Hulimahu Hásuumaahu loon Saŋ akiic homuu 19:30 - Jola-Kasa

³⁰ Nan Yéesu acafenumuu bunukabu bacabumuu, li aan: — Wahawu feh ukaani ban! Muñeˈe li ásit, li awalo.

Hulimahu Hásuumaahu loon Saŋ akiic homuu 19:30 Referencias Cruzadas

Máciya 20:28

Mo foof Añool-An abilutumuu boot min abaj emiikeel, bale min alako amiikeel. Ban li asen buloŋool bulako búhal boot li bukan kameeŋe.

Máciya 27:50

Yéesu li alaañen akaaw butiya ban, li awalo.

Máciya 3:15

Bale Yéesu li aan Saŋ: — Awu ufan ukat bo min úbatiisewom, mata muñaˈa lóotimuu ukaanaal min nab loon Ateemit afañumuu. Mal̥egen Saŋ li akat bo min ábatiise Yéesu.

Maak 15:37

Bale Yéesu li akaaw butiya, ban li aket.

Hulimahu Hásuumaahu loon Lík akiic homuu 22:37

Mata boot min ilobuul, hulimahu unhe hakiicimuu huya lí ínje hoote hubaj: «Lacoboolicoboo li kúkaanikoola.» Mata, wahawu wakiicimuu múmbaam woote ubaj.

Hulimahu Hásuumaahu loon Lík akiic homuu 23:46

Yéesu li akaaw butiya aan: — Faafa, iŋa’ yaalom iseni ooken. Nan Yéesu alobumuu kulimaku unku aban, li aket.

Hulimahu Hásuumaahu loon Saŋ akiic homuu 10:11

«Injé emmuu amataawu ajakaawu. Amataawu ajakaawu fan asen buloŋabu boola boot li kúgalalaanaku.

Hulimahu Hásuumaahu loon Saŋ akiic homuu 10:18

Anoowan ayilaat ájimen buloŋabu búmbaam, bale ínje humumom éemi li inong min isen bo. Liyilo isen buloŋabu búmbaam, ban liyilo ilaañen iŋa’ bo. Wahawu unwu Atuubawom alobumuu min ikaan.»

Hulimahu Hásuumaahu loon Saŋ akiic homuu 17:4

Líhihhiis máyiineniyamu mooli li etaamayi. Likaane iban bulokabu ban usenommuu kakaan.

Hulimahu Hásuumaahu loon Saŋ akiic homuu 19:28

Fúlum tó, emmuu Yéesu bahaase aan muñeˈe wahawu feh ubane, min hulimahu han bakiicelabu bulobumuu ubaj, li aan: — Bahob bookom.

Hulimahu Hásuumaahu loon Saŋ akiic homuu 4:34

Yéesu li aaniil: — Mutiñaayamu múmbaam mo mommuu kakaan wahawu wan anawu áboñulommuu afañumuu, ban li ihabel bulokabu ban asenommuu kakaan.

Kata Lom 10:4

Li mal̥egenamu, Kilisita lakankaan wahawu feh boot to wan eluwaayi yata Móyiis elobumuu, mantee bukanabuku feh kammuu li kúyinen li akila, li kulako bukan kacole hákil Ateemit.

Kata Lom 3:25

Ateemit li asen Yéesu Kilisita alako búsimen boot kayeelen etindihuuñayi yoola, mantee bukanabuku káyinenumuu li akila Yéesu, li kúbajum kabonket kata uhoofoolawu wooliil li eketayi yoola. Ateemit lakankaan loon muñaˈa min áhiis kaanaku lakankaan Ateemit acole. Naanaŋ lakaakat bo uhoofoolawu wan bukanabuku kukaan nomuu,

1 Kata Koolent 5:7

Jífulen élebiilayi inyu yahaanayi li bukuluul, min jiset. Jikaan momuu, fan jinokoo loon efo’ yawunkul yasiiwi yabajut élebiil. Li mal̥egenamu, Kilisita ajokimuu loon ágalalaanawu an kusuwifaku kunaake kusilamuu min kukaan kagaanaku kata Faak, lasilayi ban.

Kata Fílib 2:8

Li awalenoolo, ban li akaan loon Ateemit aloboolumuu boot yok nan aketumuu, eket yata li ekuluwa.

Eébulo 12:2

Uŋalaal sítiijolaal feh ukaanaal li Yéesu, ájimuu li ubajaal káyinen ban li ajow li ko boot to. Lakaakat bo ésuumansuumayi yan áatimuu abaj, min aan éehe’ min aket li ekuluwaayi bajukelut li ñisuuwañu ñáamimuu li eket loon inyu. Muñeˈe okila ummu min abahe kaŋen kúli efenjeŋayi yata jáyiiyaju jata Ateemit.

Eébulo 9:22

Loon eluwaayi elobumuu, ebat wahoowah feh li húsim úgiilenewumi, ban uhoofoolawu uyilaat ubonketi húsim báyuwowut.