Hulimahu Hásuumaahu loon Saŋ akiic homuu 19:11 - Jola-Kasa

¹¹ Yéesu li aanool: — Ubajut sembe sanoosan lí ínje, sábuti li san Ateemit ásenumulimuu haatiya emitayi. Mó mújimuu, anawu abetommuu li kuŋeni lahaŋi mabaj butila.

Hulimahu Hásuumaahu loon Saŋ akiic homuu 19:11 Referencias Cruzadas

Máciya 26:65

Nan Yéesu alobumuu loon muñaˈa, anahaanawu ata élambaayi li ahaacul wañawu wan akila humumool aakenumuu, aban li aan: — Lagele Ateemit. Ulaañenutaal usohulawaal kumaata. Jijame feh bukuluul humumuul kulimaku kan alobumuu aya li Ateemit.

Máciya 27:2

Muñeˈe li kujokool kujenk kuban, li kuŋalool kújowetum kujow kusen águubelunaalawu Filat.

Máciya 6:13

Ban jakum úkatoli min jilo li jabunt, bale úfakenoli li Majakutamu. Mata awu ukile jáyiiyaju, li sembaasu, li máyiineniyamu boot nanoonan, Aameen.»

Maak 14:44

Sudaas ammuu li abet Yéesu li kuŋen bukanabuku umbuku, lalobiilob buu láatimuu akaan min kuhaasool. Laaniisaan: «Anawu an emmuu igaab kuŋenom, okilamuu. Jijokool jíjowetum, ban li jifooyool jak.»

Hulimahu Hásuumaahu loon Lík akiic homuu 22:53

Li bukuluul lilakomuu kunakaku feh li eluufayi yata Ateemit, ban jiŋesut kajokom. Bale ewaatuwayi inye yooluul li yata foof sembaasu sata ehukaayi.

Hulimahu Hásuumaahu loon Saŋ akiic homuu 18:13

Li kujand kújowetum Yéesu bata Aan, an Kayif ayabumuu añoolool. Kayif alakomuu emitayi inyu anahaanawu ata élambaayi.

Hulimahu Hásuumaahu loon Saŋ akiic homuu 18:3

Muñeˈe Sudaas li aŋa’ húmim hata kusollaali li hata kufooya kan huhaanaahu hata élambaayi li Kufaaliisiyeŋaku kusenool, min kujow boot bata etoolayi. Ujunko kookene, li sihiitum li kúlaañaañ.

Hulimahu Hásuumaahu loon Saŋ akiic homuu 19:10

Muñeˈe Filat li aanool: — Waa, ulet li ubagom? Kama uhaasut oon libaje sembe sata kakateni, li sata kabaaŋi li ekuluwa?

Hulimahu Hásuumaahu loon Saŋ akiic homuu 3:27

Saŋ li aaniil: — An ayilaat abaj wah Ateemit basenutool wo.

Hulimahu Hásuumaahu loon Saŋ akiic homuu 7:30

Muñeˈe li kuŋeseen min kujok Yéesu, bale an ajokutool, mata ewaatuwayi yoola yo báliiŋolut.

Hulimahu Hásuumaahu loon Saŋ akiic homuu 9:41

Yéesu li aaniil: — Jífuumeenumuu, leteen jibaj kahoofoo. Bale emmuu joone jijukejuk, kahoofoolaku kooluul kuloŋe li bukuluul.

Bakaanelabu 2:23

Anáyinaawu ummu ammuu Yéesu, Ateemit lakatookat li kuŋenuul loon anong momuu. Ateemit lafinfin min ahaase ákibben, waa jommuu li jikaan Yéesu. Jiŋalooŋa’ jisen bukan kákaanumut li Ateemit balewool, kumuk li ekuluwa dán kubaaŋoolumuu.

Bakaanelabu 3:13

Ateemitawu ata Abulaham, Isaak li Sakob, ammuu Ateemitawu ata situubawolaal sihaan, láhihhiis máyiineniyamu mata Yéesu ammuu alokaawu oola. Bukuluul humumuul jibetumuu Yéesu li kuŋen kata kunaahaanaku kata ésukayi, ban li jihoyool hákil Filat afañeenumuu min akatenool.

Bakaanelabu 4:28

Muñowu kukaanumuu min wahawu feh wan ufinumuu min uyinoole kakaan yan no, li sembaasu sooli li húfañumahu hooli, ubaj.

Kata Lom 11:36

Li mal̥egenamu, wahawu feh li akila ubilume, li akila úloŋume, ban boot li akila humumool. Máyiineniyamu mujow mulako mata Ateemit boot nanoonan! Aameen.

Kata Lom 13:1

Anoowan laate átuul huhaane hanoohan, mata bajut huhaane habilumuloot li Ateemit. Kuhaanaaku káami tomuu, Ateemit akaan ko to.

Saak 1:17

Mata busuuhen bajake li káji kanabe li emitayi ubilumule. Bata Ateemit Atuubaawu úwalowumulo, an emmuu mawuŋe manooman li akila mubilumulo. Ateemit akila anolawu boot nanoonan, ban élim elet li akila mata ábutooleliit.

Saak 4:17

Mó mújimuu, an ahaasumuu kakaan majake, ban akaanut mo, anawu ummu lakaane kahoofoo.