Hulimahu Hásuumaahu loon Saŋ akiic homuu 16:20 - Jola-Kasa

²⁰ Li mal̥egenamu fan ilobuul: fan jil̥ok ban li jigamoo, bale bukanabuku kata adunaayi buko fan kulako li ésuumahukow. Fan jíyiyenoo, bale káyiyenoolaku kooluul fan kulaañ kulako ésuumahukow.

Hulimahu Hásuumaahu loon Saŋ akiic homuu 16:20 Referencias Cruzadas

Máciya 21:38

Bale nan kulokaabuku kata úbiiñawu kujukumuu añiilawu, li kúsuumenoo koon: «Añiilawu ammuu li atowowool ummu. Jibil umukaalool min uŋalaal bútowowabu boola ukilaal.»

Máciya 5:4

Awólo, káamimuu li jíl̥ok, mata Ateemit fan abil átintimbeniil.

Maak 14:72

Nan alobumuu loon muñaˈa, káyin li kuyaan kul̥ok búl̥ubut. Muñeˈe li awayil̥o hulimahu han Yéesu alobool nomuu aanool: «Fan uceeŋ ñoono ñáhaaji oon luhaasonhaas tówum káyin kul̥ok búl̥ubut.» Muñeˈe Fiyeel li alako to jíl̥ok.

Maak 16:10

Mali li ajow alob mo kúgoomaku kata Yéesu. No unnu buko baloŋe li jokiil ŋáa’ min kulako jíl̥ok.

Hulimahu Hásuumaahu loon Lík akiic homuu 22:45

Nan Yéesu al̥awumuu aban, li ayitowul álaañul boot bata kúgoomaku koola. Nan áŋejul tómuu, li atookiil mámooliye mata jokiijok.

Hulimahu Hásuumaahu loon Lík akiic homuu 22:62

Nan Fiyeel áfululumuu tíyaŋ, li alako bo min al̥ok mal̥ok.

Hulimahu Hásuumaahu loon Lík akiic homuu 23:27

Búsuk báamak li bunab li Yéesu li foof kanaale kalakowe jíl̥ok li kanaake kul̥okoo mata Yéesu áji.

Hulimahu Hásuumaahu loon Lík akiic homuu 24:17

Yéesu li aaniil: — Waa jíwonnoole li wo, mo jijowemaa? Li kuyiten, máyiyeniye ŋáa’.

Hulimahu Hásuumaahu loon Lík akiic homuu 24:21

Jíyinenenyinen kaanaku okila aateenumuu afaken kata Isilayeel. Bale famen to li wahawu unwu feh, síyaat hunak húhaajut nan wahawu unwu feh ubajumuu.

Hulimahu Hásuumaahu loon Lík akiic homuu 6:21

Awólo bukuluul jacaaletumuu muñeˈe, mata fan jibil jitiñ jifooñ! Awólo bukuluul jammuu li jíl̥ok muñeˈe, mata fan jibil jíl̥uu!

Hulimahu Hásuumaahu loon Saŋ akiic homuu 16:33

Lilobuulob loon muñaˈa mantee li jíbajum kásuumaay lí ínje. Fan jílaam ŋáa’ li adunaayi, bale sákoluul. Injé liheeheek adunaayi.

Hulimahu Hásuumaahu loon Saŋ akiic homuu 16:6

Bale min ilobuul momuu, wahawu unwu újimuu li jíyiyenoo.

Hulimahu Hásuumaahu loon Saŋ akiic homuu 20:20

Nan Yéesu alobumuu kulimaku unku aban, li áhiisiil kuŋenaku koola li kahehaku koola. Kúgoomaku li kubaj ésuumahukow yáamak nan kujukumuu Amaaŋenawu.

Bakaanelabu 5:41

Kufootalaku li kúfu’ li hojojahu li ésuumahukow ló, mata min Ateemit ajokiilumuu bukan katooke min kucoociil mata kajawaku kata Yéesu kúji.

Kata Lom 5:11

Tíjut tó, lubajaabaj ésuumansuum li Ateemit yabilumulo li Amaaŋenawu oololaal Yéesu Kilisita, ájimuu li ujamoolaal muñeˈe li Ateemit.

2 Kata Koolent 6:10

Li kúkaanoli buyina, bale áloli jumbuku nanoonan li ésuumansuum. Li kújokoli loon bukan kagaye ŋáa’, bale áloli jumbuku min jikaanemuu bukan kameeŋe kulako kusaanum. Alóli li jinokoo li bukan kabajut wahoowah, bale jibaje wahawu feh.

Kata Galasi 5:22

Bale wahawu wan Buyinumabu busenemuu wo wommuu: húbooli, ésuumansuum, kásuumaay, kabeben, másuum, ésuum buyinum, káwoolu,

1 Kata Tesalonik 1:6

Jinannab li bakaanelabu bóololi li bata Amaaŋenawu mata jiyayyab hulimahu li sílaam sáamak, bale foof li ésuumansuumayi yan Buyinumabu Banabaabu busenemuu.

Saak 1:2

Kutuyom li kúliinom káyinenumuu li Yéesu, ésuumansuum yáamak elako li bukuluul, bukuluul babaje sílaam sanoosan.

Eleetalayi yan Súd akiicumuu 1:24

Kasalaku kujow kulako kata Ateemit ayilimuu afooyuul jakum jibil jilo li kahoofoo, ban li ájowetumuul maakut butila banooban li ésuumansuum ló, boot to li máyiineniyamu moola.

Búhiisenumabu 11:10

Bukanabuku feh kakinumuu li etaamayi fan súumiil buko bajame eketayi yata bukanabuku umbuku kúl̥uba. Fan kubaj ésuumahukow, ban li kunaak kusenoo bagam, mata bukanabuku umbuku kúl̥uba kammuu kufulofet kukankaan bukanabuku kakinumuu li etaamayi kúlaam ŋáa’.

Búhiisenumabu 18:7

Loon lafañumuu ŋáa’ kasaloolo, li buloŋ li hubaj, mo foof jommuu jílaamenool, ban li jikaanool ajuk búyiik. Mata yonsoon li buyinum yo: “Libabbah taate loon áyii anaale, ilet anaale ahoke áyinool, ban let ibil ibaj ñikul maayeet.”