Hulimahu Hásuumaahu loon Saŋ akiic homuu 13:33 - Jola-Kasa

³³ Bañoolom, ilet li ilako li bukuluul fiyo. Fan ban li jiŋesom. Bale boot min ilobuul muñeˈe wahawu wan ilobumuu Kusuwif kaabuku. Let jiyili jijow tan ínje emmuu li ijow.

Hulimahu Hásuumaahu loon Saŋ akiic homuu 13:33 Referencias Cruzadas

Hulimahu Hásuumaahu loon Saŋ akiic homuu 13:36

Simoŋ Fiyeel li agel̥l̥en Yéesu aanool: — Anahaan, kama bay lujowe boot? Yéesu li aanool: — Uyilaat únabul lí ínje muñeˈe boot ban ijowemuu boot, bale fan bil fiyo li únabul lí ínje.

Hulimahu Hásuumaahu loon Saŋ akiic homuu 14:19

Let fiyo, min bukanabuku kata adunaayi kújukaatiwom. Bale bukuluul fan jijukom, mata ínje ummu li buloŋ, ban bukuluul foof fan jiloŋ.

Hulimahu Hásuumaahu loon Saŋ akiic homuu 14:2

Baje úfit wameeŋe li eluufayi yata Atuubawom. Leteenutumuu mo, fan ilobeenuul. Boot min ijow ikaan kulako ikat to boot li bukuluul.

Hulimahu Hásuumaahu loon Saŋ akiic homuu 7:36

Laanolaasaan: «Fan jiŋesom, ban let jijukom. Ban let jiyili jijow boot tan emmuu.» Kama fíle waa lafañe alob li kulimaku unku?

Kata Galasi 4:19

Kuñoolom kan iboolaat, lilaañene ibaj sílaam sáamak loon sata anaale anokene li éluŋun, mata bukuluul jíji, ban boot yok nan jommuu li jinokoo jak li Kilisita.

1 Saŋ 2:1

Kuñoolom, likiicuukiic kulimaku unke jakum bil jihoofoo. Bale nokoomuu loon akee li bukuluul ahoofoole, lubajaale akooŋena hákil Atuubaawu: Okila ammuu Yéesu Kilisita, acolumuu.

1 Saŋ 4:4

Kuñoolom, bukuluul bukan kata Ateemit joom ban jiheeheek kámalumuu koon kufulofet koom; mata Buyinumabu bata Ateemit bammuu li bukuluul buhaŋe sembe buyinumabu bata Alatoolaawu ata Kilisita bammuu li adunaayi.

1 Saŋ 5:21

Kuñoolom, jíkaanum kuteemitaku kaletumuu mal̥egen.