Hulimahu Hásuumaahu loon Saŋ akiic homuu 19:6 - Jola-Kasa

⁶ Bale nan huhaanaahu hata élambaayi li kufooyaabuku kujeˈe kujukoolumuu, li kulob butiya koon: — Ubaaŋool li ekuluwa! Ubaaŋool li ekuluwa! Filat li aaniil: — Jiŋalool bukuluul humumuul jijow jibaaŋ li ekuluwa. Injé ijukut li akila butila banooban baate bújiwom li il̥oofool.

Hulimahu Hásuumaahu loon Saŋ akiic homuu 19:6 Referencias Cruzadas

Máciya 26:58

Bale Fiyeel li alako lóyi min anaak ánabul li Yéesu, boot yok li ekaakayi yata eluufayi yata álambaawu ahaanawu. Nan áliiŋ dómuu, li abah áginnoo li kufooyaabuku min ajuk buu wahawu feh wóomi li úbanum eeno.

Máciya 27:22

Filat li agel̥l̥eniil aaniil: — Kama muñowu buu leete ikaan Yéesu an koonemuu Afakenaawu? Buko feh li koonool: — Abaaŋi li ekuluwa!

Máciya 27:24

Nan Filat ajukumuu aan ayilaat to wahoowah, ban búsukabu li buhaŋ máguul̥oo, li aŋa’ mal min afos kuŋenool hákil búsukabu ban li aan: — Butumom bulet li eketayi yata ánayinaawu ummu. Bowuul bo!

Hulimahu Hásuumaahu loon Lík akiic homuu 23:4

Filat li aan huhaanaahu hata élambaayi li búsukabu: — Injé ijukut wah wan ánayinaawu umme akaane wajakut, waate úji li abaj katek.

Hulimahu Hásuumaahu loon Saŋ akiic homuu 18:3

Muñeˈe Sudaas li aŋa’ húmim hata kusollaali li hata kufooya kan huhaanaahu hata élambaayi li Kufaaliisiyeŋaku kusenool, min kujow boot bata etoolayi. Ujunko kookene, li sihiitum li kúlaañaañ.

Hulimahu Hásuumaahu loon Saŋ akiic homuu 18:31

Filat li aaniil: — Jiŋalool bukuluul humumuul, jijow jitiib loon eluwaayi yooluul elobumuu. Kusuwifaku li koonool: — Jibajut kakaañen min áloli húmumoli jítuk min jimuk an.

Hulimahu Hásuumaahu loon Saŋ akiic homuu 18:38

Filat li agel̥l̥en Yéesu aanool: — Kama mal̥egenamu mo mommuu sum waa? Nan Filat alobumuu kulimaku unku aban, li alaañen áfulul ajow atook tíyaŋ Kusuwifaku min aaniil: — Injé ijukut li akila butila ban akaane, báami li bújiwom li il̥oofool.

Hulimahu Hásuumaahu loon Saŋ akiic homuu 19:15

Bale Kusuwifaku, li kuhaŋ malob butiya koon: — Aket! Aket! Ubaaŋool li ekuluwa! Filat li aaniil: — Waa, ibaaŋ áyiiyawu ooluul li ekuluwa? Kunahaanaku kata élambaayi li koonool: — Jibajut áyii akee ábute li áyiiyawu áamakawu!

Hulimahu Hásuumaahu loon Saŋ akiic homuu 19:4

Filat li alaañen áfulul tíyaŋ, min aan Kusuwifaku: — Fan jijanten! Boot min ífulenulool tíyaŋ, min jihaas joon ijukut li akila butila ban akaane baate bújiwom li il̥oofool.

Bakaanelabu 2:23

Anáyinaawu ummu ammuu Yéesu, Ateemit lakatookat li kuŋenuul loon anong momuu. Ateemit lafinfin min ahaase ákibben, waa jommuu li jikaan Yéesu. Jiŋalooŋa’ jisen bukan kákaanumut li Ateemit balewool, kumuk li ekuluwa dán kubaaŋoolumuu.

Bakaanelabu 7:52

Ayi li kufulofetaku, situubawuul sihaan sílaatenut? Kumuumuk bukanabuku kalobumuu kúkibben mata ebilayi yata Anawu Acolaawu. Ban muñeˈe bukuluul li jibetool li kuŋen bukan min jimukool.