Hulimahu Hásuumaahu loon Saŋ akiic homuu 3:18 - Jola-Kasa

¹⁸ An áyinenumuu li Añiilawu let atiibi. Bale an áyinenutumuu layaane atiibi aban, mata áyinenut li Añiilawu anolawu sih ata Ateemit.

Hulimahu Hásuumaahu loon Saŋ akiic homuu 3:18 Referencias Cruzadas

Maak 16:16

An áyinenumuu li Hulimahu Hásuumaahu ban li ábatiiseyi, fan afak; bale an áyinenutumuu, fan ajow li sambun.

Hulimahu Hásuumaahu loon Saŋ akiic homuu 1:12

Bale bukanabuku feh kayab homuu, yo yommuu kúyinenumuu li ho, li huseniil bútin min kulako bañiil bata Ateemit.

Hulimahu Hásuumaahu loon Saŋ akiic homuu 1:18

Bajut an abile ajuk Ateemit. Bale Añiilawu anolawu sih, ammuu Ateemit ban li kujokoo li Atuubaawu loon an ano, okila akaanolaamuu uhaasaalool.

Hulimahu Hásuumaahu loon Saŋ akiic homuu 20:31

Bale wahawu wakiicimuu li éliibalayi inye, ukiicikiic mantee li jíyinen kaanaku Yéesu ammuu Kilisita, okila ammuu Añiilawu ata Ateemit. Ban jíyinenumuu li akila, fan jíbajum buloŋabu li kajawaku koola.

Hulimahu Hásuumaahu loon Saŋ akiic homuu 3:16

Mata Ateemit lafanfañ bukanabuku kammuu li adunaayi bil gay, li ásenul Añoolool anolawu sih, bájum an áyinenumuu li akila let aket, bale li abaj buloŋabu bábaneliitumuu.

Hulimahu Hásuumaahu loon Saŋ akiic homuu 3:36

An áyinenumuu li Añiilawu, li abaj buloŋ babaneliit. Bale an ahoyumuu min áyinen li Añiilawu, let abaj buloŋabu umbu, bale fan alo li katekaku kata Ateemit.

Hulimahu Hásuumaahu loon Saŋ akiic homuu 5:24

«Li mal̥egenamu fan ilobuul: an ajantenumuu kulimaku kúmbaam, ban li áyinen li anawu áboñulommuu, li abaj buloŋ bábaneliit. Let abil atiibi, bale layaane áfulumul li eketayi boot li buloŋabu.

Hulimahu Hásuumaahu loon Saŋ akiic homuu 6:40

Húnongumahu hata Atuubawom ho hommuu unhe: anoowan ammuu li ajuk Añiilawu ban li áyinen li akila, fan abaj buloŋabu bábaneliitumuu. Ban ínje fan iyitenulool li eketayi li hunakahu húbanumahu.

Hulimahu Hásuumaahu loon Saŋ akiic homuu 6:47

Li mal̥egenamu fan ilobuul: an áyinenumuu fan abaj buloŋ bábaneliit.

Kata Lom 5:1

Emmuu Ateemit lajokolaajok bukan kacole hákilool humum hata káyinenaku koololaal, muñeˈe lubajaale hujamoo li akila habilumulo li Amaaŋenawu.

Kata Lom 8:1

Muñeˈe kama bajut katek boot li bukanabuku kata Yéesu Kilisita;

Kata Lom 8:34

Ayimaa ayilo atiibiil min abetiil li katek? Maayeet ano! Yéesu Kilisita okila aketumuu, ban aketut bale, layitowuuyitowul li eketayi, ban muñeˈe ummu kaŋen káli kata Ateemit, min anaak al̥aw boot li alolaal.

Eébulo 12:25

Jijuke to, jakum jihoy bajanten ammuu li elob li bukuluul. Li mal̥egenamu, bukanabuku kahoyumuu bajanten anawu anaake alobiilumuu akat to nan kulakomuu li etaam, kufakut li katekaku, háŋum alolaal. Ubetaalumuu búsol anawu álobumulemuu li alolaal li emitayi, let ufakaal foof li katekaku.

Eébulo 2:3

Muñeˈe kama buu alolaal humumolaal uyiliyaale ufakaal li katekaku unku, alolaal bacucaale kafak káamak loon unku? Amaaŋenawu humumool okila ajande alob mata kafakaku unku. Fúlum tó, bukanabuku kajamumuu mata ko li akila, li kulobolaal kaanaku mal̥egen.

Eébulo 3:19

Ban lujukaale li mal̥egen kaanaku kubilut kuyili kunoken dó humum hata káyinenaatiyaku kooliil.

1 Saŋ 3:23

Ban eluwaayi yoola muñeˈe elobe: lootaale úyinenaal li kajawaku kata Añoolool Yéesu Kilisita, ban li úbooliwoolaal loon akila humumool alobolaalumuu.

1 Saŋ 4:9

Ateemit láboñuuboñul Añoolool anolawu li adunaayi bánum li úloŋumaal li akila. Muñowu Ateemit áhiisumolaalumuu buu lábooliwolaalumuu eeno.

1 Saŋ 5:10

An áyinenumuu li Añiilawu ata Ateemit, anawu ummu láyinenyinen li hulimahu unhu. An áyinenutumuu li Ateemit, anawu ummu lajoojok Ateemit ámalamiñ, mata áyinenut li kulimaku kan Ateemit alobumuu mata Añoolool.

1 Saŋ 5:12

An ayabumuu Añiilawu, buloŋabu layabe. An ayabutumuu Añiilawu, buloŋabu layabut.