Hulimahu Hásuumaahu loon Saŋ akiic homuu 5:5 - Jola-Kasa

⁵ Li baj to ánayine ásomute ajow abaj simit áyii li kaat li síhaaji.

Hulimahu Hásuumaahu loon Saŋ akiic homuu 5:5 Referencias Cruzadas

Maak 9:21

Muñeˈe Yéesu li agel̥l̥en atuubaawu ata añiilawu aanool: — Kábilum nay tóŋe kaanool loon muñowu? Atuubaawu ata añiilawu li aan Yéesu: — Okila añiil atit tóŋe kaanool mo.

Hulimahu Hásuumaahu loon Lík akiic homuu 13:16

Ban anaalaawu umme, aanomuu bubukoolum bata Abulaham, ban Sayitaane li ajokool ajenk simit kaat li síhaaji, waa aateenut afakeni li hunakahu hata húyiiyaay?

Hulimahu Hásuumaahu loon Lík akiic homuu 8:43

Muñeˈe li baj to anaale akee áfululo huña ban afosowut ho jow baj simit soono kuŋen li síl̥uba. Anaalaawu li aban wahool feh bata kubuntenaabuku, bale an li buko ayilaatool afaken.

Hulimahu Hásuumaahu loon Saŋ akiic homuu 5:14

Fúlum tó, Yéesu li atook ánayinaawu an afakenumuu, li Eluufayi yata Ateemit, li aanool: — Inti muñeˈe lufake, jakum ulaañen uhoofoo jakum bil wah wahaŋe másengi ubaji.

Hulimahu Hásuumaahu loon Saŋ akiic homuu 5:4

mata lakomuu lako amalaka ata Amaaŋenawu li awalo li hububuwahu min akaan malamu mugoloo. Asómutaawu ammuu li ajand awalo li malamu mo magoloole muban fan afak, manoo min kásomutaku kunokoole buu.]

Hulimahu Hásuumaahu loon Saŋ akiic homuu 5:6

Nan Yéesu ajukumuu ánayinaawu mahintowaamu teetaam, ban li ahaas aan fiyowe nan ásomute, li agel̥l̥enool aanool: — Lufañe min ufak?

Hulimahu Hásuumaahu loon Saŋ akiic homuu 9:1

Yéesu li alako ejow, li ajuk ánayine abuki máfuume.

Hulimahu Hásuumaahu loon Saŋ akiic homuu 9:21

Bale jihaasut buu kaane muñeˈe li ajuk, ban jihaasut foof ayi akaanool min ajuk. Jigel̥l̥enool! Lakaane anahaan. Layilo okila humumool akitten mata húkowool!

Bakaanelabu 14:8

Muñeˈe li baj li ésukayi yata Lisit ánayine akee ayilaat ayito, mata labobobobo. Kábilum nan abukimuu lakaje, ban afinut min abile ayili ajow.

Bakaanelabu 3:2

Muñeˈe li baj ánayine akee abobowe, anaake abah akooj kámbiilaku kata Eluufayi yata Ateemit kan koonemuu «Kámbii Kajake.» Anáyinaawu ummu kábilum nan abukimuu labobowe. Hunakoohunak li kútebul ánayinaawu abobomuu kujow kuwalen tin kámbiilaku, bánum li ayili al̥aw sídalam bukanabuku kanokenemuu li Eluufayi yata Ateemit.

Bakaanelabu 4:22

Simitasu sata ánayinaawu an kufakenumuu jáahaleni, sihaŋe kúyii kúl̥uba.

Bakaanelabu 9:33

Nan áliiŋumuu, li atook bo ánaayine akee an koone Ene, ahintowe li bukal̥ simit soono hutok li síhaaji, mata labobobobo.