Kata Efées 1:23 - Jola-Kasa

²³ Ejanguwayi yo yommuu eniilayi yata Kilisita. Buloŋabu bata Kilisita li Ejanguwayi boom li kabane. Okila asenemuu buloŋ wahoowah feh wáami tanootan.

Kata Efées 1:23 Referencias Cruzadas

Hulimahu Hásuumaahu loon Saŋ akiic homuu 1:16

Foofolaal feh luyabaayab joololaal li kájiyaku koola káamakaku. Ban li uyabaal káji kufamen to káji kakee,

Kata Lom 13:5

Wahawu unwu újimuu, joote jítuul bukanabuku kaakumuu kuhaanaaku. Jikaan momuu, let jilo li katekaku kata Ateemit, ban fan jihaas li uyinumuul joon jikankaan jak.

1 Kata Koolent 12:6

Ulokawu wájaahalenimuu umemmeeŋ ban li úbutoo, bale Ateemitawu anolawu akaane womuu feh li bukanabuku feh.

1 Kata Koolent 15:28

Muñeˈe nan wahawu feh wommuu li ukaani li kuŋen kata Kilisita, okila humumool ammuu Añiilawu fan alako li kuŋen kata Ateemit aŋalumuu wahawu feh akaan li kuŋenool, mantee Ateemit li alako wahoowah li anoowan feh.

Kata Efées 2:16

Lakankaan min kusuwifaku li bukanabuku kaletumuu kusuwif kulako bukan kano, ban li akaaniil kujamoo li Ateemit, humum hata eketayi yoola li ekuluwaayi. Muñowu lakaanumuu min búlatoolabu babajeenumuu li buko buban.

Kata Efées 3:10

Lakankaan mo, bánum li ájowum muñeˈe li ejanguwayi min áhiis kuhaanaaku feh li kujojaku feh li uyinumawu wabajumuu sembe haatiya emitayi, buu lájallomuu eeno li wahoowah feh wan akaane.

Kata Efées 3:19

Maayeet min kite eenimuu bajut an ayilo ahaas buu Kilisita ábooliwolaamuu eeno, lil̥awe Ateemit mantee li jiyili jihaas húbooliyahu unhu, bájum bóonowabu booluul li buyili bunokoo li mal̥egen li bata Ateemit.

Kata Efées 4:10

Akila áwalowulomuu boot baabe li etaam, akila anolawu ajowumuu foof boot haatiya tiya emitayi, mantee li alako tanootan.

Kata Efées 4:12

Lakankaan loon muñaˈa min afale bukanabuku kata Ateemit boot bulok boot li akila, mantee ejanguwayi yammuu eniilayi yoola li eyili yank min ebaj sembe.

Kata Efées 4:13

Muñowu emmuu li kaan boot yok nan oomaalumuu li ujokoolaal jak foofolaal feh loon an ano, jówum li káyinenaku koololaal, li kahaasaku kan uhaasaalumuu Añiilawu ata Ateemit. Fan ulakowaal bukan kanke jak jow yok unokoolaal loon Kilisita anokoomuu.

Kata Efées 4:4

Alolaal jáyinenaamuu lunokoolaanokoo loon eniil yano ban baje Buyinum bano Banabe, mo foof bajumuu kákangum kano kan Ateemit ahooñuulumuu boot.

Kata Kolos 1:24

Muneˈe kaanonkaan ésuumansuum min eenomee li sílaam boot li bukuluul, ban wahawu wasaŋomuu li sílaamasu sata Kilisita, li ihabel wo ílaam li eniilom boot mata eniilayi yoola yammuu Ejanguwayi.

Kata Kolos 2:19

Kujokut li Kilisita ammuu húkowahu hata Ejanguwayi. Li mal̥egenamu, Kilisita ájimuu eniilayi foof yo feh li ékuumeni, ban li éjokoolum li síŋullumasu sata yo li kuŋawaku foof kata yo, min yank loon Ateemit afañumuu.

Kata Kolos 3:11

Muñeˈe jáliŋ yanooyan elet to an balet asuwif ammuu wahoowah feh li anoowan feh.

Kata Kolos 3:15

Kásuumaayaku kata Kilisita kulako li uyinumawu wooluul li sembe. Kásuumaayaku unku kújimuu Ateemit li ahooñuluul boot min jilako an ano. Naak jisalool nanoonan.