Hulimahu Hásuumaahu loon Saŋ akiic homuu 8:44 - Jola-Kasa

⁴⁴ Atuubawuul akila ammuu Sayitaane, ban wahawu wan atuubawuul afañumuu, wo jifañumuu min jikaan. Okila yaan no li húkitumahu lafin láami amukabukan. Alakowut li mal̥egenamu, mata mal̥egen mulet li akila. Alakomuu émalamiñ, lalollob loon afinumuu min aano, mata okila ámalamiñ laam, ban okila ammuu atuubaawu ata émalimiñ.

Hulimahu Hásuumaahu loon Saŋ akiic homuu 8:44 Referencias Cruzadas

Máciya 12:34

Sil̥aal̥akase! Buu eete kaan li jiyili jilob majake bukuluul jajakutumuu? Mata wahawu wammuu li buyinumabu, wo butumabu búlobewulumuu.

Máciya 13:15

Mata bukanabuku umbuku kuhokenhoken uyinumiil min kuhoy bajam. Kutottoj sijaniil, kúmimmib kúkiliil, jakum bil kúkiliil kujuk, jakum bil sijaniil sijam, jakum bil kúnaanum li uyinumiil. Jakum bil eeni kukomenkomen kúlaañul boot búmbaam min ifakeniil.

Máciya 13:38

Kal̥aakaku ko kommuu adunaayi. Sígulasu sajakaasu so sommuu bañiilabu bata Jáyiiyaju. Emaanobasuuwayi yo yommuu bañiilabu bata Sayitaane.

Hulimahu Hásuumaahu loon Saŋ akiic homuu 6:70

Yéesu li aaniil: — Kama inti ínje il̥usuul bukuluul kuŋen li kúl̥ubaaku? Bale akee li bukuluul an ata Sayitaane!

Hulimahu Hásuumaahu loon Saŋ akiic homuu 7:17

An afañumuu min akaan wahawu wan Ateemit afañumuu, fan ahaas mantee baliikenelabu umbu li Ateemit bubilumulo, mantee li kajaw kúmbaam ínje humumom lílobume.

Hulimahu Hásuumaahu loon Saŋ akiic homuu 8:38

Injé, wahawu wan ijukumuu li Atuubawom lilobe. Bale bukuluul, wahawu wan atuubawuul alobuulumuu jikaanemuu.

Hulimahu Hásuumaahu loon Saŋ akiic homuu 8:41

Bale bukuluul, jinannab li bakaanelabu bata atuubawuul. Li koon Yéesu: — Olóli jilet bañiil bahaasut atuubayiil. Atuuba ano bale jibaje: Ateemit!

Hulimahu Hásuumaahu loon Saŋ akiic homuu 8:55

Ban jihaasutool, bale ínje lihaasool. Eenumuu ihaasutool, li ilako ámalamiñ loon bukuluul. Bale ínje lihaasool, ban lítuttuul kulimaku koola.

Bakaanelabu 13:10

ban li aan: — Min umeeŋ muñowu búhoolo li búl̥afut, añool Sayitaane, alatoola ata wah feh wacole! Let ukat kaŋes min ulaañen mal̥egenamu mata Amaaŋenawu mulaañ émalimiñ?

Bakaanelabu 24:9

Kusuwifaku li kuyaan kukooŋen Teelitulus, min koon wahawu wan alobumuu mal̥egen.

Bakaanelabu 5:3

Bale Fiyeel li aanool: — Ananiyaas, kama wáa újiye Sayitaane li anokeni li buyinum, min úmal usen Buyinumabu Banabaabu? Luŋaŋŋa’ bugeb bakee bata sídalamasu sata etaamayi yan újulamuu.

2 Kata Koolent 11:3

Bale líkolikoli min ban li kukaanuul uyinoo wajakut li buyinum, min jítukaati lit ban li jíl̥egenaati li hujokoolahu hooluul li Kilisita loon no. Enuukayilaayi muñowu foof émalumuu min ebunt Eewa.

1 Fiyeel 5:8

Jijuke to ban li jíkaanum, mata alatoolaawu ooluul ammuu Sayitaane, ummu min ágiitoolemuu loon éŋaŋ yal̥oke, min aŋes an an ammuu li ajok.

2 Fiyeel 2:4

Li mal̥egenamu, Ateemit akatut bo muñaˈa kumalakaaku kalomuu li kahoofoo, bale labeteniibeten li Sambunasu ban li akatiil ló majenke li élimayi, min kukob hunakahu hata batiibabu.

1 Saŋ 1:8

Oonaamuu ubajutaal kahoofoo, lubuntoolowaale ololaal humumolaal, ban mal̥egenamu mulet li alolaal.

1 Saŋ 2:21

Min ikiiculuumuu inti eeniseen jihaasut mal̥egenamu, bale jihaas mo. Ban jihaase foof joon émalimiñ eyilaat ebilumul li mal̥egen.

1 Saŋ 2:4

An aanumuu: «Lihaasool», ban akaanut loon siluwaasu soola silobumuu, anawu ummu ámalamiñ, ban mal̥egenamu mulet li akila.

1 Saŋ 3:12

Ootut ukaanaal loon Kayeŋ alakomuu añiil ata Majakutamu, ban li amuk atuyool. Wáa újimuu li amukool? Mata bakaanelabu bata Kayeŋ bujakut, bale bata atuyool bucoccol.

1 Saŋ 3:15

An alatumuu atuyool, anawu ummu amukabukan. Ban jihaase joon amukabukan abajut buloŋabu bábaneliitumuu li akila.

Eleetalayi yan Súd akiicumuu 1:6

Jiwayil̥o foof kumalakaaku kátijutumuu li huhaanaahu han Ateemit aseniilumuu, min kúkatul bó bukinabu bammuu booliil. Ateemit li ajokiil ajenk boot nanoonan akat li élimayi, min kunaak Hunakahu háamakuhu hata batiibabu.

Búhiisenumabu 12:9

Li kúbetenul hújunfuulahu unhu háamakahu tíyaŋ. Yo yommuu enuukayilaayi ehaanayi yan koonemuu foof Ammalawu mantee foof Sayitaane, abuntemuu adunaayi feh. Li kúbetenulool li etaamayi boot li kumalakaaku koola ló.

Búhiisenumabu 13:14

Li enaak eŋa’ búhiisenumabu bájaahaleniyaabu ban eyilimuu ekaan hákil énuukuleŋayi yátinaalayi, min éjimen bukanabuku kakinumuu li etaamayi. Li yoon bukanabuku kukaan ebaaŋoot yata énuukuleŋayi yátinaalayi, yan ékunduwayi ecokumuu ban lí yóomi li buloŋ.

Búhiisenumabu 2:10

Jakum úkoli sílaamasu sakobemuu li awu. Ujuke to, Sayitaane fan abet bukan kameeŋe li bukuluul li hukul̥ min ayoobuul min ajuk. Fan jilako li sílaam kunak koono kuŋen. Utúk lit boot yok hunak eketi. Ukaan momuu, fan iseni buloŋ bábaneliit bulako bacaami.

Búhiisenumabu 21:8

Bale bukanabuku kákol̥l̥imuu, kátukutumuu lit, kakaanemuu wah wasuuneniye, kamukemuu bukan, káfulowemuu li aletalet, kakaanemuu jángafayinde, kamanenemuu kuteemit kalet mal̥egen li kúmalamiñaku feh, buko fan kujow li buwokaayabu bata sambunasu li batolokabu básoyiyaabu. Bo bommuu eketayi yál̥ubutayi.

Búhiisenumabu 22:15

Bale bukanabuku kammuu li kulako tíyaŋ ésukayi, buko kommuu kakaanemuu wah wasuuneniye, kakaanemuu jángafayinde, sicagaasu, kamukemuu bukan, kamanenemuu kuteemit kalet mal̥egen, li bukanabuku feh kafañumuu émalimiñ ban li kunaak kúmal.

Búhiisenumabu 9:11

Ayíiyawu ata bo akila ammuu amalakaawu ata buwokaayabu básenkiyaabu. Amalakaawu ummu laaneyi li elobayi yata éebulo «Abadoŋ», li elobayi yata kata Gilees koonewool «Afoliyoŋ».