Hulimahu Hásuumaahu loon Saŋ akiic homuu 21:7 - Jola-Kasa

⁷ Agóomawu an Yéesu aboolaatumuu li aan Fiyeel: — Laalu Amaaŋenawu! Nan Simoŋ Fiyeel ajamumuu kaanaku laalu Amaaŋenawu, li akaano wañawu woola mata akokoweenut, ban li afum alo li malamu.

Hulimahu Hásuumaahu loon Saŋ akiic homuu 21:7 Referencias Cruzadas

Maak 11:3

An agel̥l̥enuulumuu aanuul: «Wáa újiye li joono li kal̥el̥ hulaahaahu unhu?», li joonool: «Amaaŋenawu joke li ho». Fan ayaan akatuul min jíŋalul hó.

Hulimahu Hásuumaahu loon Lík akiic homuu 12:35

— Jikaano wañuul wata bulok, ban jakum jihok sihiitumasu sooluul.

Hulimahu Hásuumaahu loon Lík akiic homuu 2:11

Afakena, Amaaŋenawu.

Hulimahu Hásuumaahu loon Lík akiic homuu 7:47

Mó mújimuu boot eeni: Uhoofoolawu woola wameeŋaawu ubonketibonket. Mata láhiisenhiisen húbooli háamak. Bale an, an kubonkete jatit, húbooli hatit laate áhiis.

Hulimahu Hásuumaahu loon Saŋ akiic homuu 13:23

Akee li kúgoomaku an Yéesu afañumuu ŋáa’, lababbah akooj Yéesu tan kulakomuu hutiñahu.

Hulimahu Hásuumaahu loon Saŋ akiic homuu 19:26

Yéesu li ajuk jaawool, tin tano li ágoomawu an afañumuu ŋáa’. Yéesu li aan jaawool Mali: — Aáyo, añooli ummu.

Hulimahu Hásuumaahu loon Saŋ akiic homuu 20:2

Muñeˈe Mali li áteyul ajow aheb Simoŋ Fiyeel buko li ágoomawu an Yéesu aboolaatumuu, aaniil: — Kúfulenuufulenul Anahaanawu li huyaakahu, ban jihaasut ban kukaanool!

Hulimahu Hásuumaahu loon Saŋ akiic homuu 20:20

Nan Yéesu alobumuu kulimaku unku aban, li áhiisiil kuŋenaku koola li kahehaku koola. Kúgoomaku li kubaj ésuumahukow yáamak nan kujukumuu Amaaŋenawu.

Hulimahu Hásuumaahu loon Saŋ akiic homuu 20:28

Toma li aanool: — Amaaŋenawu úmbaam, li Ateemitawu úmbaam!

Hulimahu Hásuumaahu loon Saŋ akiic homuu 21:20

Muñeˈe Fiyeel li ágegul, li ajuk búsoliil ágoomawu an Yéesu aboolaatumuu akila li ebil. (Agóomawu ummu akila kubile kulakomuu hutiñahu, li abendo alaañ li bagiŋabu bata Yéesu min agel̥l̥enool aanool: «Anahaan, ayi ammuu li abeti li kuŋen bukan?»)

Hulimahu Hásuumaahu loon Saŋ akiic homuu 21:24

Agóomawu ummu okila humumool alobumuu kulimaku unku, ban li akiic ko. Ban ololaal luhaasaale oonaal kulimaku kan alobumuu, mal̥egen.

Hulimahu Hásuumaahu loon Saŋ akiic homuu 21:8

Kúgoom kaabuku li kuŋa’ busaanaabu min kúñakul embaalayi mameeŋe siwol boot bata katantaku. Mata tan kulakomuu boot li katantaku lóyiwut, iyilo líiŋ simeetal téemeel.

Bakaanelabu 10:36

Jihaase hulimahu han Ateemit ásenulumuu kata Isilayeel: li Yéesu Kilisita ammuu Amaaŋenawu ata bukanabuku feh, lásenulumuu Hulimahu Hásuumaahu hata kásuumaayaku.

Bakaanelabu 2:36

«Muñeˈe bukanabuku feh kata Isilayeel, koote kuhaas li mal̥egen kaanaku: Yéesu an jibaaŋumuu li ekuluwaayi, akila humumool Ateemit akaanumuu alako Amaaŋen li Afakena.»

1 Kata Koolent 15:47

Anawu átinaalawu li ekafayi yata etaamayi Ateemit ajuul̥umool, ál̥ubutawu akila li emitayi labilumulo.

2 Kata Koolent 5:14

Húbooliyahu hata Kilisita húhaŋolihaŋ sembe, mata jíyinene li mal̥egen kaanaku, min an ano aketumuu boot li bukanabuku feh, kama bukanabuku feh kubamban li buloŋabu booliil buhaanabu.

Saak 2:1

Kutuyom, bukuluul jáyinenumuu li Amaaŋenawu áyiineniyaawu, jakum jijok an ahaŋ afaalool.