Hulimahu Hásuumaahu loon Saŋ akiic homuu 6:2 - Jola-Kasa

² Búsuk báamak li bunaak bunab li okila, mata bukanabuku kujuujuk búhiisenumabu bájaahalenimuu ban anaake akaanumuu li kafakenaku kata bukanabuku kásomutumuu.

Hulimahu Hásuumaahu loon Saŋ akiic homuu 6:2 Referencias Cruzadas

Máciya 12:15

Bale nan Yéesu ahaasumuu aan Kufaaliisiyeŋaku kufanfañ min kumukool, li ayinno tan alakomuu. Bukan kameeŋe li kunab li akila. Li afaken kásomutumuu feh.

Máciya 13:2

Muñeˈe búsuk li bubil búguutool, gay li ájufo li busaana ajow abah ló. Búsukabu feh li bulako bata katantaku kata húwajahu.

Máciya 14:14

Nan Yéesu áwalowulumuu li busaanaabu, li ajuk búsuk báamak, li áyiyen min afaken kásomutumuu li buko.

Máciya 8:1

Nan Yéesu áwalowulumuu li huyuuyahu, búsuk báamak li bunab li akila.

Maak 1:45

Bale nan ánayinaawu ajowumuu, li alako kakitten ésukayi tanootan feh wahawu wabajoolumuu. Mó lí múji Yéesu ayilaat anoken li ésuk min bukanabuku kujukool. Li anaak alako tíyaŋ ban wayitomuu, bale bukanabuku li kunaak kubilum banooban kutookool bo.

Maak 6:33

Bale bukan kameeŋe li kujukiil buko li ejowayi, li kuhaasiil. Muñeˈe bukanabuku li kúteyimul li koot li sísukasu feh, kujow kukobiil ban kulakomuu ejowayi.

Hulimahu Hásuumaahu loon Saŋ akiic homuu 11:47

Huhaanaahu hata élambaayi li Kufaaliisiyeŋaku li kujoj li Huhaanaahu háamakahu min koon: — Boot min ukaanaal buu? Anáyinaawu ummu min akaanemuu búhiisenum bájaahaleniye!

Hulimahu Hásuumaahu loon Saŋ akiic homuu 12:18

Mó mújimuu, búsukabu li bubil bufam li akila, mata kujanjam koon Yéesu lakankaan búhiisenum bájaahaleniye.

Hulimahu Hásuumaahu loon Saŋ akiic homuu 12:37

Maayeet min Yéesu akaanumuu úhiisenum wameeŋe wájaahaleniye hákiliil, Kusuwifaku kúyinenut li akila,

Hulimahu Hásuumaahu loon Saŋ akiic homuu 2:11

Búhiisenumabu umbu ban Yéesu akaanumuu li ésukayi yata Kaana yammuu li etaamayi yata Gálile, bo bommuu búhiisenum bútinaa bájaahaleniye, li waawu feh wan akaanumuu. Muñowu láhiisummuu ésukayi máyiineniyamu moola. Muñeˈe kúgoomaku koola li kúyinen li akila.

Hulimahu Hásuumaahu loon Saŋ akiic homuu 2:23

Emmuu Yéesu Yeelusalem lalakowe nan kagaanaku kata Faakayi yata Kusuwifaku, bukan kameeŋe li kúyinen li akila nan kujukumuu búhiisenumabu bájaahalenimuu ban akaanumuu.

Hulimahu Hásuumaahu loon Saŋ akiic homuu 20:30

Yéesu lakankaan foof úhiisenum wájaahaleniye wameeŋe hákil kúgoomaku koola, wakiicuti li éliibalayi inye.

Hulimahu Hásuumaahu loon Saŋ akiic homuu 3:2

Li líiŋ hanak hukee, li abil li huk ajuk Yéesu min aanool: — Anahaan, jihaase joon Ateemit áboñuli boot káliikenoli Hulimahu hoola. Mata bajut an ayilo akaan búhiisenumabu umbu bájaahaleni muñowu ban ukaanemuu, Ateemit balet li akila.

Hulimahu Hásuumaahu loon Saŋ akiic homuu 6:14

Nan bukanabuku kujukumuu búhiisenumabu bájaahalenimuu muñowu ban Yéesu akaanumuu, li koon: — Mal̥egen ánayinaawu ummu akila ammuu Afulofetawu áatimuu abil li adunaayi.

Hulimahu Hásuumaahu loon Saŋ akiic homuu 6:22

Li líiŋ hunak hukaten, búsukabu basaŋomuu kalimben kaaku húwajahu li bukooñaam kaanaku busaana bano bale bulakoween to, ban Yéesu ájufowut li bo li kúgoomaku koola ló. Bale kúgoomaku baleyiil kujeˈe.

Hulimahu Hásuumaahu loon Saŋ akiic homuu 6:26

Yéesu li aaniil: — Li mal̥egenamu fan ilobuul: min joonomuu li huŋesom let mata min jijukumuu búhiisenum bájaahaleniye, bale mata min jitokoñumuu kúmbuuluwaku jijow jifooñ.

Hulimahu Hásuumaahu loon Saŋ akiic homuu 6:30

Muñeˈe li koonool: — Kama muñowu búhiisenum bájaahaleniye bay loote úkaanoli jijuk min jíyinen li awu? Bulok bay lóomi li ukaan?