Hulimahu Hásuumaahu loon Saŋ akiic homuu 8:31 - Jola-Kasa

³¹ Muñeˈe Yéesu li aan Kusuwifaku káyinenumuu li akila: — Jinabumuu li kulimaku kan ilobuulumuu, joonosoono li mal̥egen kúgoomaku kúmbaam.

Hulimahu Hásuumaahu loon Saŋ akiic homuu 8:31 Referencias Cruzadas

Máciya 24:13

Bale an ahankenumuu min átuk lit boot yok li húbanumahu, Ateemit fan afakenool.

Hulimahu Hásuumaahu loon Saŋ akiic homuu 1:47

Nan Yéesu ajukumuu Natanayeel li abil ájooŋoolul li akila, li alob moola aan: — An ata Isilayeel ata mal̥egen umme. Búhoolo banooban bulet li akila.

Hulimahu Hásuumaahu loon Saŋ akiic homuu 2:2

Kúhooñuuhooñul foof Yéesu li kúgoomaku koola kubil búyabowabu.

Hulimahu Hásuumaahu loon Saŋ akiic homuu 6:55

Mata eniilayi yúmbaam búhen bata mal̥egen, húsimahu húmbaam muhobaay mata mal̥egen.

Hulimahu Hásuumaahu loon Saŋ akiic homuu 8:36

Añiilawu áyinaawu kama áfulenuulumuu li humiikeeleto, fan jífu’ li ho li mal̥egen.

Bakaanelabu 13:43

Nan bajojabu buyiisumuu, Kusuwif kameeŋe li bukan kameeŋe kátiiwomuu kuŋa’ bútinabu bata Kusuwifaku, li kunab li Fool buko li Balunabaas. Fool buko li Balunabaas li kulob li buko, ban li kuwankuleniil mata min kujok jak kájiyaku kata Ateemit.

Bakaanelabu 14:22

Li kuwankulen kúgoomaku, ban li kooniil kútuk lit káyinenaku kooliil. Li kunaak foof kooniil: — Lootaale úlaamaal ŋáa’ tówum unokenaal li Jáyiiyaju jata Ateemit.

Bakaanelabu 26:22

Bale Ateemit li afooyom boot yok síyaat, min iloŋ li éemi taate li elob bukanabuku feh moola, bajut añiil, bajut anahaan. Ilobut wah ukee úbuti li wan kufulofetaku, koonumuu woote ubaj.

Kata Lom 11:22

Muñeˈe kama ujuke min ujuk buu Ateemit ásuumumuu ban li átaañi foof. Látaañitaañimuu li bukanabuku kalomuu, min ásuum li awu. Loote kama útuk lit li másuumamu moola. Ukaanut momuu, awu foof fan afaleni abeten.

Kata Lom 2:7

Fan asen buloŋabu bábaneliitumuu bukanabuku kahankenumuu li kakaan majake, ban li kuŋes máyiineni, kasal li buloŋ bata boot nanoonan.

Kata Kolos 1:23

Bale yo yommuu bukuluul bátuke lit ban li jijooŋoo to li káyinenaku, ban jakum jikat bo kákangumaku kan jibajumuu li Hulimahu Hásuumaahu han jijamumuu. Hulimahu unhu Hásuumaahu ho huwaaleyimuu bukanabuku feh kammuu li etaamayi, ban ínje Fool aloka ata ho leem.

1 Tímote 2:15

Bale anaalaawu kabukoolaku koola fan kújiwool li afak, nokoomuu loon látuutuk lit káyinenaku li húbooliyahu, li abaj buloŋ banabe, ban li awalenoolo.

1 Tímote 4:16

Ujuke to li awu humumi li baliikenelabu booli. Uhanken to jaj. Li mal̥egenamu, ukaanumuu loon muñaˈa, fan ufakenoolo awu humumi li bukanabuku kajanteneyimuu foof.

2 Tímote 3:14

Bale awu, útuk lit li wahawu wan kuliikenumuu ban li uyab wo li mal̥egeni. Luhaase li ayi luliikenum womuu.

Eébulo 3:14

Li mal̥egenamu, alolaal kunaboola kata Kilisita loomaal, nokoomuu loon lútukaatuk lit kákangumaku kan ubajaamuu li húkitumahu, boot yok li húbanumahu.

Eébulo 8:9

Húfaalumahu unhu let hunokoo li han ijokumuu situubayiil sihaan, nan ítukiilumuu li kaŋen min ífulenuliil li etaamayi yata Ejíf. Kujokut húfaalumahu unhu jak, wahawu unwu újimuu ínje li ikatiil bo.» Amaaŋenawu alob.

Saak 1:25

Bale an ajukelumuu jak li eluwaayi yata Ateemit yanabaayi, yájimuu an li áfu’ li humiikeeleto, ban ajok yomuu jak min ajanten yo ban amojenut yo, min akaan loon elobumuu, anawu ummu Ateemit fan ásooniyen wahoowah feh wan ammuu akaan.

1 Saŋ 2:19

Kulatoolaabuku umbuku kata Kilisita li alolaal kúfulume, bale kufinut min kulakowe koololaal. Mata li mal̥egenamu kulakoweenumuu bukan koololaal, fan kulakoween nanoonan li alolaal. Bale kúfuffu’ li alolaal min híis kaanaku anoowan li buko alakowut li mal̥egen an oololaal.

1 Saŋ 2:24

Mó mújimuu, jiŋa’ kulimaku kan jijam nomuu yaan li húkitumahu, jikaan li uyinumuul. Nokoomuu loon kulimaku kan jijam nomuu yaan li húkitumahu kunku nanoonan li uyinumuul, fan foof jijamoo li Añiilawu li Atuubaawu.

2 Saŋ 1:9

An anabutumuu nanoonan li baliikenelabu bata Kilisita, min átij to, anawu ummu ayabut Ateemit. An anabumuu nanoonan li baliikenelabu bata Kilisita, anawu ummu layayyab Atuubaawu li Añiilawu.