Kata Efées 1:10 - Jola-Kasa

¹⁰ Wahawu unwu wan Ateemit ammuu li abil ahabel akaan nan taŋayi yommuu li éliiŋ, wo wommuu min awoogen wahawu feh wammuu li emitayi li etaamayi, min an ano alako anahaanawu ata wo. Anawu ummu akila ammuu Kilisita.

Kata Efées 1:10 Referencias Cruzadas

Máciya 25:32

Bukanabuku feh kata adunaayi fan kuwoog hákilool. Fan ágaatuloo bukanabuku loon amata ágaatuloolemuu kúgalalaanaku li sijaameenasu.

Maak 1:15

Yéesu li anaak aan: — Taŋayi éliiŋe, ban Jáyiiyaju jata Ateemit jíkoojulo. Jibet búsol baloŋelabu booluul buhaanabu min jítiiwo jiŋa’ buloŋ buwunkul, min jíyinen li Hulimahu Hásuumaahu.

1 Kata Koolent 10:11

Wahawu unwu feh ubabbaj min ulako bukittenoolum boot li kaabuku. Ukiicikiic kat to, min bilum alolaal aamaalumuu li buloŋ li taŋ yan uhaase oon buloŋabu bumbu li buban, li uliikenumaal to wah.

1 Kata Koolent 11:3

Bale lifañe min jiliitiken wahawu unwe: Kilisita ammuu húkowahu hata ánayine anoowan. Anáyinaawu li aano húkowahu hata aseekool. Ateemit li aano húkowahu hata Kilisita.

Kata Galasi 4:4

Bale nan taŋayi yan Ateemit asenumuu éliiŋumuu, li áboñul Añoolool. Anaale abukool, ban li alako li kuŋen kata Eluwaayi yata Móyiis.

Kata Efées 1:22

Ateemit lasensen Kilisita sembe li wahoowah feh, ban li akaanool alako húkowahu hata Ejanguwayi feh.

Kata Efées 2:15

Li eketayi yoola láfulenummuu uŋoonawu feh wata kusuwifaku walakomuu li Eluwaayi yata Móyiis, min akaan kusuwifaku li bukanabuku kaletumuu kusuwif kulako bukan kano kawunkul li hujokoolahu hooliil li akila. Muñowu lakaanumuu min kajamoo kubaj li buko.

Kata Efées 3:15

an emmuu butoŋ banooban báami li emitayi li etaamayi li akila bóomum tó.

Kata Efées 3:2

Manooman jijanjam li kulob mata bulokabu ban Ateemit ásenommuu kakaan boot li bukuluul, humum hata másuumamu moola.

Kata Kolos 1:16

Mata li akila wahawu feh úwuwenumimuu, wammuu li emitayi li wammuu li etaamayi, wajukeyimuu li wájukeliitimuu, wahoowah feh wabaje sembe li emitayi, uyinumawu wabajumuu kayile, li kunahaanaku kata wo feh, wahawu unwu feh li akila úwuwenumi, ban boot li akila.

Kata Kolos 1:20

min wahawu feh újamoolum li Kilisita, ban boot li Ateemit akila humumool. Li húsimahu hata Añoolool háyuwimuu li ekuluwaayi, Ateemit ákaanummuu min kásuumaay kubaj li wahawu feh, lako wahawu wammuu li etaamayi, mantee foof wammuu li emitayi.

Kata Kolos 3:11

Muñeˈe jáliŋ yanooyan elet to an balet asuwif ammuu wahoowah feh li anoowan feh.

Eébulo 1:2

Bale muñeˈe li taŋaye ébanumaye, li Añoolool lálobume li alolaal. Li akila lajuul̥ume adunaayi li wahawu feh wáami lómuu, ban akila lakaan tomuu boot min akil wahoowah feh.

Eébulo 11:40

Li mal̥egenamu, Ateemit layinooyinoo mata wah wahaŋe majak akat to boot li alolaal, jakum bil kulako bukan káliiŋe jak alolaal baletaal to.

Eébulo 9:10

Uŋoonawu unwu wata mata hutiñ bale, mata ehob li mata múkaaniin mata kágiilen. Laalu uŋoon wata ál̥ahukowan walako to boot yok nan Ateemit akaanumuu wahawu feh úbuti.

1 Fiyeel 1:20

Ateemit lafinfin min al̥use Kilisita akat to boot li wahawu unwu, tówum adunaayi ejuul̥i, ban li áhiisenool muñeˈe li taŋaye ébanumaye, boot li majakaamu mooluul.

Búhiisenumabu 5:9

Muñeˈe li kukijen kakijen kuwunkul koon: «Lutootook min uŋa’ éliibalayi. Lutootook foof min úfulen bálikaañabu. Mata awu umukimuu, ban li húsimahu hooli, lúfakenummuu bukanabuku boot li Ateemit, bukanabuku kata kaland kanookan, kata elob yanooyan, kata het yanooyan, li kata etaam yanooyan.