Hulimahu Hásuumaahu loon Saŋ akiic homuu 2:9 - Jola-Kasa

⁹ Nan anawu akilumuu mata búyabowabu ajakenumuu malamu, mo malaañe mukaan ébiiñ. Ahaasut bay bunukabu umbu bubilumulo. (Bale kulokaabuku káyijulumuu malamu, buko kuhaase). Muñeˈe anawu akilumuu mata búyabowabu li áhooñul ábuwaawu,

Hulimahu Hásuumaahu loon Saŋ akiic homuu 2:9 Referencias Cruzadas

Máciya 27:34

Nan kúliiŋ tomuu, li kusen Yéesu bunuk bayawooli li wah wátaliye. Bale nan acafen bomuu, li ahoy bahob bo.

Máciya 9:15

Yéesu li aaniil: — Buu emmuu nokoo kubuke an ábutowe li kumommowool akila to li buko? Manooman hunakahu fan húliiŋ nan kommuu li kujok anawu ummu ábutomuu kújowetum. No unnu kommuu kumommowool.

Hulimahu Hásuumaahu loon Saŋ akiic homuu 2:8

Yéesu li aaniil: — Muñeˈe jíyijul ló jijow jisen anawu akilumuu mata katoofotoolaku kata búyabowabu. Mal̥egen li kújowetum mó kujow kusenool.

Hulimahu Hásuumaahu loon Saŋ akiic homuu 4:46

Muñeˈe Yéesu li álaañul boot li ésukayi yata Kaana yammuu li etaamayi yata Gálile, ban akaanumuu malamu mulako ébiiñ. Li baj bo an áamak aloke bata áyiiyawu, an añoolool áyine ásomute li ésukayi yata Káfeenawum.

Hulimahu Hásuumaahu loon Saŋ akiic homuu 7:17

An afañumuu min akaan wahawu wan Ateemit afañumuu, fan ahaas mantee baliikenelabu umbu li Ateemit bubilumulo, mantee li kajaw kúmbaam ínje humumom lílobume.