Hulimahu Hásuumaahu loon Saŋ akiic homuu 15:1 - Jola-Kasa

¹ Yéesu li alaañen aan: — Injé emmuu búbiiñabu bata mal̥egen. Atuubawom okila ammuu alokaawu ata úbiiñawu.

Hulimahu Hásuumaahu loon Saŋ akiic homuu 15:1 Referencias Cruzadas

Máciya 15:13

Yéesu li aaniil: — Anuunuken anoowan an Atuubawom ammuu haatiya al̥ukut, fan aluuci.

Máciya 20:1

— Jáyiiyaju jata Ateemit jinokoonokoo li an ata etaam, áfule li bújom bíb ajow huŋes kuloka boot li bul̥ibabu boola bata úbiiñ.

Máciya 21:33

— Jijanten bukittenoolum bakee: Bile baj an ata etaam al̥uke úbiiñ li bul̥ib. Nan al̥ukumuu úbiiñawu aban, li ateef hukalab áwooñen bul̥ibabu. Ban li awok tan ammuu anaak al̥uuten kúul̥aku kata úbiiñawu, ban foof li ateef káfooyum kagimbe. Nan abanumuu feh, li akat bul̥ibabu li kuŋen kata kuloka úbiiñ min bil kunaak kucaamool to joola, min akila ajow kañaahoo.

Maak 12:1

Muñeˈe nan Yéesu átoŋumuu elobayi li ésukayi, li amit aŋa’ bukittenoolum min alob li buko aaniil: — Bile baj ánayine akee al̥uke úbiiñ li bul̥ib. Nan al̥ukumuu úbiiñawu aban, li ateef hukalab áwooñen bul̥ibabu. Ban, li awok tan ammuu anaak al̥uuten kúul̥aku kata úbiiñawu, ban foof li ateef húfooyum hagimbe. Nan abanumuu feh, li akat bul̥ibabu li kuŋen kata kuloka úbiiñ kubilum kunaak kucaamool to joola, min akila ajow kañaahoo ban lóyiye.

Hulimahu Hásuumaahu loon Lík akiic homuu 13:6

Muñeˈe Yéesu li alobiil bukittenoolumabu umbe: — Bile baj anáyine akee al̥uke bul̥el̥u li bul̥ibool bata úbiiñ. Li abil ajow ló huŋes kul̥el̥u áliiŋ, ajukut li bul̥el̥uwabu wahoowah.

Hulimahu Hásuumaahu loon Saŋ akiic homuu 1:17

mata Ateemit li Móyiis lásenumolaal eluwaayi.

Hulimahu Hásuumaahu loon Saŋ akiic homuu 1:9

Mawuŋaamu ummu, mo bale mommuu mawuŋe mata mal̥egen, mabilumuu li adunaayi min muwuŋen bukanabuku feh.

Hulimahu Hásuumaahu loon Saŋ akiic homuu 15:2

Fan afalen hulund hanoohan háami lí ínje, habukut mutiñaay. Fan ateŋen hulund hanoohan habuke mutiñaay, mantee li huhaŋ mabuk.

Hulimahu Hásuumaahu loon Saŋ akiic homuu 6:32

Yéesu li aaniil: — Li mal̥egenamu fan ilobuul: inti Móyiis asenuul húmbuuluwahu habilummuu li emitayi, bale Atuubawom ammuu li asenuul húmbuuluwahu hata mal̥egen habilummuu li emitayi.

Hulimahu Hásuumaahu loon Saŋ akiic homuu 6:55

Mata eniilayi yúmbaam búhen bata mal̥egen, húsimahu húmbaam muhobaay mata mal̥egen.

Kata Lom 11:17

Bukanabuku kata Isilayeel kunokoonokoo loon bunuunuken ban koone óliibiye bal̥uki, ban Ateemit li afalen waan wakee wata bo. Awu jaletumuu asuwif li unokoo li kaan kata bunuunukenabu umbu ban koonemuu óliibiye bata li bujal. Ateemit li aŋali ajow akoten li kújonkoonaku kata waanawu wafalenimuu wata búwoliibiyaabu bal̥ukimuu. Muñeˈe luyilo úloŋum li waanawu unwu li húsimahu habilummuu li kuhaalaku kata búwoliibiyaabu umbu bal̥ukimuu.

1 Kata Koolent 3:9

Li mal̥egenamu, áloli kuloka joom kálokume dín dáno boot li Ateemit, bukuluul li jóomi kal̥aakaku kata Ateemit. Bukuluul jommuu eluufayi yata Ateemit.

1 Saŋ 2:8

Bale maayeet mo, eluwa ewunkul likiiculuul, ban mal̥egenamu mata yo mujukijuk li Kilisita li bukuluul foof. Mata élimayi inyu li ejow, ban mawuŋaamu mata mal̥egen muyaane mútoŋ muwuŋen.