Kata Efées 2:19 - Jola-Kasa

¹⁹ Mó mújimuu, muñeˈe bukuluul jaletumuu kusuwif, jilet ejawoola mantee foof bukan kabilumulo bakee; bale jumbuku ló li bukanabuku kata Ateemit. Joonosoono bukan kata butoŋabu boola.

Kata Efées 2:19 Referencias Cruzadas

Máciya 10:25

Jaajak min ágoom alako loon anahaanawu oola, min foof aloka alako loon anahaanawu oola. Anahaanawu ata butoŋabu afane ahooñi Bélusebul, naane háŋum kata butoŋabu humumiil.

Kata Galasi 6:10

Mó mújimuu, muñeˈe nan uyiliyaamee, ukaanaal majake boot li bukanabuku feh, háŋum bukanabuku kan ubajaalumuu káyinen kano li Yéesu Kilisita.

Kata Efées 2:12

Jiwayil̥o joon no unnu, Kilisita alakoweenut li bukuluul. Jilakoweenut no li bukanabuku kata Isilayeel, ban jikaanuti ló li wahawu wan Ateemit alobumuu kasen bukanabuku koola, kan ajokumuu húfaalum. Li jiloŋ li adunaayi inye babajut húkangum hanoohan, ban jihaasut Ateemit.

Kata Efées 3:15

an emmuu butoŋ banooban báami li emitayi li etaamayi li akila bóomum tó.

Kata Efées 3:6

Wahawu unwu wahaasutimuu wata Ateemit wo wommuu unwe: bukanabuku kaletumuu kusuwif kubaje wahawu wanolawu li kusuwifaku. Muñeˈe buko bukan kano koom, ban li kóomi ló foof li wahawu wan Ateemit alobumuu kasen kusuwifaku. Wahawu unwu ubabbaj humum hata hujokoolahu hata kaletumuu kusuwif li Kilisita, habilummuu li Hulimahu Hásuumaahu.

Kata Fílib 3:20

Bale alolaal, bukan kata Jáyiiyaju jata Ateemit loomaal, májimuu loonowaal li kakob min Afakenaawu oololaal ammuu Amaaŋenawu Yéesu Kilisita abil.

Eébulo 11:13

Li káyinenaku bukanabuku umbuku feh kúketummuu buko bayabut wahawu wajakaawu wan Ateemit alobumuu kasen, bale kuŋandeŋŋanden wó lóyi min kusaaf wo bo. Kuhahhaas koon buko kujawoola koom li kuñaahoola li etaamaye.

Eébulo 13:14

Mata ubajutaal li etaamaye bukin bata kale, bale bukinabu bammuu li ebil luŋesaale li bo.

1 Fiyeel 2:11

Kutuyom kan iboolaat, ínje ummu li kawunkulenuul bukuluul janokoomuu loon kuñaahoola li ejawoola li etaamaye, min jitey kásiibowaku kata siniilasu sooluul kammuu li katiiken saalasu sooluul.

1 Saŋ 3:1

Jijuke buu Atuubaawu afañoolaalumuu ŋáa’! Hufañahu han afañolaalumuu huluuluuk gay li uhooñaali bañiil bata Ateemit. (Ban mal̥egen bañiil Ateemit loomaal.) Bukanabuku kata adunaayi kuhaasut Ateemit, wahawu unwu újimuu kuhaasutolaal.