Kata Efées 2:9 - Jola-Kasa

⁹ Let wah wan jikaane wajake újiwuul li jifak. Kama jakum an asaloolo.

Kata Efées 2:9 Referencias Cruzadas

Kata Lom 11:6

Lal̥usiil̥us humum hata kájiyaku koola, let bakaanelabu booliil bújiye. Letumuu mo, kama kájiyaku kata Ateemit let kulako káji kata mal̥egen.

Kata Lom 3:20

Wahawu unwu újimuu let baj an aŋale sembewool min akaan loon eluwaayi elobumuu, jow yok took min Ateemit ajokool an acole hákilool. Li mal̥egenamu, eluwaayi yoonosoono to bale boot kakaan bukanabuku min kuhaas mata kahoofoo.

Kata Lom 4:2

Nokoomuu loon Abulaham bakaanelool bújiye Ateemit li ajokool an acole, kama layilo asaloolo, bale inti hákil Ateemit.

Kata Lom 9:11

Wahawu wáhiisumuu kaanaku bal̥usabu bata ano li bañiilabu bulakolako li mal̥egen húnongumahu hata Ateemit, wo wommuu Ateemit humumool lansaan Lobeka: «Añiilawu ahaanawu fan alako amiikeel ata ahaŋumuu mañiilo.» Ateemit lalollob kulimaku unku tówum kubuki, tówum kuyili kukaan majake mantee foof majakut. Min lako, Ateemit al̥usumuu bukan, let ajuke li wahawu wan bukanabuku umbuku kukaanumuu, bale fan ahooñiil naboo li húnongumahu hoola.

Kata Lom 9:16

Mó mújimuu, bal̥usabu bata Ateemit li káyiyenaku koola bubilume, bale bubilumut li húnongum hata an, bubilumut foof li bakaane bata an.

2 Tímote 1:9

Akila humumool afakenolaalumuu, ban li ahooñolaal boot ubil ulakowaal bukan koola. Ban min akaan momuu, inti eeniseen bakaanelolaal bújiye, bale okila humumool ayinoo mo ban li asenolaal li kájiyaku koola. Li Yéesu Kilisita lásenumolaamuu kájiyaku unku tówum adunaayi ejuul̥i,