Hulimahu Hásuumaahu loon Saŋ akiic homuu 9:39 - Jola-Kasa

³⁹ Muñeˈe Yéesu li aan: — Libiibil li adunaayi inye mantee batiib li bubaj, min káfuumumuu kujuk, kajukemuu li kúfuum.

Hulimahu Hásuumaahu loon Saŋ akiic homuu 9:39 Referencias Cruzadas

Máciya 11:5

Bukanabuku káfuumumuu kujuke, kakajumuu kujowe jak, bukanabuku kan háhaayee ejokeenumuu kufake, bukanabuku kásokomuu kujame, kaketumuu kuyitowe, esukateenayi ejame Hulimahu Hásuumaahu.

Máciya 15:14

Jikatiil bo. Laalu bukan káfuume kayabe hákil bukan káfuume boot min kúhiisiil bútinabu! Ban an áfuume ajowumuu ayab hákil afaalool áfuumandiin boot min áhiisool bútinabu, buko kúl̥uba feh fan kulo li buwokaay.

Máciya 6:23

Bale kúkilaku kooli kujakutumuu, eniilayi yooli feh fan elako li élim yáamak. Mó mújimuu mawuŋeyamu máamimuu li awu mulaañumuu mulako élim, élim yay yóomi li ehaŋ élimayi inyu.

Hulimahu Hásuumaahu loon Lík akiic homuu 1:79

Boot kahiiten kammuu li emoocayi li kammuu li élimayi yata eketayi, boot kájowetumolaal li bútinabu bata kásuumaayaku.

Hulimahu Hásuumaahu loon Lík akiic homuu 13:30

Muñeˈe kukee li bukanabuku kammuu muñeˈe kúsola, fan kulako kútinaa, min kukee li bukanabuku kammuu muñeˈe kútinaa, kulako kúsola.»

Hulimahu Hásuumaahu loon Lík akiic homuu 2:34

Simiyoŋ li ásooniyeniil ban li aan Mali, jaaw ata Yéesu: — Ateemit lal̥ul̥l̥us añiilawu umme bánum li áji bukan kameeŋe kata Isilayeel li kulo, kaabuku li kuyito. Fan alako búhiisenum bata Ateemit ban bukanabuku kóomi li kuhoy.

Hulimahu Hásuumaahu loon Lík akiic homuu 4:18

«Buyinumabu Banabaabu bata Amaaŋenawu bumbu lí ínje, mata lal̥usonl̥us boot kawaale Hulimahu Hásuumaahu kusukateenabuku. Amaaŋenawu láboñulomboñul boot elob mata kafakenaku kata kajokimuu. Min íji káfuumumuu li kulaañ kujuk, boot kákotul kágootenimuu.

Hulimahu Hásuumaahu loon Lík akiic homuu 7:21

Yaan no unnu, Yéesu li afaken bukan kameeŋe li úsomutawu wooliil, li jilumaju jooliil. Li afaken bukan kan uyinum wajakut újufoye, ban li akaan bukan kameeŋe káfuume kujuk.

Hulimahu Hásuumaahu loon Saŋ akiic homuu 12:31

Muñeˈe emmuu taŋayi nan Ateemit ammuu li atiib adunaayi inye. Muñeˈe Sayitaane ammuu anahaanawu ata adunaayi boot min akesooli áfu’ tíyaŋ.

Hulimahu Hásuumaahu loon Saŋ akiic homuu 12:46

Injé ammuu mawuŋaamu libiibil li adunaayi, bájum an áyinenumuu lí ínje, let alako li élim.

Hulimahu Hásuumaahu loon Saŋ akiic homuu 3:17

Ateemit áboñuloot Añoolool li adunaayi boot batiib bukanabuku kammuu li adunaayi, bale min áfakenum bukanabuku kammuu li adunaayi li akila.

Hulimahu Hásuumaahu loon Saŋ akiic homuu 3:19

Batiibabu bo bommuu umbe: mawuŋaamu mubiibil li adunaayi, bale bukanabuku li kuhaŋ mafañ élimayi, mata makaanelamu mooliil mujakut.

Hulimahu Hásuumaahu loon Saŋ akiic homuu 8:12

Yéesu li alaañen alob li búsukabu aaniil: — Injé emmuu mawuŋaamu mata adunaayi. An anabumuu lí ínje fan abaj mawuŋaamu mata buloŋabu, ban let ájowum li élim maayeet.

Hulimahu Hásuumaahu loon Saŋ akiic homuu 8:15

Bukuluul jitiibetiib loon ál̥ahukow atiibemuu, bale ínje let itiib an.

Hulimahu Hásuumaahu loon Saŋ akiic homuu 9:25

Li aaniil: — Nokoomuu loon ahoofoola laam, ínje ihaasut. Wah wano lihaase: lífuumenfuum ban muñeˈe lijuke.

Bakaanelabu 26:18

Boot min iboñi ujow úbabul kúkilaku kooliil, li úfulenuliil li élimayi kubil kulako li mawuŋe, li úfulenuliil foof li kaŋenaku kata Sayitaane kubil kulako bata Ateemit; bájum kúyinenumuu lí ínje, li kubaj kabonket kata uhoofoolawu wooliil, min kubaj bútowowiil li bukanabuku kan Ateemit akilumuu.

2 Kata Koolent 2:16

Li bukanabuku kammuu li kájim, lakolako kaciiŋ kata eket boot kakaan eket. Li bukanabuku kammuu li kafak, lakolako kaciiŋ kata buloŋ boot kasen buloŋ. Ban kama ayimaa ayilimuu akaan bulokabu umbu?

Kata Efées 5:14

Li mal̥egenamu, wahoowah feh wakaani li mawuŋe, wo humum wo fan ulako mawuŋe. Wahawu unwu újimuu li koon: «Ulíwo, awu jámoolimuu, uyitowumul li kaketumuu, min mawuŋamu mata Kilisita muhiiteni.»

2 Kata Tesalonik 2:10

Fan aŋa’ makaane manooman majakut min abunt bukanabuku kammuu lí kújim. Wahawu wájimuu li kóoti kújim, wo wommuu min kufañutumuu kuyab mal̥egenamu maateenumuu mufakeniil.

1 Fiyeel 2:9

Bale bukuluul, bukuluul jommuu bukanabuku kal̥usimuu, kúlambaaku kata Ayíiyawu, ésukayi yanabaayi, bukanabuku kata Ateemit. Lí élimayi láhooñumuluul jibil jilako li mawuŋaamu moola máyiineniyaamu, boot kayiiŋen wahawu wan akaanumuu wajakumuu majak.

1 Saŋ 2:11

Bale an alatumuu atuyool, anawu ummu ummu li élim. Ummu li buloŋ li élimayi, ban ahaasut bay lajowe boot, mata élimayi éfuumenoofuumen.