Hulimahu Hásuumaahu loon Saŋ akiic homuu 16:13 - Jola-Kasa

¹³ Nan Buyinumabu báhiisemuu bukanabuku mal̥egenamu bommuu li bubil, fan bukaanuul jihaas mal̥egenamu foof mo feh. Let búlobum li kajaw kata bo humum bo, bale fan bulobuul wahawu feh wan bujamumuu, ban li buhebuul wahawu wammuu li ubil ubaj.

Hulimahu Hásuumaahu loon Saŋ akiic homuu 16:13 Referencias Cruzadas

Hulimahu Hásuumaahu loon Saŋ akiic homuu 12:49

Mata kulimaku kan ilobumuu kubilumuloot lí ínje, bale li Atuubaawu áboñulommuu kubilumulo. Lalobonlob okila humumool wahawu wan éetimuu ilob, li wan éetimuu iliiken bukanabuku.

Hulimahu Hásuumaahu loon Saŋ akiic homuu 14:17

Anattenaawu ummu, okila ammuu Buyinumabu báhiisemuu bukanabuku mal̥egenamu. Bukanabuku kata adunaayi kuyilaatool kuyab, mata kujukutool, ban kuhaasutool. Bale bukuluul jihaasool, mata ummu téetiwuul, ban ummu li bukuluul.

Hulimahu Hásuumaahu loon Saŋ akiic homuu 14:26

Anattenaawu ammuu Buyinumabu Banabaabu ban Atuubaawu ammuu li áboñul li kajawaku kúmbaam, fan buliikenuul wahawu feh ban li buwal̥l̥enuul wahawu feh wan ilobuulumuu.

Hulimahu Hásuumaahu loon Saŋ akiic homuu 14:6

Yéesu li aanool: — Injé emmuu bútinabu, li mal̥egenamu, li buloŋabu. An ayilaat ajow bata Atuubaawu, okila bájowumut lí ínje.

Hulimahu Hásuumaahu loon Saŋ akiic homuu 15:26

«Anattenaawu fan abil. Okila ammuu Buyinumabu báhiisemuu bukanabuku mal̥egenamu, babilummuu li Atuubaawu. Fan íboñumuluul ó’ bata Atuubaawu, ban okila humumool fan alob bukanabuku múmbaam.

Hulimahu Hásuumaahu loon Saŋ akiic homuu 16:12

«Libajeene kulim kameeŋe kan eeteen ilobuul, bale let jiyili jiŋa’ ko feh muñeˈe jikaan li uyinumuul mata kuhaŋuuhaŋ sembe.

Hulimahu Hásuumaahu loon Saŋ akiic homuu 3:32

Wahawu wan ajukumuu li wan ajamumuu, wo lalobemuu mata wo. Bale anoowan áyinenut li wahawu wan alobumuu.

Hulimahu Hásuumaahu loon Saŋ akiic homuu 8:38

Injé, wahawu wan ijukumuu li Atuubawom lilobe. Bale bukuluul, wahawu wan atuubawuul alobuulumuu jikaanemuu.

Bakaanelabu 11:28

Akee li buko an koone Agábus li alob ákibben, li búkaanum bata Buyinum Banabaabu aan, let fiyo min bamuufaay báamak bubaj li etaamayi feh. (Mal̥egen bamuufaayabu li bubil bubaj nan Kúlod alakomuu áyiiyawu áamakawu.)

Bakaanelabu 20:23

Wahawu wan ihaasumuu bale, wo wommuu li ésuk yanooyan, Buyinumabu Banabaabu búhiisewonhiis kaanaku hukul̥ li sílaam sóomi li kakobom.

Bakaanelabu 27:24

ban li aanom: «Fool, sákoli! Kaan min kaane, fan ujow utiibi hákil áyiiyawu áamakawu, ban awu an kájiyaku kata Ateemit kommuu li awu, awu ommuu li úji li afaken bukanabuku feh kan jommuu li ébatowayi.»

2 Kata Tesalonik 2:12

Mó mújimuu Ateemit fan atek bukanabuku feh káyinenutumuu li mal̥egenamu, ban li kunaak kubaj ésuumansuum li kakaan majakut.

2 Kata Tesalonik 2:3

Jakum jikat an min abuntuul li makaane manooman. Li mal̥egenamu hunakahu unhu let húliiŋ búsukabu bajandut buhoy Ateemit, min Anawu átuulutumuu Ateemit áfulul, áami tómuu abilum aniileni.

Eébulo 1:1

Naanaŋ, Ateemit lanaanaak ájowum li kufulofetaku, min alob li situubawolaal sihaan ñameeŋe ban li malobe mameeŋe.

1 Saŋ 2:20

Bale bukuluul jiyayyab Buyinumabu Banabaabu ban Kilisita akaanumuu li bukuluul. Mó mújimuu bukuluul foofuul feh jihaase mal̥egenamu.

1 Saŋ 2:27

Bale bukuluul, Kilisita laŋaŋŋa’ Buyinumabu boola akaan li bukuluul. Emmuu Buyinumabu bumbu nanoonan li bukuluul, jokutuul min akee abil aliikenuul, mata Buyinumabu fan buliikenuul wahoowah feh. Ban wahawu wan bommuu li buliikenuul wah wata mal̥egen, let wah wata émalimiñ. Wahawu unwu újimuu jikaan loon Buyinumabu buliikenuumuu, min jibaj hujamoo halite li Kilisita.

1 Saŋ 4:6

Bale alolaal bukan kata Ateemit loomaal. An ahaasumuu Ateemit fan ajantenolaal. An aletumuu ata Ateemit let ajantenolaal. Muñowu lóotumaalumuu uhaasaal Buyinum bay bulobemuu mal̥egen li bay bommuu buyinumabu bámalemuu.

1 Saŋ 5:6

Yéesu Kilisita okila ammuu anawu abilummuu li mal li húsim. Inti li mal bale labilume, bale li mal li húsim labilume. Ban Buyinumabu li bulob min búhiis kaanaku mal̥egen, mata Buyinumabu bommuu mal̥egenamu.

Búhiisenumabu 1:1

Li éliibalayi inye, ló wahawu wahaasutimuu wommuu, wan Ateemit áhiisumuu Yéesu Kilisita. Ateemit láhiisoohiis wó mantee li alob wo kulokaabuku kammuu koola, min kuyili kuhaas wahawu wáatimuu ubaj, ban let fiyo. Wahawu unwu újimuu, Kilisita li aboñ amalakaawu oola bata alokaawu oola Saŋ min ajow áhiisool wahawu unwu.

Búhiisenumabu 1:19

Kama ukiic wahawu wan ujukumuu, wahawu wabajumuu muñeˈe li wammuu li ubil ubaj.