵ Mó mújimuu, jikat émalimiñ. Anoowan li bukuluul laate alob afaalool mal̥egen, mata alolaal feh ugeb wata eniil yano loomaal.

Kata Efées 4:25 Referencias Cruzadas

Hulimahu Hásuumaahu loon Saŋ akiic homuu 8:44

Atuubawuul akila ammuu Sayitaane, ban wahawu wan atuubawuul afañumuu, wo jifañumuu min jikaan. Okila yaan no li húkitumahu lafin láami amukabukan. Alakowut li mal̥egenamu, mata mal̥egen mulet li akila. Alakomuu émalamiñ, lalollob loon afinumuu min aano, mata okila ámalamiñ laam, ban okila ammuu atuubaawu ata émalimiñ.

Kata Lom 12:5

Li manolamu, maayeet min umeeŋaalumuu, bale loonowaasoono eniil yano li hujokoolahu hoololaal li Kilisita, ban alolaal foofolaal feh lujokoolaajokoo loon wahawu feh wata eniil yano ujokoomuu.

1 Kata Koolent 10:17

Húmbuulu hano bale hubaje, ban maayeet min kite eenimuu lumeeŋaameeŋ, bale eniil yano loomaal, mata alolaal foofolaal feh lutokoñaatokoñ li húmbuuluwahu hanolahu.

2 Kata Koolent 7:14

Nokoomuu loon líhiisoohiis jakee ésuumansuumayi yan ibajumuu li bukuluul, jisuuwenutom. Loon jilobewuulumuu nanoonan mal̥egen, mo foof kasalaku kan jisaluulumuu hákilool kommuu wah wata mal̥egen.

Kata Efées 4:15

Emmuu alolaal lulobaalelob mal̥egenamu li húbooli ló, fan ankaal li wahoowah feh ujow unokoolaal li Kilisita ammuu húkowahu.

Kata Efées 4:22

Joote kama jikat baloŋelabu booluul buhaanabu bakajenemuu uyinumawu wooluul, ban li jífu’ li kásiibowaku kajakutumuu kanaake kubuntuulumuu.

Kata Efées 4:31

Jakum baj li bukuluul bal̥eet, etindihuuñ, kawuñet, batalen, búgeloo li búl̥afut banooban feh.

Kata Efées 5:30

mata ololaal foofolaal feh oomaalumuu eniilayi yoola.

Kata Kolos 3:8

Bale muñeˈe bukuluul jikat wahawu unwe feh: etindihuuñ, bal̥eet, búl̥afut, li kúloboo. Kulim kajakut jakum kúfulumul li butumuul.

Kata Kolos 3:9

Jakum an ámal asen afaalool, mata jikaakat bo buloŋabu booluul buhaanabu li makaanelamu mata bo,

1 Tímote 1:10

Eluwaayi ekaanikaan to boot li bukanabuku kahintowemuu li bukan kan kuyabowut, boot li kánayinaabuku kahintenemuu kufaaliil kánayine, boot li bukanabuku kájulayemuu emiikeelayi. Ekaanikaan to foof boot li kámalemuu li bukanabuku kanuulemuu ban let kukaan loon kunuulumuu, boot foof li bukanabuku káhoogulemuu baliikenelabu bata mal̥egen.

1 Tímote 4:2

Fan kukat bukan kámale ban li kúhoolo min kújimeniil, bukan kan uyinumawu wooliil ukete loon eenimuu mañ máwake kuŋale min kúsu’ wó.

Eleetalayi yan Fool akiicumuu Tit 1:12

Akee li buko áami afulofet lahaale aan: «Kata Kilet kufinfin min kukaane kúmalamiñ, sínuukuleŋ sál̥afute, bukan káfal̥e kayinoole kameeŋen kalaku kooliil bale.»

Eleetalayi yan Fool akiicumuu Tit 1:2

Leete ikaan mo mantee li kubaj kákangumaku kata buloŋabu bábaneliitumuu. Ateemit ámaleliitumuu, lansaan tówum taŋ yanooyan éliiŋ, fan asenolaal buloŋabu umbu.

Eébulo 12:1

Alolaal humumolaal foof, emmuu lubajaale bukan kameeŋe ŋáa’ káguutolaal ban li kóomi bukittenoolum humum hata káyinenaku kooliil, kama lootaale uhoyaal búteb banooban bayilo búhilolaal újowumaal, háŋum kahoofoolaku kahulutumuu li kugolenolaal, min uhankenaal min uteyaal eteyayi yan koonolaamuu uteyaal.

Saak 1:21

Mó mújimuu kama joote jífulen makaane manooman majakut, li búl̥afutabu basaŋomuu li bukuluul. Ban li jiwalenoolo, min jiyab hulimahu han Ateemit akaanumuu li uyinumawu wooluul, hayilimuu hufakenuul.

1 Fiyeel 2:1

Jihoy kama búl̥afut banooban, jabunt bukan, búhoolo, batii, li kúloboo bukan.

Búhiisenumabu 21:8

Bale bukanabuku kákol̥l̥imuu, kátukutumuu lit, kakaanemuu wah wasuuneniye, kamukemuu bukan, káfulowemuu li aletalet, kakaanemuu jángafayinde, kamanenemuu kuteemit kalet mal̥egen li kúmalamiñaku feh, buko fan kujow li buwokaayabu bata sambunasu li batolokabu básoyiyaabu. Bo bommuu eketayi yál̥ubutayi.

Búhiisenumabu 22:15

Bale bukanabuku kammuu li kulako tíyaŋ ésukayi, buko kommuu kakaanemuu wah wasuuneniye, kakaanemuu jángafayinde, sicagaasu, kamukemuu bukan, kamanenemuu kuteemit kalet mal̥egen, li bukanabuku feh kafañumuu émalimiñ ban li kunaak kúmal.