Hulimahu Hásuumaahu loon Saŋ akiic homuu 13:8 - Jola-Kasa

⁸ Fiyeel li aanool: — Kaan min kaane let ufosom koot! Yéesu li aanool: — Ifosutimuu koot, let uyili ubaj wahoowah lí ínje.

Hulimahu Hásuumaahu loon Saŋ akiic homuu 13:8 Referencias Cruzadas

Máciya 16:22

Muñeˈe Fiyeel li aŋalool kúfu’ li kakaŋ min alobool aanool: — Ateemit ajow afooyi, Amaaŋen! Wahawu unwu jakum ubaji!

Máciya 21:29

Añiilawu li aanool: «Ifañut.» Bale li fiyo jakee, li ajok li ehaaseen min ajow bulokabu.

Máciya 26:33

Fiyeel li aanool: — Manoo kaabuku feh kukat bo káyinenaku kan kubajumuu li awu, ínje let ikaan mo.

Máciya 26:35

Fiyeel li aan Yéesu: — Maayeet min eete iket inaboo li awu, bale let iceeŋ een lihaasihaas. Kúgoomaku feh li kulob manolamu.

Hulimahu Hásuumaahu loon Saŋ akiic homuu 13:6

Muñeˈe nan áliiŋumuu li Simoŋ Fiyeel, Simoŋ Fiyeel li aanool: — Anahaan, awu boot min ufosom koot?

Hulimahu Hásuumaahu loon Saŋ akiic homuu 13:9

Simoŋ Fiyeel li aanool: — Anahaan, kama jakum ufosom koot bale, ufos foof kuŋenaku li húkowahu!

Hulimahu Hásuumaahu loon Saŋ akiic homuu 3:5

Yéesu li aanool: — Li mal̥egenamu fan ilobi: an ayilaat anoken li Jáyiiyaju jata Ateemit, okila babukutumi li mal, li Buyinumabu Banabaabu. An abukumi li atuuba áami an, fan alako an.

Bakaanelabu 22:16

Muñeˈe kama waa lukobe li wo? Uyito úbatiiseyi min uhoofoolawu wooli ufosi awu bahooñe kajawaku kata Amaaŋenawu.”»

1 Kata Koolent 6:11

Ban muñowu kukee li bukuluul kunokoo nomuu. Bale Ateemit oololaal lafoffos kahoofoolaku unku áfulen li bukuluul, min akaanuul to boot li akila. Li akaanuul jilako bukan kacole li kajaw kata Amaaŋenawu li Buyinumabu boola.

Kata Efées 5:26

min akaan yo elako Ejangu yanabe. Li aŋa’ Hulimahu hoola min ágiilen yo loon ágiilenemuu.

Kata Kolos 2:18

Jakum jikat bukanabuku kafañumuu ŋáa’ kakaan loon kuwalenoolowalenoolo, ban li kunaak kumanen kumalaka, min kúfulenuul li busuuhenabu bammuu booluul. Bukan loon muñowu kulobelob ŋáa’ mata wahawu wan kujukumuu li kahimmo. Fan kunaak kukaal̥o li katebenoolo, ban li kunaak kuyinoo mata wahawu wata adunaaye bale.

Kata Kolos 2:23

Li mal̥egenamu, siluwaasu unsu ujuke somuu li oon bújallo bóomi ló, mata silollob buu anoowan ammuu li anab li bútinabu boola, mata kawalenoolo, li mata katek eniil, bale siluwaasu unsu sibajut jáliŋ. Soonosoono to boot kakaan eniilayi súum bale.

Eleetalayi yan Fool akiicumuu Tit 3:5

li afakenolaal, ban inti bakaanelolaal bacole bújiye, bale káyiyenaku kan áyiyenolaamuu kújiye. Láfakenumolaafaken li kábatiisaaku kata li malamu, li búkaanum bata Buyinumabu Banabaabu bakaanemuu an alaañ an awunkul, min abaj buloŋ buwunkul.

Eébulo 10:22

Ulohaal kama Ateemit li buyinum bal̥egene, ban li káyinen ló káliiŋe, li ésigil yaseteni li kahoofoo kanookan kabilumulo li kayinoo kajakut, ban eniilayi li efosi li mal masete.

Búhiisenumabu 1:5

Yéesu Kilisita, alobemuu Hulimahu Hásuumaahu li mal̥egen, asenuul foof káji li kásuumaay. Akila áamimuu átinaa li kayitowulumuu li eketayi, ban li áami áyiiyawu ata kúyiiyaku kata etaamayi. Yéesu Kilisita lafañolaafañ, ban li húsimahu hoola láfakenumolaalumuu li uhoofoolawu woololaal.

Búhiisenumabu 7:14

Li eenool: — Awu baleyi uhaase, amaaŋen. Muñeˈe li aanom: — Buko kommuu bukanabuku kálaamumuu sílaamasu sáamakasu. Kufoffos újufowawu wooliil, ban li kuŋa’ húsimahu hata Agálalaanawu min kukaan wo uhiit.