Hulimahu Hásuumaahu loon Saŋ akiic homuu 2:16 - Jola-Kasa

¹⁶ Ban, li aan kújulawaabuku kata síleebaanasu: — Jífulen wahawu unwu láale! Jakum jikaan eluufayi yata Atuubawom elako eluuf yata kájula!

Hulimahu Hásuumaahu loon Saŋ akiic homuu 2:16 Referencias Cruzadas

Máciya 21:12

Fúlum tó, Yéesu li anoken li Eluufayi yata Ateemit áliiŋ, li akesoo bukanabuku kalako dómuu kájulaaku li hunoomahu. Ban li áhoolul sitaabulasu sata kalakomuu kawecekoolaku kata sídalamasu, li kúbahumaku kata kalakomuu kájulaaku kata síleebaanasu.

Máciya 21:13

Yéesu li aaniil: — Hulimahu hata Ateemit hoone: «Eluufayi yúmbaam fan ehooñi eluuf yata kal̥aw.» Bale bukuluul li jilaañen yo elako kawokaay kata ékuu.

Máciya 22:5

Bale bukanabuku kan kuhebumuu kúkaanumut min kujow, akee bata kal̥aakool, aahu kájula.

Maak 11:17

Fú’ tó, li alob bukanabuku aaniil: — Kama inti Hulimahu hata Ateemit honsoon: «Eluufayi yúmbaam fan ehooñi eluuf yata kal̥aw boot li sihetasu feh!» Bale bukuluul li jilaañen yo elako hugoog hata ékuu.

Hulimahu Hásuumaahu loon Lík akiic homuu 2:49

Yéesu li aaniil: — Wáa újiye li jóomi li huŋesom? Kama jihaasut joon leete ikaan bulokabu bata Atuubawom?

Hulimahu Hásuumaahu loon Saŋ akiic homuu 10:29

Atuubawom asenom komuu, lahaŋe wahoowah feh, ban bajut an ayilo álamul wah li kaŋenaku kata Atuubaawu.

Hulimahu Hásuumaahu loon Saŋ akiic homuu 2:15

Muñeˈe Yéesu li aŋa’ uneew min akaan hukaluwaas, min akesooliil foofiil feh kúfu’ li Eluufayi yata Ateemit li mano li kúgalalaanaku, li sibaasu. Li ayiis sídalamasu sata kuwecekaaku, ban li áhoolul sitaabulasu sooliil.

Hulimahu Hásuumaahu loon Saŋ akiic homuu 20:17

Yéesu li aanool: — Jakum útukom ukat taate, mata ijowolut boot bata Atuubaawu. Bale ujow oon kutuyom, boot min ijow boot bata Atuubawom ammuu foof Atuubawuul, boot bata Ateemitawu úmbaam ammuu foof Ateemitawu ooluul.

Hulimahu Hásuumaahu loon Saŋ akiic homuu 5:17

Bale Yéesu li aaniil: — Atuubawom ummu li bulok boot muñeˈe. Injé foof ummu li bulok.

Hulimahu Hásuumaahu loon Saŋ akiic homuu 8:49

Yéesu li aaniil: — Injé buyinum bajakut bújufowutom. Injé kaluuken Atuubawom léemi li kó, bale bukuluul jiluukenutom.

1 Tímote 6:5

búceeŋoolabu bábaneliitumuu bata bukanabuku kata uyinumawu wacolutumuu, kahaasutumuu mal̥egen. Kuyinooyinoo li koon kátuul Ateemit senesen hubaj.

2 Fiyeel 2:3

Efañ sídalamayi yooliil fan éjiyiil li kubuntumuul li ukoŋ wan kujuul̥e min kúbajum tó wah. Bale fiyowe ŋáa’ nan katekaku kooliil kóomi li kakobiil, ban let fiyo kújowum li sambun.