Hulimahu Hásuumaahu loon Saŋ akiic homuu 5:23 - Jola-Kasa

²³ mantee bukanabuku feh li kuluuken Añiilawu loon kuluukenumuu Atuubaawu. An aluukenutumuu Añiilawu, aluukenut foof Atuubaawu áboñuloomuu.

Hulimahu Hásuumaahu loon Saŋ akiic homuu 5:23 Referencias Cruzadas

Máciya 10:37

«An afañumuu atuubawool mantee jaawool haŋ min afañommuu, áliiŋut min aani úmbaam. An li abil afañ añoolool áyine mantee añoolool aale haŋ min afañommuu, áliiŋut min aani úmbaam.

Máciya 11:27

«Atuubawom lasenonsen wahoowah feh. Anoowan ahaasut ayi ammuu Añiilawu, Atuubaawu bale. Anoowan ahaasut ayi ammuu Atuubaawu, Añiilawu bale, li bukanabuku kan Añiilawu afañumuu min áhiisiil ó’.

Máciya 12:21

min bukanabuku feh kata etaamayi kúkangum li akila.»

Máciya 15:8

«Esúkayi inyu li utumiil bale kuluukenumom. Bale uyinumiil ulet lí ínje maayeet tuf.

Máciya 28:19

Jijow boot bata bukanabuku feh kammuu tanootan li etaamayi, min jikaaniil kulako kúgoom kúmbaam. Ban li jíbatiiseyiil li kajawaku kata Atuubaawu, li kata Añiilawu, li kata Buyinumabu Banabaabu.

Hulimahu Hásuumaahu loon Lík akiic homuu 10:16

Yéesu li afamen aan kúgoomaku koola: — An ajantenuulumuu, ínje humumom lajantene. An li ahoyuul, ínje humumom lahoye. Ban an ahoyommuu, anawu áboñulommuu lahoye.

Hulimahu Hásuumaahu loon Saŋ akiic homuu 14:1

Yéesu li aan kúgoomaku koola: — Jakum jiyina. Jíyinen li Ateemit, li jíyinen foof lí ínje.

Hulimahu Hásuumaahu loon Saŋ akiic homuu 16:14

Buyinumabu fan búhiis bukanabuku máyiineniyamu múmbaam, mata fan búŋalum lí ínje kulimaku kan bommuu li bulobuul.

Hulimahu Hásuumaahu loon Saŋ akiic homuu 17:10

Wahawu wan ibajumuu feh wooli, ban wahawu wan awu ubajumuu feh wúmbaam, ban máyiineniyamu múmbaam múhiisihiis li buko.

Kata Lom 1:7

Likiiculuukiic bukuluul foofuul feh jammuu Lom, bukuluul jan Ateemit afañumuu ban li ahooñuul min jilako bukan koola. Ateemit Atuubawolaal li Amaaŋenawu oololaal Yéesu Kilisita, kujow kusenuul káji li kásuumaay.

Kata Lom 15:12

Esay li alaañen aan: «Akee li bubukoolumabu bata Jeese fan abil álaŋul, fan ayito min aaken bukanabuku kaletumuu kusuwif, ban fan kuŋa’ kákangumaku kooliil kukaan li akila.»

Kata Lom 6:22

Bale muñeˈe bukuluul jífuffu’ li humiikeeleto hata kahoofoo, min joono kuloka kata Ateemit. Wahawu wan jommuu li jibaj to wo wommuu min jilako bukan kanabe. Húbanumahu hata bo, ho hommuu buloŋabu bábaneliitumuu.

Kata Lom 8:9

Bukuluul jilet li buloŋ naboo li bóonowabu booluul, bale loon Buyinumabu Banabaabu bufañumuu, nokoomuu loon mal̥egen Buyinumabu bata Ateemit bumbu min bukine li bukuluul. An abajutumuu Buyinumabu bata Kilisita, anawu ummu alet ata Kilisita.

1 Kata Koolent 1:3

Ateemit Atuubawolaal li Amaaŋenawu Yéesu Kilisita kujow kusenuul káji li kásuumaay.

1 Kata Koolent 10:31

Mó mújimuu, jítiñoo li jíhoboo, wahoowah wan joote jikaan, li jikaan wo feh boot li máyiineniyamu mata Ateemit.

1 Kata Koolent 16:22

An afañutumuu Amaaŋenawu, anawu ummu katek kujow kulako li akila. Maalanata — Ubil, Amaaŋen óololi!

1 Kata Koolent 6:19

Kama jihaasut joon eniilayi yooluul yommuu eluufayi yata Buyinumabu Banabaabu báamimuu li bukuluul, ban Ateemit asenuulumuu? Jikiloolowut bukuluul humumuul.

2 Kata Koolent 1:9

Alóli jibiibil jíyinen kaanaku li mal̥egenamu hóololi hubane, boot min jiket. Mó lí múji, jilaañut jibaj káwoolu kanookan li áloli húmumoli, min jíkangum li Ateemit bale ayitenemuu kaketumuu.

2 Kata Koolent 5:14

Húbooliyahu hata Kilisita húhaŋolihaŋ sembe, mata jíyinene li mal̥egen kaanaku, min an ano aketumuu boot li bukanabuku feh, kama bukanabuku feh kubamban li buloŋabu booliil buhaanabu.

2 Kata Koolent 5:19

Ateemit li Kilisita lájowume min akaan bukanabuku kubaj hujamoo li akila humumool, ban ajukelut li butilaabu booliil, min akaan li áloli hulimahu hata kakaan bukanabuku kujamoo.

Kata Efées 6:24

Ateemit ásooniyen bukanabuku feh káboolimuu Amaaŋenawu oololaal Yéesu Kilisita, húbooli hayilaat huban.

2 Tímote 1:12

Wahawu unwu újimuu li eeno li sílaamasu unsu. Bale isuuwut, mata lihaase li ayi líkangummuu, ban líwooluwe kaanaku Ateemit layilo afooy wahawu wan asenommuu eeken boot yok hunakahu hata Batiibabu.

Eébulo 1:6

Ban foof nan Ateemit áboñulumuu li adunaayi inye añoolool ajandumuu abuki, lansaan: «Kumalakaaku feh kata Ateemit, koote kumanenool.»

2 Fiyeel 1:1

Injé Simoŋ Fiyeel ammuu aloka li afootal ata Yéesu Kilisita, ínje ikiice eleetalayi inye boot li bukuluul jabajumuu káyinen kabaje jáliŋ loon kóololi, humum hata macolamu mata Ateemitawu oololaal li Afakenaawu Yéesu Kilisita.

2 Fiyeel 3:18

Jihaŋ naak mank jiyinno bo li kájiyaku li kahaasaku kan jihaasumuu Amaaŋenawu, Afakenaawu oololaal Yéesu Kilisita. Máyiineniyamu mujow mulako moola muñeˈe ban boot nanoonan! Aameen.

1 Saŋ 2:23

An aceeŋumuu aan Yéesu ammuu Añiilawu, anawu ummu ahaasut foof Atuubaawu. An li aan Yéesu ammuu Añiilawu, anawu ummu foof lahaase Atuubaawu.

2 Saŋ 1:9

An anabutumuu nanoonan li baliikenelabu bata Kilisita, min átij to, anawu ummu ayabut Ateemit. An anabumuu nanoonan li baliikenelabu bata Kilisita, anawu ummu layayyab Atuubaawu li Añiilawu.