Hulimahu Hásuumaahu loon Saŋ akiic homuu 8:59 - Jola-Kasa

⁵⁹ Muñeˈe li kumulukul kuyitik boot min kutekool. Bale Yéesu li ayolo min ajow áfu’ li Eluufayi yata Ateemit.

Hulimahu Hásuumaahu loon Saŋ akiic homuu 8:59 Referencias Cruzadas

Máciya 12:14

Muñeˈe Kufaaliisiyeŋaku li kúfulul kubil kujoj, min kujamoo buu kommuu li kukaan min kumuk Yéesu.

Hulimahu Hásuumaahu loon Lík akiic homuu 24:31

Muñeˈe li kaaniil gáam, li kukit kuhaas koon kama okila Yéesu. Bale li ayaan ájim to hákiliil.

Hulimahu Hásuumaahu loon Saŋ akiic homuu 11:54

Wahawu unwu újimuu Yéesu li akat káfu’ añaahoo tíyaŋ li Kusuwifaku. Li ájowum tó boot li etaamayi yakoojumuu kayiinaayaku, li ésuk yan koone Efulayim, ban ajowe alakomuu li kúgoomaku koola.

Hulimahu Hásuumaahu loon Saŋ akiic homuu 11:8

Kúgoomaku koola li koonool: — Anahaan, fiyowut nan Kusuwifaku kufañeenumuu min kuteki kuyitik kumuk, li umit ufañ min ulaañ boot bo?

Hulimahu Hásuumaahu loon Saŋ akiic homuu 12:36

Jíyinen li anawu ammuu mawuŋaamu muñeˈe nan jiloŋumuu li jibaj mo, mantee li jilako bukan kata mawuŋe. Nan Yéesu alobumuu loon muñaˈa aban, li ajow ayolo lóyiyiil.

Hulimahu Hásuumaahu loon Saŋ akiic homuu 18:31

Filat li aaniil: — Jiŋalool bukuluul humumuul, jijow jitiib loon eluwaayi yooluul elobumuu. Kusuwifaku li koonool: — Jibajut kakaañen min áloli húmumoli jítuk min jimuk an.

Hulimahu Hásuumaahu loon Saŋ akiic homuu 5:13

Bale ánayinaawu an kufakenumuu ahaasut anawu afakenoomuu, mata Yéesu lanokennoken li búsukabu balako tomuu min ájim ló.

Hulimahu Hásuumaahu loon Saŋ akiic homuu 9:1

Yéesu li alako ejow, li ajuk ánayine abuki máfuume.

Bakaanelabu 7:57

Li kúluulen butiya, ban li kutoj sijaniil. Li kúteyoolul li mano feh boot li Ecen.