Kata Efées 1:3 - Jola-Kasa

³ Usalaal Ateemit! Okila ammuu Atuubaawu ata Amaaŋenawu. Lakaanolaakaan min ubajaal kásooniyen kanookan feh kata Buyinumabu haatiya li emitayi, humum hata hujokoolahu hoololaal li Kilisita.

Kata Efées 1:3 Referencias Cruzadas

Hulimahu Hásuumaahu loon Lík akiic homuu 2:28

Simiyoŋ li ayab Yéesu li kuŋen jaawool afeb, min asal Ateemit aan:

Hulimahu Hásuumaahu loon Saŋ akiic homuu 14:20

Nan hunakahu unhu hommuu li húliiŋ, fan jihaas joon ínje ummu li Atuubawom, ban bukuluul jumbuku lí ínje loon ínje emmuu li bukuluul.

Hulimahu Hásuumaahu loon Saŋ akiic homuu 17:21

Lil̥awe mantee buko foofiil feh li kulako an ano. Faafa, kujow kulako an ano li alola, loon foof awu ommuu lí ínje, ínjé li éemi li awu. Kujow kulako an ano bájum adunaayi li éyinen kaanaku awu úboñulom.

Hulimahu Hásuumaahu loon Saŋ akiic homuu 20:17

Yéesu li aanool: — Jakum útukom ukat taate, mata ijowolut boot bata Atuubaawu. Bale ujow oon kutuyom, boot min ijow boot bata Atuubawom ammuu foof Atuubawuul, boot bata Ateemitawu úmbaam ammuu foof Ateemitawu ooluul.

Kata Lom 12:5

Li manolamu, maayeet min umeeŋaalumuu, bale loonowaasoono eniil yano li hujokoolahu hoololaal li Kilisita, ban alolaal foofolaal feh lujokoolaajokoo loon wahawu feh wata eniil yano ujokoomuu.

Kata Lom 15:6

mantee li jísalum Ateemit, Atuubaawu ata Amaaŋenawu oololaal Yéesu Kilisita, li buyinum bano li hulim hano.

1 Kata Koolent 1:30

Ateemit lakaanuukaan jibaj hujamoo li Yéesu Kilisita, ban li akaan Kilisita alako bújallowabu boololaal. Li Yéesu Kilisita lóomumaalumuu bukan kacole hákil Ateemit. Li Yéesu Kilisita lóonowumaalumuu bukan kanabe kata Ateemit, ban li ahal min úfulaal li kahoofoo.

1 Kata Koolent 12:12

Li mal̥egenamu, eniil hugumb hano yoom, maayeet min ekite ebajumuu ugeb wameeŋe, ban maayeet min ugebawu wata yo umeeŋumuu, bale wo feh eniil yano woom. Mo foof Kilisita anokoomuu.

2 Kata Koolent 1:3

Kasal kujow kulako li Ateemit ammuu Atuubaawu ata Amaaŋenawu, Atuubaawu áyiyenemuu bukan. Okila ammuu Ateemit átintimbenemuu bukan li wahoowah feh.

2 Kata Koolent 11:31

Ateemit ammuu Atuubaawu ata Amaaŋenawu Yéesu, ban li asali boot nanoonan, lahaase aan ímalut.

2 Kata Koolent 5:17

Wahawu unwu újimuu an abajumuu hujokoo li Kilisita, anawu ummu búwuwenum buwunkul laam. Wahawu wata naanaŋ umoje, muñeˈe wahawu feh uwunkulowe.

2 Kata Koolent 5:21

Kilisita akaanutumuu kahoofoo, Ateemit li akaanool ateb kahoofoo humum hoololaal, bájum li újowumaal li akila min ulakowaal macolamu mata Ateemit.

Kata Galasi 3:9

Mó mújimuu, bukanabuku feh káyinenumuu li Ateemit, Ateemit fan ásooniyenooliil li Abulaham áyinenumuu li akila.

Kata Efées 1:10

Wahawu unwu wan Ateemit ammuu li abil ahabel akaan nan taŋayi yommuu li éliiŋ, wo wommuu min awoogen wahawu feh wammuu li emitayi li etaamayi, min an ano alako anahaanawu ata wo. Anawu ummu akila ammuu Kilisita.

Kata Efées 1:17

Injé ummu min il̥awemuu Atuubaawu áyiineniyaawu ammuu Ateemitawu ata Amaaŋenawu oololaal Yéesu Kilisita, min ásenumuul bújallo li Buyinumabu ban li áhiisuul akila ammuu ayi, bájum li jiyili jihaasool jak.

Kata Efées 1:20

nan ayitenulomuu Kilisita li eketayi, ban li akaanool abah kaŋenool kúli li emitayi.

Kata Efées 2:6

Hujokoolahu hoololaal li Kilisita hújimuu Ateemit li ayitenumulolaal li eketayi, ban li akaanolaal ubahaal tan Yéesu Kilisita abahumuu li emitayi.

Kata Efées 3:10

Lakankaan mo, bánum li ájowum muñeˈe li ejanguwayi min áhiis kuhaanaaku feh li kujojaku feh li uyinumawu wabajumuu sembe haatiya emitayi, buu lájallomuu eeno li wahoowah feh wan akaane.

Kata Efées 6:12

Hutiikahu han oomaamuu li ho, inti eeniseen li bukan loomaal li ho, bale li uyinumawu wajakutumuu li kunahaanabuku kata wo, kaakumuu adunaayi inye yammuu li élimayi. Li oonowaal li hutiik li uyinumawu wata búl̥afutabu wammuu haatiya li emitayi.

Kata Fílib 2:11

imban anoowan feh li alob kaanaku, Yéesu Kilisita ammuu Amaaŋenawu, boot li máyiineniyamu mata Ateemit Atuubaawu.

Eébulo 8:5

Bulokabu ban élambaayi inyu ekaanemuu bulakolako buliikoolum, búnokoo bata wahawu wabajumuu li mal̥egen li emitayi. Nokoonokoo loon nan Móyiis alakomuu li akaan kayuntaku, Ateemit li aanool: «Ujuke to min ukaan wahawu feh, unokoo li bukittenoolumabu ban íhiisimuu li huyuuyahu.»

Eébulo 9:23

Tookumuu min wambuwawu unwu wata mal̥egenamu mammuu li emitayi úgiilenumi li usila loon muñowu, kama mal̥egenamu humum mo mammuu li emitayi moote múgiilenumi li usila wahaŋe majak unwu.

1 Fiyeel 1:3

Kasal kujow kulako li Ateemit ammuu Atuubaawu ata Amaaŋenawu kata mal̥egen,