Hulimahu Hásuumaahu loon Saŋ akiic homuu 5:36 - Jola-Kasa

³⁶ Bale ínje libaje wah walobe múmbaam wahaŋe wan Saŋ alobumuu aya lí ínje: wo wommuu bulokabu ban Atuubaawu asenommuu kakaan. Li mal̥egenamu, bulokabu umbu ban ikaanemuu búhihhiis kaanaku Atuubaawu áboñulom.

Hulimahu Hásuumaahu loon Saŋ akiic homuu 5:36 Referencias Cruzadas

Máciya 11:4

Yéesu li aaniil: — Jijow jikitten Saŋ wahawu wan jijamumuu li wan jijukumuu:

Hulimahu Hásuumaahu loon Lík akiic homuu 2:49

Yéesu li aaniil: — Wáa újiye li jóomi li huŋesom? Kama jihaasut joon leete ikaan bulokabu bata Atuubawom?

Hulimahu Hásuumaahu loon Saŋ akiic homuu 10:25

Yéesu li aaniil: — Lilobuul mo iban, bale jíyinenut. Bulokabu ban íkaanumemuu li kajawaku kata Atuubawom, bulollob múmbaam.

Hulimahu Hásuumaahu loon Saŋ akiic homuu 11:37

Kukee li Kusuwifaku li koon: — Okila jakaanumuu ánayinaawu áfuumumuu ajuk, ayilaat áhi’ Laasaal foof áketum?

Hulimahu Hásuumaahu loon Saŋ akiic homuu 15:24

Let kubajeen butila bata kahoofoo, ínje bakaaneenut hákiliil bulokabu ban akee ábuto akanlelutumuu. Bale muñeˈe kujuke bulokabu búmbaam, ban li kulatom, li kulat foof Atuubawom.

Hulimahu Hásuumaahu loon Saŋ akiic homuu 17:4

Líhihhiis máyiineniyamu mooli li etaamayi. Likaane iban bulokabu ban usenommuu kakaan.

Hulimahu Hásuumaahu loon Saŋ akiic homuu 2:23

Emmuu Yéesu Yeelusalem lalakowe nan kagaanaku kata Faakayi yata Kusuwifaku, bukan kameeŋe li kúyinen li akila nan kujukumuu búhiisenumabu bájaahalenimuu ban akaanumuu.

Hulimahu Hásuumaahu loon Saŋ akiic homuu 3:17

Ateemit áboñuloot Añoolool li adunaayi boot batiib bukanabuku kammuu li adunaayi, bale min áfakenum bukanabuku kammuu li adunaayi li akila.

Hulimahu Hásuumaahu loon Saŋ akiic homuu 3:2

Li líiŋ hanak hukee, li abil li huk ajuk Yéesu min aanool: — Anahaan, jihaase joon Ateemit áboñuli boot káliikenoli Hulimahu hoola. Mata bajut an ayilo akaan búhiisenumabu umbu bájaahaleni muñowu ban ukaanemuu, Ateemit balet li akila.

Hulimahu Hásuumaahu loon Saŋ akiic homuu 4:34

Yéesu li aaniil: — Mutiñaayamu múmbaam mo mommuu kakaan wahawu wan anawu áboñulommuu afañumuu, ban li ihabel bulokabu ban asenommuu kakaan.

Hulimahu Hásuumaahu loon Saŋ akiic homuu 5:32

Bale akee alobe múmbaam, ban lihaase een wahawu wan alobumuu aya lí ínje mal̥egen.

Bakaanelabu 2:22

Fiyeel li alaañen aaniil: — Kutuyom kata Isilayeel, jijanten kulimaku unke kan emmuu li ilobuul. Ateemit láhiisuuhiis ayi ammuu Yéesu akinumuu Nasalet. Mata Ateemit li Yéesu lákaanume bújaahalenumabu, li búhiisenum hákiluul. Ban bukuluul humumuul jihaas yo.

1 Saŋ 5:9

Lúyinenaaleyinen li kulimaku kata bukanabuku, ban kulimaku kan Ateemit alobumuu mata Añoolool kuhaŋe kata bukanabuku ŋáa’.