Hulimahu Hásuumaahu loon Saŋ akiic homuu 21:23 - Jola-Kasa

²³ Muñeˈe hulimahu unhu li hujamo li káyinenumuu kaanaku ágoomawu ummu let aket. Ban, Yéesu aanut Fiyeel ágoomawu ummu let aket, bale laanoosaan: «Ifañumuu min aloŋ boot nan emmuu li ibil ílaañul, waa butumi bóomi bó?»

Hulimahu Hásuumaahu loon Saŋ akiic homuu 21:23 Referencias Cruzadas

Máciya 16:27

Mata Añool-An ummu li abil li máyiineniyamu mata Atuubawool li emalakaayi yoola ló. Fan acaam anoowan nab li waa lakaanumuu li buloŋabu boola.

Bakaanelabu 1:15

Li kunakaku unkumaa, bukanabuku káyinenumuu li Yéesu li kuwoog. Kalako tomuu kuyilo kúliiŋ téemeel li áyii. Muñeˈe Fiyeel li ayito li tutiil min aaniil:

Bakaanelabu 28:14

Nan jíliiŋumuu li ésukayi inyu, li jitook bo kútuyoli li káyinenaku. Li kóonoli jijow jilako booliil esimen. To untu jíjowummuu boot Lom.

Bakaanelabu 6:3

Wahawu unwu újimuu, kútuyoli, jil̥us li bukuluul kánayine hutok li kúl̥uba. Fan kulako bukan kan ésukayi éwooluwe, bukan kan Buyinumabu Banabaabu bóomi li buko ŋáa’, ban li kújallo, min ukataaliil bulokabu umbu.

1 Kata Koolent 11:26

Li mal̥egenamu, kulimaku unku kan Amaaŋenawu Yéesu alobumuu kúhihhiis kaanaku nanoonan nan jitiñe húmbuuluwahu unhu ban li jihob ejunkayi inyu, jiyiiŋene eketayi yata Amaaŋenawu, boot yok nan ammuu li abil.

1 Kata Koolent 4:5

Mó mújimuu, jakum jitiib an tówum taŋayi éliiŋ. Jikob boot nan Amaaŋenawu ammuu li abil. Okila ammuu li áŋalul li mawuŋe wahoowah feh wayoli li élim, ban li áhiis foof uyinoolawu wan bukanabuku kuyolumuu li uyinumiil. Muñeˈe anoowan li akit áyabum li Ateemit kasalaku kammuu kutookool.

Saak 5:7

Kutuyom, jimunten boot yok nan Amaaŋenawu ammuu li abil. Jilaso awaña min jijuk buu lakaanemuu. Awaña fan abeben min akob min wahawu wan awañumuu li etaamayi usenool mutiñaay majake. Ban fan akob boot yok nan mutiñaayamu man awañumuu mommuu li maal emitayi basaye.

Búhiisenumabu 2:25

Bale jítuk lit wahawu wan jibajumuu boot nan ínje emmuu li ibil.