Kata Efées 3:13 - Jola-Kasa

¹³ Mó mújimuu, ínje ummu li kaanuul jakum jíyeko mata min emmee li sílaam boot li bukuluul. Sílaamasu unsu so sommuu máyiineniyamu mooluul.

Kata Efées 3:13 Referencias Cruzadas

Bakaanelabu 14:22

Li kuwankulen kúgoomaku, ban li kooniil kútuk lit káyinenaku kooliil. Li kunaak foof kooniil: — Lootaale úlaamaal ŋáa’ tówum unokenaal li Jáyiiyaju jata Ateemit.

2 Kata Koolent 1:6

Alóli jilakomuu li sílaam, jilakolako li so boot mata kátintimben li kafak kooluul. Li bil nokoo loon áloli jibaje kátintimben, jibabbaj ko mantee bukuluul foof li jibaj kátintimbenaku kammuu li kújiwuul li jiyili jímuñ sílaamasu sanolasu san áloli foof jommuu li so.

2 Kata Koolent 4:1

Ateemit li másuumamu moola lásenumolimuu bulokabu umbu. Wahawu unwu újimuu áloli let jíyeko.

Kata Galasi 6:9

Jakum ukataal kakaan majake; mata ukatutaalumuu kakaan majake, nan hunakahu hommuu li húliiŋ, fan ubajaal kúwaagen kajake.

Kata Efées 3:1

Wahawu unwu újimuu ínje Fool, ammee li hukul̥ humum hata Yéesu Kilisita boot li bukuluul jaletumuu kusuwif, [ínje ummu li kal̥aw Ateemit boot li bukuluul.]

Kata Fílib 2:18

Li manolamu, bukuluul foof eete súumuul, ban li jilako li ésuumansuum boot lí ínje ló.

Kata Kolos 1:24

Muneˈe kaanonkaan ésuumansuum min eenomee li sílaam boot li bukuluul, ban wahawu wasaŋomuu li sílaamasu sata Kilisita, li ihabel wo ílaam li eniilom boot mata eniilayi yoola yammuu Ejanguwayi.

2 Kata Tesalonik 3:13

Kutuyom, bukuluul jakum jikat kakaan majake.