Kata Efées 3:1 - Jola-Kasa

¹ Wahawu unwu újimuu ínje Fool, ammee li hukul̥ humum hata Yéesu Kilisita boot li bukuluul jaletumuu kusuwif, [ínje ummu li kal̥aw Ateemit boot li bukuluul.]

Kata Efées 3:1 Referencias Cruzadas

Hulimahu Hásuumaahu loon Lík akiic homuu 21:12

Bale, fan kujokuul ban li kúlaatenuul, fan kujokuul kujow kusen kunahaanaku kata siluufasu sata kal̥awaku kutiib, min kukul̥uul, fan kújowetumuul hákil kúyii li kunahaanaku kata sísuk mata ínje íji, tówum wahawu unwu ubaj.

Bakaanelabu 21:33

Muñeˈe anahaanawu li ajow akooj Fool, min ajokool ban li alob min kuŋa’ useel úl̥uba min kukokool. Ban li agel̥l̥en bukanabuku Fool ammuu ayi, li waa lakaane.

Bakaanelabu 23:18

Mal̥egen anahaanawu ata esollaaliyayi li aŋalool ájowetum boot bata anahaanawu áamakawu áliiŋ, li aanool: — Fool akul̥imuu ahooñom min aanom íŋaluli añiilawu umme, mata lababbaj hulim han áami li alobi.

Bakaanelabu 26:29

Fool li aanool: — Eéti ŋa’ taŋ yatit mantee foof yáamak, wahawu wan il̥awumuu Ateemit, inti mata min awu baleyi, bale foof min bukuluul feh jáamimuu li bajantenabu búmbaam síyaat, jinokoo loon ínje, búti li sijenkase san íjenkumimee!

Bakaanelabu 9:15

Bale Amaaŋenawu li aanool: — Ujow, mata lil̥ul̥l̥us ánayinaawu ummu, ban fan íjowum li okila min ikaan kajawaku kúmbaam kuhaasi li bukanabuku kákaanumutumuu lí ínje Ateemit balewom, li kúyiiyaku kooliil, li foof bukanabuku kata Isilayeel.

2 Kata Koolent 1:6

Alóli jilakomuu li sílaam, jilakolako li so boot mata kátintimben li kafak kooluul. Li bil nokoo loon áloli jibaje kátintimben, jibabbaj ko mantee bukuluul foof li jibaj kátintimbenaku kammuu li kújiwuul li jiyili jímuñ sílaamasu sanolasu san áloli foof jommuu li so.

2 Kata Koolent 10:1

Injé Fool, boot min íjowum li májoobi buyinumabu li másuumamu mata Kilisita, min il̥awuul ínje humumom an koonumuu ilakomuu li bukuluul, li ilulenoo tuy, bale íloyiyuulumuu, li ikit ílobuluul kulim kal̥aal̥e.

2 Kata Koolent 11:23

Li koon buko kuloka koom kata Kilisita, boot min ilob loon an awele: ínje lihaŋiil malako aloka ata Kilisita. Lihaŋiil málaam. Lihaŋiil makul̥i meeŋ. Min kutekommuu, kutekutiil mo. Kulakolako li kumukom ñameeŋe.

Kata Galasi 5:11

Kutuyom, nokoomuu loon ínje liloŋe li iwaale mata katey búkut, wáa lí úji li kumit koono li kálaamenom? Nokoomuu loon mo, kama muñeˈe busiisijanabu babilummuu li eketayi yata Kilisita li ekuluwaayi, búfule.

Kata Galasi 5:2

Jijanten! Injé Fool boot min ilobuul kaanaku nokoomuu loon jikaakat min kuteyenuul búkut, kama Kilisita abajut li bukuluul jáliŋ.

Kata Galasi 5:24

Bukanabuku kata Yéesu Kilisita, kubambaaŋ li ekuluwaayi bóonowabu bajakutumuu bata eniilayi, boot li kásiibowaku kata yo ló.

Kata Efées 3:11

Wahawu unwu unaboonaboo li wahawu wan Ateemit afimmuu min ayinoole kakaan tówum ajuul̥ adunaayi, ban li ákaanum wó lí Yéesu Kilisita ammuu Amaaŋenawu oololaal.

Kata Efées 3:13

Mó mújimuu, ínje ummu li kaanuul jakum jíyeko mata min emmee li sílaam boot li bukuluul. Sílaamasu unsu so sommuu máyiineniyamu mooluul.

Kata Efées 3:8

Injé jahaŋumuu matiti li bukanabuku feh kata Ateemit, ínje Ateemit asenumuu kájiyaku unku kata kawaale bukanabuku kaletumuu Kusuwif, hubajahu hata Kilisita han an ayilaatumuu ánaanum.

Kata Efées 4:1

Injé jammee li hukul̥ humum hata Amaaŋenawu, ínje ummu li kawankulenuul min jiloŋ buloŋ batooke kahooñaku kan Ateemit ahooñuulumuu.

Kata Efées 6:20

Yéesu Kilisita lal̥usonl̥us boot min iwaale Hulimahu unhu Hásuumaahu li kajawaku koola. Hó hújimuu li éemi síyaat li hukul̥. Jil̥aw Ateemit mantee li inaak iwaale ho babajut ekole yanooyan, loon éetimuu iwaale ho.

Kata Fílib 1:7

Jaajak ŋáa’ min ibaj kayinoolaku unku li bukuluul, mata bukuluul foofuul feh jumbuku li buyinumom. Li mal̥egenamu, bukuluul feh júmbuku ló li kájiyaku kan Ateemit asenommuu, lako muñeˈe nan eenomee li hukul̥ mantee foof nan ilakowemuu kataj min íhiis kaanaku Hulimahu Hásuumaahu mal̥egen.

Kata Kolos 1:24

Muneˈe kaanonkaan ésuumansuum min eenomee li sílaam boot li bukuluul, ban wahawu wasaŋomuu li sílaamasu sata Kilisita, li ihabel wo ílaam li eniilom boot mata eniilayi yoola yammuu Ejanguwayi.

Kata Kolos 4:18

Injé humumom Fool ítuke li kaŋenom min ikiiculuul kulimaku unke min isaafuluul. Jiwayil̥o kaanaku li hukul̥ leem. Kájiyaku kata Ateemit kujow kulako li bukuluul.

Kata Kolos 4:3

Jil̥aw foof boot li áloli mantee Ateemit li ásenoli bútin bajake min jiwaale hulimahu hoola bukanabuku, min jiyili jikitteniil wahawu wan kuhaasutumuu li Kilisita, wájiwommee li eeno li hukul̥.

2 Tímote 1:16

Amaaŋenawu ajow ásuum li butoŋabu bata Oneesifool, mata lanaanaak átintimbenom ñameeŋe, ban kaanutool ñisuu mín ínje emmee li hukul̥.

2 Tímote 1:8

Mo emmuu jakum usuu balob mata Amaaŋenawu oololaal, ban jakum usuu mata ínje íji ammee li hukul̥ humum hoola. Bale úlaam loon ínje boot mata Hulimahu Hásuumaahu, min úkangum li sembaasu san Ateemit asenemuu.

Filemoŋ 1:1

Injé Fool akul̥imuu mata Yéesu Kilisita áji, ikiice eleetalayi inye íginnoo ló atuyolaal Tímote. Awu Filemoŋ likiiculo yo, ammuu ábukewoli li áfaaloli ata bulok.

Filemoŋ 1:23

Efafulaas ammee li hukul̥ahe lí ínje mata Yéesu Kilisita áji, lásaafuli.

Filemoŋ 1:9

bale haŋ majak il̥awi wah li kajawaku kata húbooliyahu, ínje humumom Fool ahallenumee, háŋum muñeˈe nan emmee foof li hukul̥ mata Yéesu Kilisita áji.

Búhiisenumabu 2:10

Jakum úkoli sílaamasu sakobemuu li awu. Ujuke to, Sayitaane fan abet bukan kameeŋe li bukuluul li hukul̥ min ayoobuul min ajuk. Fan jilako li sílaam kunak koono kuŋen. Utúk lit boot yok hunak eketi. Ukaan momuu, fan iseni buloŋ bábaneliit bulako bacaami.