Hulimahu Hásuumaahu loon Saŋ akiic homuu 3:29 - Jola-Kasa

²⁹ Anáyinaawu an kóomi li ébuto li anaale okila akile anaalaawu. Bale abukaawu ata ánayinaawu ammuu li ébutowayi fan ajow akoojool min ajantenool, min súumool ŋáa’ okila bajame hulimahu hata ammuu li ébutowayi. Esúumansuumayi inyu yommuu lí ínje, ban súumonsuum muñeˈe li mal̥egen.

Hulimahu Hásuumaahu loon Saŋ akiic homuu 3:29 Referencias Cruzadas

Máciya 22:2

— Jáyiiyaju jata Ateemit jinokoonokoo li áyii alake sinaaŋ sata búyabo añoolool áyine.

Máciya 25:1

— No unnu, Jáyiiyaju jata Ateemit fan jikittenoolumi li básungute kuŋen, kaŋale sihiitumasu sooliil min kúfu’ boot kayallo ábutowaawu.

Máciya 9:15

Yéesu li aaniil: — Buu emmuu nokoo kubuke an ábutowe li kumommowool akila to li buko? Manooman hunakahu fan húliiŋ nan kommuu li kujok anawu ummu ábutomuu kújowetum. No unnu kommuu kumommowool.

Hulimahu Hásuumaahu loon Lík akiic homuu 15:6

min ajow ábalo áliiŋ, li áhooñul kufaalool li kukinoolool min aaniil: «Esúumansuum elako li alolaal, mata lijukulo húgalalaanahu húmbaam hájimeenumuu.»

Hulimahu Hásuumaahu loon Saŋ akiic homuu 15:11

Yéesu li afamen aan: — Lilobuulob wahawu unwu mantee ésuumahukowayi yúmbaam li elako li bukuluul, min ésuumahukowayi yooluul eluuk halli.

Hulimahu Hásuumaahu loon Saŋ akiic homuu 16:24

Boot muñeˈe, jil̥awolut wah li kajawaku kúmbaam. Jil̥aw ban fan jibaj, mantee li jibaj ésuumahukow halli.»

Hulimahu Hásuumaahu loon Saŋ akiic homuu 17:13

Bale muñeˈe boot min ibil booli. Ban kulimaku kan ilobumee muñeˈe nan iloŋumee li adunaayi, lilollob ko bájum li kubaj ésuumansuumayi yúmbaam li buko humumiil, ésuumansuum halli.

Hulimahu Hásuumaahu loon Saŋ akiic homuu 3:30

Kajawaku koola koote kuhaŋ majamo min kúmbaam kuhoko.

2 Kata Koolent 11:2

Lifañuufañ ŋáa’ gay ifañut min jitahaay li an loon Ateemit humumool afañuulumuu ban afañut min atahaay li an. Anáyine ano lisenuul alako afañooluul. Okila ammuu Kilisita, ban lifañe min iŋaluul íhiisool loon ásungute ahaasut ánayine.

Kata Fílib 2:2

kama jibaj mayine mano, húbooli hano, ban li jinaak jiyinoo wahawu wanolawu, mantee ésuumansuumayi yúmbaam li eluuk ŋáa’.

1 Saŋ 1:4

Jikiiculuukiic kulimaku unke mantee ésuumansuumayi yóololi li ehaŋ maluuk boot to.

2 Saŋ 1:12

Libaje wah wameeŋe kalobuul, bale ifañut min ilobuul wo li eleetal. Lifañe min ibil boot booluul min ilob li bukuluul bújooŋoo, mantee li ubajaal ésuumansuum yáamak.

Búhiisenumabu 21:9

Muñeˈe akee li kumalakaabuku hutok li kúl̥ubaaku kaakenumuu sijunkasu hutok li síl̥ubaasu sameeŋenimuu utekawu hutok li úl̥ubaawu úsolaawu, li abil aanom: — Ubil min íhiisi ábuwaawu, ammuu anaalaawu ata Agálalaanawu.