Kata Efées 4:15 - Jola-Kasa

¹⁵ Emmuu alolaal lulobaalelob mal̥egenamu li húbooli ló, fan ankaal li wahoowah feh ujow unokoolaal li Kilisita ammuu húkowahu.

Kata Efées 4:15 Referencias Cruzadas

Hulimahu Hásuumaahu loon Saŋ akiic homuu 1:47

Nan Yéesu ajukumuu Natanayeel li abil ájooŋoolul li akila, li alob moola aan: — An ata Isilayeel ata mal̥egen umme. Búhoolo banooban bulet li akila.

Kata Lom 12:9

Jíbooliwoo li mal̥egen. Jitey majakut, ban kayinooluul feh li kulako kakaan majake.

1 Kata Koolent 11:3

Bale lifañe min jiliitiken wahawu unwe: Kilisita ammuu húkowahu hata ánayine anoowan. Anáyinaawu li aano húkowahu hata aseekool. Ateemit li aano húkowahu hata Kilisita.

2 Kata Koolent 4:2

Alóli jihoohoy wahoowah wasuuneniye wakaaneyimuu li huyolo. Jíkaaneliit wah li jabunt, ban jítiiguleliit hulimahu hata Ateemit; bale jilobelob bukanabuku mal̥egenamu set, bájum bukanabuku feh li kuyili kúyinen li mal̥egen kaanaku áloli bukan joom kan an ayilo áwoolu hákil Ateemit.

2 Kata Koolent 8:8

Injé ilet li katuuŋuul jikaan wahawu unwu. Lilollob loon muñaˈa boot min iyoob min ijuk buu jil̥egene eeno li húbooliyahu hooluul, ho bakittenooleyi li kahankenaku kata kaabuku.

Kata Efées 1:22

Ateemit lasensen Kilisita sembe li wahoowah feh, ban li akaanool alako húkowahu hata Ejanguwayi feh.

Kata Efées 1:4

Ateemit lal̥usolaal̥us tówum adunaayi ejuul̥i, min ulakowaal bukan koola li hujokoolahu hoololaal li Kilisita, mantee li ulakowaal bukan koola kanabe ban li kucol hákilool. Húbooliyahu hoola hújimuu

Kata Efées 2:21

Li akila bateefelabu feh bata eluufayi bommuu li búcolenumi, ban li akaan bo bugimb min bulako eluuf yanabe yata Ateemit, dán Amaaŋenawu akine.

Kata Efées 4:25

Mó mújimuu, jikat émalimiñ. Anoowan li bukuluul laate alob afaalool mal̥egen, mata alolaal feh ugeb wata eniil yano loomaal.

Kata Efées 5:23

Mata ánayinaawu okila ammuu anahaanawu ata anaalaawu, loon Kilisita ammuu húkowahu hata Ejanguwayi. Akila ammuu li mal̥egen Afakenaawu ata Ejanguwayi yáamimuu eniilayi yoola.

1 Fiyeel 1:22

Joonosoono bukan kanabe humum hata min jítuulumuu mal̥egenamu, boot mata min jíbooliwoo li mal̥egen loon batuyaay. Jíbooliwoo ŋáa’ li uyinumuul feh.

1 Fiyeel 2:2

Jifañ miilamu masetaamu mata Hulimahu hata Ateemit, loon bañiil bakite li bubuki, bájum li jihob mo li jank min jifak,

2 Fiyeel 3:18

Jihaŋ naak mank jiyinno bo li kájiyaku li kahaasaku kan jihaasumuu Amaaŋenawu, Afakenaawu oololaal Yéesu Kilisita. Máyiineniyamu mujow mulako moola muñeˈe ban boot nanoonan! Aameen.

1 Saŋ 3:18

Kuñoolom, jakum húbooliyahu hoololaal hulako hin kulim bale mantee hin elob li butum bale, bale húbooliyahu hoololaal hoote hujukumi li bakaanelolaal bajake ban li mal̥egen.