Hulimahu Hásuumaahu loon Saŋ akiic homuu 3:13 - Jola-Kasa

¹³ Bajut an abile aŋito boot li emitayi, ábuti lí ínje Añool-An abilummuu li emitayi boot li etaam.

Hulimahu Hásuumaahu loon Saŋ akiic homuu 3:13 Referencias Cruzadas

Máciya 28:20

Jiliikeniil kátuul kulimaku feh kan ilobuulumuu. Jihaas joon ínje humumom ummu li bukuluul nanoonan boot yok nan adunaayi yommuu li eban.

Máciya 8:20

Yéesu li aanool: — Kugeewuwaku kubaje uwokaay. Basuuwabu bata haatiya bubaje useeh. Bale Añool-An abajut tan aate ahinto min ayool̥o.

Hulimahu Hásuumaahu loon Saŋ akiic homuu 1:18

Bajut an abile ajuk Ateemit. Bale Añiilawu anolawu sih, ammuu Ateemit ban li kujokoo li Atuubaawu loon an ano, okila akaanolaamuu uhaasaalool.

Hulimahu Hásuumaahu loon Saŋ akiic homuu 13:3

Yéesu humumool lahaase aan Ateemit lakaakat wahawu feh li kuŋenool, ban li Ateemit labilumulo, ban foof fan alaañ boot bata Ateemit.

Hulimahu Hásuumaahu loon Saŋ akiic homuu 17:5

Faafa, muñeˈe ukaan min ibaj máyiineni hákili, máyiineniyamu man ibajeenumuu hákili, tówum adunaayi ebaj.

Hulimahu Hásuumaahu loon Saŋ akiic homuu 3:12

Emmuu lilobuulob mata wahawu wata baabe li etaamaye, jíyinenut, buu emmuu nokoo li jíyinenom ínje balobeluul mata wahawu wata li emitayi?

Hulimahu Hásuumaahu loon Saŋ akiic homuu 3:31

— Anawu abilumulomuu haatiya lahaŋe bukanabuku feh. Anawu abilumulomuu li etaam, etaamayi ekilool, ban li anaak alob mata wahawu wabajumuu li etaamayi. Anawu abilumulomuu li emitayi lahaŋe bukanabuku feh.

Hulimahu Hásuumaahu loon Saŋ akiic homuu 6:33

Mata li mal̥egenamu, húmbuuluwahu hata Ateemit ho hubilumulomuu li emitayi, ban ho husenemuu buloŋ adunaayi.

Hulimahu Hásuumaahu loon Saŋ akiic homuu 6:38

mata ibilumuloot li emitayi boot kakaan húnongumahu húmbaam, bale boot kakaan húnongumahu hata anawu áboñulommuu.

Hulimahu Hásuumaahu loon Saŋ akiic homuu 6:42

Li kunaak koon: — Kama kele inti okila ammuu Yéesu, añiilawu ata Suseef? Luhaasaale jak atuubawool li jaawool! Buu layilo aan muñeˈe li emitayi láwalowumulo?

Hulimahu Hásuumaahu loon Saŋ akiic homuu 6:46

Bale inti eeniseen baje an ajuke Atuubaawu ábute li anawu abilummuu li Ateemit. Okila bale ajukumuu Atuubaawu.

Hulimahu Hásuumaahu loon Saŋ akiic homuu 6:51

Injé emmuu húmbuuluwahu haloŋumuu, habilummuu li emitayi. An atokoñumuu húmbuuluwahu unhu, fan aloŋ boot nanoonan. Ban húmbuuluwahu han emmuu li isen bájum adunaayi li eloŋ, ho hommuu eniilayi yúmbaam.

Hulimahu Hásuumaahu loon Saŋ akiic homuu 6:62

Kama muñowu buu eete nokoo bukuluul bajuke Añool-An li alaañ boot haatiya ban alakoweenumuu naanaŋ?

Hulimahu Hásuumaahu loon Saŋ akiic homuu 8:42

Yéesu li aaniil: — Ateemit aameenumuu li mal̥egen Atuubawuul, faneen jifañom, mata li Ateemit libilumulo, ban akila léemum taate. Ibilumut li kajawom humum ko, bale akila áboñulom.

Bakaanelabu 2:34

Mata Dayit humumool ajowut boot haatiya emitayi. Bale lansaan: “Amaaŋenawu Ateemit lansaan Amaaŋenawu úmbaam: Ubil ubah kaŋenom kúli,

Bakaanelabu 20:28

Jijuke to li bukuluul humumuul, li bumatabu feh ban Buyinumabu Banabaabu busenuulumuu jooken. Jicookoo Ejanguwayi yan Ateemit ábajummuu, li eketayi yata Añiilawu oola humumool.

Kata Lom 10:6

Bale kulimaku unke kulobimuu kuya mata macolamu mabilummuu li káyinenaku: «Jakum oon li buyinumi: Ayi áami li abil aŋito li emitayi?» (An alob momuu, yo yommuu lafañe min áwalenumul ló Kilisita.)

1 Kata Koolent 15:47

Anawu átinaalawu li ekafayi yata etaamayi Ateemit ajuul̥umool, ál̥ubutawu akila li emitayi labilumulo.

Kata Efées 1:23

Ejanguwayi yo yommuu eniilayi yata Kilisita. Buloŋabu bata Kilisita li Ejanguwayi boom li kabane. Okila asenemuu buloŋ wahoowah feh wáami tanootan.