Hulimahu Hásuumaahu loon Saŋ akiic homuu 18:1 - Jola-Kasa

¹ Nan Yéesu al̥awumuu loon muñaˈa aban, li ajow li kúgoomaku koola ló, boot kalimben kaaka kata kayelenaku kan koonemuu Seeduloŋ. Nan kúliiŋumuu, Yéesu li anoken li kúgoomaku koola ló li etool yalako to.

Hulimahu Hásuumaahu loon Saŋ akiic homuu 18:1 Referencias Cruzadas

Máciya 26:30

Muñeˈe nan kukijenumuu ukijen wata kasal Ateemit kuban, li kúfu’ kujow boot bata Huyuuyahu hata unuunukenawu waaneyimuu Olíibiye.

Máciya 26:36

Muñeˈe Yéesu li kúgoomaku koola li kujow boot tan koone Getisemane, kúliiŋ li aaniil: — Jibah taate mín ínje ijow baaba kal̥aw.

Maak 14:26

Muñeˈe nan Yéesu alobumuu loon muñaˈa aban, li kukijen ukijenawu wata kasal Ateemit, li kúfu’ kujow boot bata Huyuuyahu hata unuunukenawu waaneyimuu Olíibiye.

Maak 14:32

Muñeˈe Yéesu li kúgoomaku koola li kujow boot tan koone Getisemane, kúliiŋ li aaniil: — Jibah taate mín ínje ijow il̥aw.

Maak 14:42

Jiyito ujowaal. Jijuke! Anawu ammuu li abetom li kuŋen bukan láliiŋulo.

Hulimahu Hásuumaahu loon Saŋ akiic homuu 14:31

bale adunaayi yoote ehaas yoon lifanfañ Atuubaawu, ban wahawu wan ikaanemuu wo Atuubaawu aanommuu ikaan. Jiyito, úfulaal taate!»

Hulimahu Hásuumaahu loon Saŋ akiic homuu 18:26

Akee li kulokaabuku kata anahaanawu ata élambaayi, alakowe an ata anawu an Fiyeel afalenumuu kanuu, li aanool: — Kama inti awu lijukumuu li etoolayi li Yéesu ló?

Bakaanelabu 21:11

Muñeˈe li abil átookuloli tó, min aŋa’ kanaalaku kata Fool, min akok kootaku li kuŋenaku koola aban li aan: — Wahawu unwe Buyinumabu Banabaabu bulobe: «Anáyinaawu akilumuu kanaalaku unke, Kusuwifaku fan kujenkool Yeelusalem loon muñeˈe, ban li kubetool li kuŋen kata bukanabuku kákaanumutumuu li Ateemit balewool.»