Hulimahu Hásuumaahu loon Saŋ akiic homuu 19:19 - Jola-Kasa

¹⁹ Filat li alobiil foof min kukiic li kababalu kukaan haatiya ekuluwaayi. Muñeˈe kukiicumuu eeno: «Laale Yéesu ata Nasalet, Ayíiyawu ata Kusuwifaku.»

Hulimahu Hásuumaahu loon Saŋ akiic homuu 19:19 Referencias Cruzadas

Máciya 2:23

Suseef li ajow akin bo, li ésuk yan koone Nasalet, bájum wahawu wan kufulofetaku kulobumuu li ubaj loon kulob womuu: «Fan ahooñi an ata Nasalet.»

Máciya 27:37

Muñeˈe li kuŋa’ kababbalu min kukiic ló wahawu wájimuu li kumukool. Wahawu wakiici dómuu wo wommuu unwe: «Láale Yéesu, Ayíiyawu ata Kusuwifaku.» Ban li kuŋa’ kababbaluwaku kubaaŋ haatiya húkowahu hoola.

Maak 15:26

Li kababbaluwaku dán kiicumuu wahawu wájimuu li kumukool, kulimaku unke kukiic lómuu: «Ayíiyawu ata kusuwifaku.»

Hulimahu Hásuumaahu loon Lík akiic homuu 18:37

Bukanabuku li koonool, Yéesu ata ésukayi yata Nasalet áami li ejow.

Hulimahu Hásuumaahu loon Lík akiic homuu 23:38

Li kukiic kulimaku unke kukaan haatiya húkowahu hata Yéesu: «Laale, áyiiyawu ata Kusuwifaku.»

Hulimahu Hásuumaahu loon Saŋ akiic homuu 1:49

Muñeˈe Natanayeel li aanool: — Anahaan, awu ommuu Añiilawu ata Ateemit, awu ommuu áyiiyawu ata Isilayeel!

Hulimahu Hásuumaahu loon Saŋ akiic homuu 18:33

Muñeˈe Filat li alaañen ajow anoken li eluufayi, ban li áhooñul Yéesu min agel̥l̥enool aanool: — Kama awu ommuu áyiiyawu ata Kusuwifaku?

Hulimahu Hásuumaahu loon Saŋ akiic homuu 19:12

Nan Filat ajeˈe ajamumuu kulimaku unku aban, li alako huŋes bútin min akaten Yéesu. Bale Kusuwifaku li kulob butiya koon: — Ufak ukatenumuu ánayinaawu ummu, ulet abuke ata áyiiyawu áamakawu! An ajokoolomuu áyii, anawu ummu alatoola ata áyiiyawu áamakawu.

Hulimahu Hásuumaahu loon Saŋ akiic homuu 19:14

No unnu, li hunakahu hákibbenumuu hata kagaanaku kata Faakayi yata Kusuwifaku, banakabu bo bayitene. Filat li aan Kusuwifaku: — Ayíiyawu ooluul ummu!

Hulimahu Hásuumaahu loon Saŋ akiic homuu 19:21

Muñeˈe huhaanaahu hata élambaayi li hujow hoon Filat: — Jakumeen ukiic oon: «Ayíiyawu ata Kusuwifaku,» bale booteen min ukiic oon: «Anáyinaawu umme laane okila ammuu áyiiyawu ata Kusuwifaku.»

Hulimahu Hásuumaahu loon Saŋ akiic homuu 19:3

Muñeˈe li kunaak kujow kukoojool min koonool: — Jisaafi, áyiiyawu ata Kusuwifaku! Ban li kutekool siheejen.

Bakaanelabu 26:9

«Muñeˈe ínje humumom liyinooleene li een, leete ikaan manooman li sembewom feh min ikajen kajawaku kata Yéesu ata Nasalet.

Bakaanelabu 3:6

Muñeˈe Fiyeel li aanool: — Ibajut ehaaliis, ibajut éwulus iseni. Bale wahawu wan ibajumuu, liseni wo: li kajaw kata Yéesu Kilisita ata Nasalet, uyito ujow!