Hulimahu Hásuumaahu loon Saŋ akiic homuu 15:24 - Jola-Kasa

²⁴ Let kubajeen butila bata kahoofoo, ínje bakaaneenut hákiliil bulokabu ban akee ábuto akanlelutumuu. Bale muñeˈe kujuke bulokabu búmbaam, ban li kulatom, li kulat foof Atuubawom.

Hulimahu Hásuumaahu loon Saŋ akiic homuu 15:24 Referencias Cruzadas

Máciya 11:5

Bukanabuku káfuumumuu kujuke, kakajumuu kujowe jak, bukanabuku kan háhaayee ejokeenumuu kufake, bukanabuku kásokomuu kujame, kaketumuu kuyitowe, esukateenayi ejame Hulimahu Hásuumaahu.

Máciya 21:32

Mata Saŋ labiibil booluul min áhiisuul bútinabu bacolaabu, jíyinenut li akila. Bale bukanabuku kayabemuu búhal li bukanabuku káfulowe bomuu muñaˈa kúyinenyinen li akila. Ban maayeet nan jijukumuu wahawu unwu, jijokut li ehaaseen min jíyinen li akila.

Máciya 9:33

Muñeˈe nan Yéesu ayaane akesoomuu buyinumabu umbu bajakutumuu búfu’, ánayinaawu li álobul. Búsukabu li busego ŋáa’ min bunaak boon: — Wah loon unwu ujukoluti li etaamayi yata Isilayeel!

Maak 2:12

Mal̥egen ánayinaawu li ayaan ayito hákil ésukayi feh, min aŋa’ bukal̥abu boola min ajow áfu’. Bukanabuku feh li kusego ban li kunaak kusal Ateemit koon: — Ujukulelutaal wah loon muñowu!

Hulimahu Hásuumaahu loon Lík akiic homuu 24:19

Yéesu li aaniil: — Wah way? Kúgoomaku kúl̥ubaaku li koonool: — Wahawu wabajumuu Yéesu ata Nasalet! Lakankaan afulofet. Bakaanelabu boola bubabbaj sembe li kulimaku koola, hákil Ateemit li hákil ésukayi feh.

Hulimahu Hásuumaahu loon Saŋ akiic homuu 10:32

Yéesu li aaniil: — Likankaan hákiluul bulok bameeŋe bajake babilumulo li Atuubaawu. Waa, bó bújimuu lí jóomi li jitekom kuyitik jimuk?

Hulimahu Hásuumaahu loon Saŋ akiic homuu 10:37

Ikaanutumuu bulokabu bata Atuubawom, jakum jíyinenom.

Hulimahu Hásuumaahu loon Saŋ akiic homuu 12:10

Huhaanaahu hata élambaayi li húsingen boot jamuk Laasaal foof,

Hulimahu Hásuumaahu loon Saŋ akiic homuu 12:45

An ajukommuu, Anawu áboñulommuu foof lajuke.

Hulimahu Hásuumaahu loon Saŋ akiic homuu 14:9

Yéesu li aanool: — Fiyowe ŋáa’ nan éemi li bukuluul. Uhaasolutom boot muñeˈe, Fílib? An ajukommuu, Atuubaawu lajuke. Kama buu kaane li oon: «Uhíisoli Atuubaawu?»

Hulimahu Hásuumaahu loon Saŋ akiic homuu 15:21

Bale fan kukaanuul wahawu unwu feh mata ínje íji, mata kuhaasut anawu áboñulommuu.

Hulimahu Hásuumaahu loon Saŋ akiic homuu 15:22

Ibileenutumuu min ilob li buko, let kubajeen butila mata uhoofoolawu wooliil úji. Bale muñeˈe kubajut wah wáami li ukooŋeniil li uhoofoolawu wooliil.

Hulimahu Hásuumaahu loon Saŋ akiic homuu 15:23

An alatommuu, Atuubawom foof lalate.

Hulimahu Hásuumaahu loon Saŋ akiic homuu 16:9

Min kujokumuu kahoofoo inti mo, mata kúyinenut lí ínje.

Hulimahu Hásuumaahu loon Saŋ akiic homuu 3:2

Li líiŋ hanak hukee, li abil li huk ajuk Yéesu min aanool: — Anahaan, jihaase joon Ateemit áboñuli boot káliikenoli Hulimahu hoola. Mata bajut an ayilo akaan búhiisenumabu umbu bájaahaleni muñowu ban ukaanemuu, Ateemit balet li akila.

Hulimahu Hásuumaahu loon Saŋ akiic homuu 5:36

Bale ínje libaje wah walobe múmbaam wahaŋe wan Saŋ alobumuu aya lí ínje: wo wommuu bulokabu ban Atuubaawu asenommuu kakaan. Li mal̥egenamu, bulokabu umbu ban ikaanemuu búhihhiis kaanaku Atuubaawu áboñulom.

Hulimahu Hásuumaahu loon Saŋ akiic homuu 6:36

Bale lilobuulob mo: Maayeet min jijukumuu, bale jíyinenut.

Hulimahu Hásuumaahu loon Saŋ akiic homuu 7:31

Bale bukan kameeŋe li búsukabu li kúyinen li akila, ban li kunaak koon: — Nan Afakenaawu ammuu li abil, akaan laate fíle bukanabuku kujuk úhiisenum wájaahaleniye wahaŋe wan ánayinaawu ummu akaanumuu?

Hulimahu Hásuumaahu loon Saŋ akiic homuu 9:32

Ujamulelutaal kaanaku bile baj akee akaane an abuki máfuume ajuk.

Hulimahu Hásuumaahu loon Saŋ akiic homuu 9:41

Yéesu li aaniil: — Jífuumeenumuu, leteen jibaj kahoofoo. Bale emmuu joone jijukejuk, kahoofoolaku kooluul kuloŋe li bukuluul.

Bakaanelabu 10:38

Jihaase buu Ateemit akaanumuu sembaasu sata Buyinumabu Banabaabu li Yéesu ata ésukayi yata Nasalet. Jihaase foof buu Yéesu ajowumuu tanootan li etaamayi inye, min anaak akaan majake, li afaken bukanabuku feh kan Sayitaane ájufomuu li buko, mata Ateemit li okila lalakowe.

Bakaanelabu 2:22

Fiyeel li alaañen aaniil: — Kutuyom kata Isilayeel, jijanten kulimaku unke kan emmuu li ilobuul. Ateemit láhiisuuhiis ayi ammuu Yéesu akinumuu Nasalet. Mata Ateemit li Yéesu lákaanume bújaahalenumabu, li búhiisenum hákiluul. Ban bukuluul humumuul jihaas yo.

Kata Lom 1:30

Li baj li buko kúloboo, ban li koono kulatoola kata Ateemit. Li kuwel utum, li kuteben ubandiil, ban li kunaak kusaloolo, ban li kuyili kajuul̥ bakaane bajakut. Kútuuleliit sibukoolayiil.

2 Tímote 3:4

Fan kúhoolo, li kuhi’ li kawuñet ban li kukat katebenoolowaku min kúfuumeniil. Fan kufañ másuume min kuhoy Ateemit.

Saak 4:4

Min jinokoo muñowu li anaale átijut li áyinool bale! Kama jihaasut joon jifañumuu wahawu wata adunaayi, Ateemit jihoye? Mó mújimuu, an aŋalumuu adunaayi akaan abukewool, Ateemit laŋale akaan alatoolawool.