Hulimahu Hásuumaahu loon Saŋ akiic homuu 21:12 - Jola-Kasa

¹² Yéesu li aaniil: — Jibil jitiñ. Anoowan li kúgoomaku akaañenut agel̥l̥enool aanool: «Kama awu ommuu ayi?», mata kuhaase koon okila ammuu Amaaŋenawu.

Hulimahu Hásuumaahu loon Saŋ akiic homuu 21:12 Referencias Cruzadas

Máciya 22:46

Anoowan li buko ayilaat alob to hulim. Nan fú’ tómuu, anoowan foof alaañenut akaañen agel̥l̥en Yéesu wah.

Maak 9:32

Bale kúgoomaku kuliitikenut hulimahu unhu han alobumuu, ban li kúkoli bagel̥l̥enool mata ho.

Hulimahu Hásuumaahu loon Lík akiic homuu 9:45

Bale kúgoomaku kuliitikenut hulimahu unhu. Wahawu wan hulimahu hufañumuu hulob, Ateemit layoliiyo wo jakum bil kuyili kúnaanum wo, ban li kúkoli kugel̥l̥en Yéesu min akitteniil waa lafañe alob.

Hulimahu Hásuumaahu loon Saŋ akiic homuu 16:19

Yéesu li ahaas aan kúgoomaku kufanfañ min kugel̥l̥enool hulim, li aaniil: — Lilobuulob eenuul: «Muñeˈe let jilaañen jijukom, ban let fiyo li jilaañen jijukom.» Waa, kulimaku unku jigel̥l̥enoolemuu mata ko?

Hulimahu Hásuumaahu loon Saŋ akiic homuu 21:11

Simoŋ Fiyeel li ajow ájufo li busaanaabu min añakumul ló embaalayi boot bata katantaku mameeŋe siwol sáamak. Sálako lómuu feh soono téemeel li kúyii kúl̥uba li kuŋen li síhaaji. Bale maayeet min siwolasu simeeŋumuu, embaalayi ehaacowut.

Hulimahu Hásuumaahu loon Saŋ akiic homuu 21:15

Nan kutiñumuu kuban, Yéesu li aan Simoŋ Fiyeel: — Simoŋ, awu ata Saŋ, mantee lufañonfañ haŋ min kufaali umbuke kufañommuu? Simoŋ li aanool: — Eéhe’ Amaaŋen, luhaase oon lifañifañ. Yéesu li aanool: — Ucookoo kúgalalaanaku kúmbaam.

Hulimahu Hásuumaahu loon Saŋ akiic homuu 4:27

No unnu, kúgoomaku kata Yéesu li kúliiŋul. Li kusego ŋáa’ nan kujukumuu Yéesu li elob li anaale. Bale anoowan li buko akaañenut agel̥l̥enool aanool: «Waa lufañe li akila?» Mantee foof: «Wáa újiye li oono li elob li akila?»

Bakaanelabu 10:41

Inti bukanabuku feh láfule, bale bukanabuku kan Ateemit afinumuu min al̥use min kumaat. Buko kommuu áloli jatiñumuu ban li jihob dín dáno li akila, nan Ateemit ayitenumuloolumuu aban li eketayi.