Hulimahu Hásuumaahu loon Saŋ akiic homuu 8:24 - Jola-Kasa

²⁴ Mó mújimuu, li eenuul fan jiket li uhoofoolawu wooluul. Mata jíyinenutumuu kaanaku «Injé emmuu anawu an éemimuu», fan jiket li uhoofoolawu wooluul.

Hulimahu Hásuumaahu loon Saŋ akiic homuu 8:24 Referencias Cruzadas

Máciya 24:5

Mata bukan kameeŋe fan kubil min kuŋa’ kajawaku kúmbaam min koonuul buko kommuu Afakenaawu! Ban fan kubunt bukan kameeŋe.

Maak 13:6

Mata bukan kameeŋe fan kubil min kuŋa’ kajawaku kúmbaam min koonuul buko kommuu Afakenaawu! Ban fan kubunt bukan kameeŋe.

Maak 16:16

An áyinenumuu li Hulimahu Hásuumaahu ban li ábatiiseyi, fan afak; bale an áyinenutumuu, fan ajow li sambun.

Hulimahu Hásuumaahu loon Lík akiic homuu 21:8

Yéesu li aaniil: — Jíkaanum, jakum bil an abuntuul. Mata bukan kameeŋ fan kubilum li kajawaku kúmbaam, min kunaak koon: «Injé emmuu Afakenaawu!» Ban «Taŋayi éliiŋulo!» Bale jakum jinab li buko.

Hulimahu Hásuumaahu loon Saŋ akiic homuu 13:19

Fan ilobuul mo muñeˈe ikat to tówum wahawu unwu úliiŋ, bilum eeno nan wommuu úliiŋ, li jíyinen joon ínje éemimuu “Anawu An Emmuu.”

Hulimahu Hásuumaahu loon Saŋ akiic homuu 3:18

An áyinenumuu li Añiilawu let atiibi. Bale an áyinenutumuu layaane atiibi aban, mata áyinenut li Añiilawu anolawu sih ata Ateemit.

Hulimahu Hásuumaahu loon Saŋ akiic homuu 3:36

An áyinenumuu li Añiilawu, li abaj buloŋ babaneliit. Bale an ahoyumuu min áyinen li Añiilawu, let abaj buloŋabu umbu, bale fan alo li katekaku kata Ateemit.

Hulimahu Hásuumaahu loon Saŋ akiic homuu 4:26

Yéesu li aanool: — Injé jalobemuu li awu, ínjemuu.

Hulimahu Hásuumaahu loon Saŋ akiic homuu 8:21

Yéesu li alaañen aaniil: — Boot min ijow ban fan jiŋesom, bale fan jiket li kahoofoolaku kooluul. Let jiyili jijow ban ínje emmuu li ijow.

Hulimahu Hásuumaahu loon Saŋ akiic homuu 8:25

Muñeˈe li kugel̥l̥enool koonool: — Awu ommuu ayi? Yéesu li aaniil: — Anawu an ifimmuu min ilobuul yaan no li húkitumahu.

Hulimahu Hásuumaahu loon Saŋ akiic homuu 8:28

Muñeˈe Yéesu li aaniil: — Nan jommuu li jiteben Añool-An jiban, fan jihaas joon «Injé emmuu anawu an Eémimuu». Fan jihaas joon inti li kajawom humum ko líkaanume wah, bale fan ilob wahawu wan Atuubawom aliikenommuu bale.

Hulimahu Hásuumaahu loon Saŋ akiic homuu 8:58

Yéesu li aaniil: — Li mal̥egenamu fan ilobuul, tówum Abulaham abuki, «Injé to».

Bakaanelabu 4:12

Li Yéesu bale an ayilo ábajum buloŋabu bábaneliitumuu. Mata bajut an li etaamaye an Ateemit áboñulo bukanabuku, ábute li Yéesu, boot kafakenolaal.

Eébulo 12:25

Jijuke to, jakum jihoy bajanten ammuu li elob li bukuluul. Li mal̥egenamu, bukanabuku kahoyumuu bajanten anawu anaake alobiilumuu akat to nan kulakomuu li etaam, kufakut li katekaku, háŋum alolaal. Ubetaalumuu búsol anawu álobumulemuu li alolaal li emitayi, let ufakaal foof li katekaku.

Eébulo 2:3

Muñeˈe kama buu alolaal humumolaal uyiliyaale ufakaal li katekaku unku, alolaal bacucaale kafak káamak loon unku? Amaaŋenawu humumool okila ajande alob mata kafakaku unku. Fúlum tó, bukanabuku kajamumuu mata ko li akila, li kulobolaal kaanaku mal̥egen.